პარვიზ აბდულაევი
პარვიზ აბდულაევი (აზერ. Pərviz Abdullayev; დ. 5 იანვარი, 1986 წელი, აღდამი, აზერბაიჯანის სსრ, საბჭოთა კავშირი) — პროფესიონალი აზერბაიჯანელი კიკბოქსიორი, აზერბაიჯანის სპორტის დამსახურებული ოსტატი, ექვსგზის მსოფლიო ჩემპიონი პროფესიულ კიკბოქსინგში.
 | |
| პირადი ინფორმაცია | |
|---|---|
| მეტსახელ(ებ)ი | კობრა პარვიზი |
| ეროვნება | აზერბაიჯანელები |
| დაბ. თარიღი | 5 იანვარი, 1986 |
| დაბ. ადგილი | აღდამი, აზერბაიჯანის სსრ, საბჭოთა კავშირი |
| სიმაღლე | 1.76 მ სმ |
| წონა | 77 კგ კგ |
| ქვეყანა | აზერბაიჯანი |
| სახეობა | კიკბოქსინგი |
ადრეული ცხოვრება რედაქტირება
პარვიზ აბდულაევი (სახელად კობრა პარვიზი) დაიბადა აზერბაიჯანში, აღდამში, 1986 წლის 5 იანვარს. მან ადრეული განათლება აღდამში მიიღო, შემდეგ დაამთავრა ბაქოს 250-ე საშუალო სკოლა. 2003 წელს ჩაირიცხა ბაქოს სახელმწიფო უნივერსიტეტის ისტორიის ფაკულტეტზე. 2010 წელს პარვიზ აბდულაევი გამოცხადდა აზერბაიჯანის წლის ათ საუკეთესო სპორტსმენთა შორის.
პარვიზ აბდულაევს აზერბაიჯანის პრეზიდენტმა ილჰამ ალიევმა სპორტში მიღწეული წარმატებისთვის ახალი ბინა გადასცა.[1]
2013 წლიდან აბდულაევი არის საგანგებო სიტუაციების სამინისტროს სპორტის ჯანსაღი ცენტრის კონტრიბუტორი.
პარვიზ აბდულაევი დაქორწინებულია და ჰყავს 2 ვაჟი. ის თავის შვილს იუსიფს კრივში ავარჯიშებს.
პროფესიული კარიერა რედაქტირება
პარვიზ აბდულაევმა 2007 წელს დაიწყო პროფესიული სპორტული კარიერა. ის გახდა აზერბაიჯანის ჩემპიონი უუშუ-სანშუუს საბრძოლო ხელოვნებაში 2007–08 წლებში. 2007 წელს მან მეორე ადგილი დაიკავა უუშუ-სანშუუს მსოფლიო ჩემპიონატზე, რომელიც გაიმართა ჩინეთში. შემდეგ მან ვარჯიში დაიწყო კიკბოქსინგში. 2009 წელს მან მოიგო 5 ბრძოლა კიკბოქსინგში და მოიპოვა მსოფლიო ჩემპიონის ტიტული 71 კგ წონით კატეგორიაში, რომელიც ორგანიზებული იყო WAKO-ს ქვეყნების მიერ ავსტრიაში. 2010 წელს მან მონაწილეობა მიიღო პეკინში გამართულ ,,World Accord Combat Games 2010"-ში და გახდა ჩემპიონი.
2010 წლის მაისში მან მონაწილეობა მიიღო მსოფლიო WAKO Kickboxing-ის შეჯიბრში, რომელიც გაიმართა უნგრეთში და დაიკავა მეორე ადგილი. 2010 წელს პარვიზ აბდულაევმა დაამარცხა რუსი მეტოქე ვლადიმერ შულიაკი WAKO-ს ევროპის ჩემპიონატში, რომელიც გაიმართა ბაქოში, აზერბაიჯანი. ის გახდა მსოფლიო ჩემპიონი და დაჯილდოვდა მსოფლიო ქამრით. 2011 წელს მან მონაწილეობა მიიღო დონ როსტოვში გამართულ შეჯიბრში პროფესიონალთა შორის და მეორედ გახდა მსოფლიო ჩემპიონი. 2013 წელს აბდულაევმა დაამარცხა თავისი მეტოქე ვიტალი სოროკა R1 World's Belt-ში და გახდა მსოფლიოს ჩემპიონი, რომელიც გაიმართა რუსეთში, როსტოვში.[2]
2014 წელს მან დაამარცხა მაროკოელი მეტოქე IPCC-ის კიკბოქსინგის შეჯიბრზე, რითაც კვლავ მოიპოვა მსოფლიოს ჩემპიონის ტიტული და მიენიჭა მსოფლიო ქამარი. 2014 წელს მან დაამარცხა თავისი რუმინელი მეტოქე და მიიღო ,,ჰაიდარ ალიევის ქამარი" ეროვნული ლიდერის ჰეიდარ ალიევის 90 წლის იუბილესადმი მიძღვნილ ტურნირზე.[3]
2017 წელს მან მესამე ადგილი დაიკავა უუშუ-სანშუუს მე-4 ისლამური სოლიდარობის თამაშებზე ბაქოში, აზერბაიჯანი.[4][5] 2018 წელს მან მონაწილეობა მიიღო ACB KB-ს პროფესიონალური კიკბოქსინგის შეჯიბრში მოსკოვში. მან დაამარცხა რუსი მეტოქე და გახდა მსოფლიო ჩემპიონი და პირველად მიენიჭა ACB საბრძოლო ქამარი.[6][7]
პარვიზ აბდულაევმა ასევე მონაწილეობა მიიღო Glory-ის, SUPERKOMBAT-ისა და Kunlun Fight-ის მიერ ორთაბრძოლებში. პარვიზის მწვრთნელი მსოფლიოს ორგზის ჩემპიონი ფიზული მუსაევია.
რესურსები ინტერნეტში რედაქტირება
სქოლიო რედაქტირება
- ↑ Survivor Parviz Abdullayev Kimdir?. acunn.com
- ↑ Ölümcül darbe !!!Смертельный Удар (СЛАБОНЕРВНЫМ НЕ СМОТРЕТЬ !!!), https://www.youtube.com/watch?v=MwGFO-vpuEo. წაკითხვის თარიღი: 2021-10-25
- ↑ Vyanada ümummilli lider Heydər Əliyevin 90 illik yubileyinə həsr olunmuş beynəlxalq kikboksinq turniri keçirilmişdir az. ციტირების თარიღი: 2021-10-25
- ↑ Uşu yarışlarında daha iki idmançımız qalib gəlib
- ↑ Hamı məndən qızıl medal gözləyirdi, amma...
- ↑ Azərbaycan döyüşçüsü Pərviz Abdullayev dünya kəmərinə sahib olub
- ↑ Парвиз Абдуллаев VS Ислам Байбатыров