საბა (გიგიბერია)

მიტროპოლიტი საბა (ერისკაცობაში — ზაზა როინის ძე გიგიბერია; დ. 28 სექტემბერი, 1966, სენაკი, საქართველო) — ხონისა და სამტრედიის ეპარქიის მიტროპოლიტი. რელიგიური ტურიზმის (სამომლოცველო) დეპარტამენტის თავმჯდომარე.

საბა
ხონისა და სამტრედიის ეპარქიის მიტროპოლიტი
მეუფე საბა
პროვინცია	იმერეთი
ეპარქია	ხონისა და სამტრედიის ეპარქია
ეკლესია	საქართველოს მართლმადიდებელი ეკლესია
ინთრონიზაცია	1996
პირადი მონაცემები
საერო სახელი	ზაზა გიგიბერია
დაბადების თარიღი	28 სექტემბერი, 1966
ეროვნება	ქართველი
რელიგია	ქრისტიანობა
საცხოვრებელი ადგილი	ხონი

მეუფე საბამ 1991 წელს დაამთავრა საქართველოს პოლიტექნიკური ინსტიტუტის სამშენებლო ფაკულტეტი. 1990 წლიდან 1992 წლამდე სწავლობდა ახალციხის სასულიერო სემინარიაში. 1991 წლის 14 ივნისის კი, ბერად აღიკვეცა. დიაკვნად 1992 წლის 12 იანვარს აკურთხეს, ხოლო მღვდლად - 1992 წლის 4 ოქტომბერს. 1994 წლის 25 ივნისს იღუმენის ხარისხში აიყვანეს, ხოლო არქიმანდრიტობა 1994 წლის 26 ოქტომბერს ებოძა. 1996 წლის 3 ნოემბერს ეპისკოპოსად დაასხეს ხელი. 2003 წლის 14 სექტემბერს კი ხონის მთავარეპისკოპოსი გახდა. 1997-2004 წლებში საქართველოს საპატრიარქოს საფინანსო-ეკონომიური განყოფილების თავმჯდომარე იყო, ხოლო 2004 წლის მაისიდან საქართველოს საპატრიარქოს გამწვანებისა და ეკოლოგიის დეპარტამენტის თავმჯდომარე. 2008 წლის 24 აპრილს ებოძა მიტროპოლიტის ხარისხი.

კათედრა ხონში, რეზიდენცია ხონსა და სამტრედიაში

ანგელოზის დღე — 5 დეკემბერი (18).

იხილეთ აგრეთვე

• საქართველოს ეკლესიის წმინდა სინოდი

რესურსები ინტერნეტში

• ხონისა და სამტრედიის მიტროპოლიტი საბა