პორტუგალიის მწვანეები

პორტუგალიის მწვანეთა პარტია (პორტ. Partido Ecologista "Os Verdes" ან PEV) — პორტუგალიის მწვანეთა და ეკო-სოციალისტთა პარტია. ევროპის მწვანეთა პარტიის წევრი და ევროპის მწვანეთა ფედერაციის დამფუძნებელი.

Partido Ecologista "Os Verdes" პორტუგალიის მწვანეთა პარტია
ისტორია
დაფუძნდა	1982
პოზიციები
იდეოლოგია	მწვანე პოლიტიკა ეკო-სოციალიზმი
საერთაშორისო კავშირები
ევროპული აკრედიტაცია	ევროპის მწვანეთა პარტია
საერთაშორისო აკრედიტაცია	გლობალური მწვანეები
ფერები	მწვანე
შტაბ-ბინა	Rua da Boavista 83, 3 DTO, 1200-066 ლისაბონი
www.osverdes.pt

იგი პირველი პარტიაა პორტუგალიაში, რომელიც მუშაობდა ეკოლოგიურ პრობლემებზე. პარტიას აქვს ახლო ურთიერთობები პორტუგალიის კომუნისტურ პარტიასთან და 1987 წლიდან მასთან ერთად არის კოალიციაში. პარტია ფლობს რამდენიმე მანდატს ადგილობრივ საკრებულოებში და ორ ადგილს პორტუგალიის პარლამენტში.

პარტიის ახალგაზრდული ფრთას წარმოადგენს Ecolojovem. ის გამოსცემს გაზეთს სახელად:Folha Verde (პორტ. Folha Verde). მისი შტაბ-ბინა განთავსებულია ლისაბონში.

ისტორია და ძირითადი მონაცემები

პარტია დააარსეს 1982 წელს, პორტუგალიის მოქალაქეებმა რომლებიც დაინტერესებულნი იყვნენ ეკოლოგიური პრობლემებით. მისი საწყისი სახელი იყოპორტ. Movimento Ecologista Português - Partido "Os Verdes". ამ ახალ პარტიას თავიდანვე მხარს უჭერდა პორტუგალიის კომუნისტური პარტია და მისი ერთ-ერთი დამფუძნებელი ზიტა სეაბრა იყო კომუნისტური პარტიის წევრი.

70-იანების ბოლოს მსოფლიო დადგა ისეთი ეკოლოგიუური პრობლემების წინაშე როგორიცაა: სათბურის ეფექტი და ოზონის ხვრელის გათხელება. პორტუგალიის საზოგადოებაში ორგანიზებული ეკოლოგიური მოძრაობის საჭიროებამ გამოიწვია მწვანეების შექმნა, რომლებმაც მსგავსი პრობლემები წამოწიეს პოლიტიკურ ფლანგზე.

პარტიამ დაფუძნების შემდეგ შექმნა რეგიონალური ჯგუფები, რომლებიც დღემდე იზრდებიან. ქვეყნის მასშტაბით პარტიის ზრდამ ხელი შეუწყო წევრების სხვადასხვა პოზიციებზე არჩევას. დღეისთვის (2005 წლის არჩევნების მიხედვით) პარტიას ჰყავს რამდენიმე წევრი მუნიციპალიტეტების საკრებულოებში და ორი წევრი პორტუგალიის პარლამენტში: ჰელოიზა აპოლონია და ფრანცისკო მადეირა ლოპესი.

პარტიას აკრიტიკებენ კომუნისტებთან მათი მჭიდრო კავშირის გამო, მათ ზედმეტ სახელსაც კი ეძახიან "საზამთროები - მწვანე გარედან, წითელი შიგნიდან". მიუხედავად იმისა რომ პარტიას ცალკე (კომუნისტების გარეშე)არჩევნებში არასოდეს მიუღია მონაწილეობა, მათი პოზიციები მაინც განსხვავდებაისეთ საკითხზე როგორიცაა: ატომური ენერგიის მხარდაჭერა.

პარტია ასევე წარმოდგენილია საარჩევნო კომისიაში და განათლების ნაციონალურ საბჭოში.

პარტიის ახალგაზრდული ფრთა არის პორტ. Ecolojovem, რომელიც დაარსებულია 1989 წელს და არის ახალგაზრდა მწვანეების ევროპული ფედერაციის წევრი.

პარტია გამოსცემს გაზეთს, პორტ. Folha Verde (მწვანე ფოთოლი), რომელსაც აქვ მიღებული რამდენიმე პრიზი უნიკალური დიზაინისა და სტილისათვის.

შედეგები არჩევნებში

ერთიანი დემოკრატიული კოალიციის შედეგები 2005 წლის ადგილობრივ არჩევნებში. (აზორის კუნძულების და მადეირას გამოკლებით)

არჩევნებზე მწვანეები ერთიანდებიან პორტუგალიის კომუნისტურ პარტიასთან, ერთიან დემოკრატიულ კოალიციაში.

საპარლამენტო არჩევნების შედეგები

პორტუგალიის საპარლამენტო არჩევნების შედეები
წელი	მდებარეობა	არჩევნების ტიპი	ხმა	%	მანდატი
1987	CDU	საპარლამენტო	685,109	12.2%	31 (2)
1991	CDU	საპარლამენტო	501,840	08.8%	17 (2)
1995	CDU	საპარლამენტო	504,007	08.6%	15 (2)
1999	CDU	საპარლამენტო	483,716	09.0%	17 (2)
2002	CDU	საპარლამენტო	378,640	07.0%	12 (2)
2005	CDU	საპარლამენტო	432,009	07.6%	14 (2)

შენიშვნა:

რაოდენობაში ნაჩვენებია ერთიანი დემოკრატიული კოალიციის წევრების რაოდენობა, ხოლო ფრჩხილებში მწვანეთა პარტიის წევრების.

ლოკალური არჩევნების შედეგები

ლოკალური არჩევნების შედეგები
წელი	მდებარეობა	არჩევნების ტიპი	ხმები	%	მანდატები
1985	APU	ლოკალური	942,147	19.4%	305
1989	CDU	ლოკალური	633,682	12.8%	252
1993	CDU	ლოკალური	689,928	12.8%	246
1997	CDU	ლოკალური	643,956	12.0%	236
2001	CDU	ლოკალური	557,481	10.6%	202
2005	CDU	ლოკალური	590,496	11.0%	203

ევროპის პარლამენტის არჩევნები

ევროპის პარლამენტის არჩევნების შედეგები
წელი	მდებარეობა	არჩევნების ტიპი	ხმა	%	მანდატები
1987	CDU	ევროპის პარლამენტი	646,640	11.5%	3
1989	CDU	ევროპის პარლამენტი	594,961	14.4%	4
1994	CDU	ევროპის პარლამენტი	339,283	11.2%	3
1999	CDU	ევროპის პარლამენტი	357,575	10.3%	2
2004	CDU	ევროპის პარლამენტი	309,406	09.1%	2

შენიშვნა:

• 2004 - ში, ევროპის კავშირის გაფართოების შემდეგ, პორტუგალიიდან არჩეული წევრების რაოდენობა შემცირდა 25-დან 24-მდე.

რესურსები ინტერნეტში

• ოფიციალური საიტი (პორტუგალიური)
• ევროპის მწვანეები დაარქივებული 2004-12-07 საიტზე Wayback Machine.
• ლისაბონის საკრებულოს საიტი დაარქივებული 2020-09-24 საიტზე Wayback Machine. (პორტუგალიური)