პანევეჟისი

პანევეჟისი (ლიეტ. Panevėžys, პოლ. Poniewież, 1917-მდე რუს. Поневе́ж) — მოსახლეობის მიხედვით მეხუთე ქალაქი ჩრდილოეთ ლიეტუვაში. პანევეჟისის მაზრისა და პანევეჟისის რაიონის ადმინისტრაციული ცენტრი.

ქალაქი
პანევეჟისი Panevėžys
ქალაქის ცენტრი
დროშა გერბი
ქვეყანა	ლიეტუვა
მაზრა	პანევეჟისიპანევეჟისის მაზრა|პანევეჟისი
კოორდინატები	55°43′00″ ჩ. გ. 24°21′00″ ა. გ.
მმართველი	Rytis Mykolas Račkauskas
დაარსდა	1503
პირველი ხსენება	1503
ადრეული სახელები	პონევეჟი
ამჟამინდელი სტატუსი	1837
ფართობი	52 კმ²
ცენტრის სიმაღლე	61 მეტრი
მოსახლეობა	114 582 კაცი (2007)
სიმჭიდროვე	2236 კაცი/კმ²
სასაათო სარტყელი	UTC+2, ზაფხულში UTC+3
სატელეფონო კოდი	845
საფოსტო ინდექსი	35001
ოფიციალური საიტი	panevezys.lt
პანევეჟისი ვიკისაწყობში

მდებარეობა

ქალაქი მდებარეობს მდინარე ნევეჟისის (ნემანის შენაკადი) ორივე ნაპირზე, ვილნიუსიდან ჩრდილო-დასავლეთით 109 კილომეტრზე და კლაიპედიდან 240 კმ-ის დაშორებით. ფართობი 52 კმ². ქალაქი მნიშვნელოვანი სატრანსპორტო კვანძია აქ ერთდება ლიეტუვის უმთავრესი მაგისტრალები და საერთაშორისო მაგისტრალი „ვია ბალტიკა“, რომელიც ერთმანეთთან აკავშირეს ვილნიუსსა და რიგას. რკინიგზის ხაზით დაკავშირებულია ქალაქ შიაულიაისთან და ლატვიის ქალაქ დაუგავპილსთან.

მოსახლეობა

რუსეთის იმპერიის პირველი აღწერის მიხედვით პანევეჟისში ცხოვრობდა 12 968 ადამიანი, რომლის დაახლოებით ნახევარს ებრაელები შეადგენდნენ. პირველი მსოფლიო ომის წინ ქალაქში 14 000 ადამიანი ცხოვრობდა. მეორე მსოფლიო ომის წინ კი - 27 ათასი. 2005 წლის მონაცემებით კი ცხოვრობს 116 247 კაცი. ქალაქი მონოეთნიკურია მოსახლეობის 96 %-ს ლიეტუველები შეადგენენ, მცირე რაოდენობით ცხოვრობენ რუსები, უკრაინელები, ბელარუსები, ებრაელები.

დაძმობილებული ქალაქები

• კოლდინგი, დანია
• მიტიშჩი, რუსეთი
• კალმარი, შვედეთი
• კინგსტონი, იამაიკა
• ლუბლინი, პოლონეთი
• დაუგავპილსი, ლატვია
• რაკვერე, ესტონეთი
• ლიურენი, გერმანია

რესურსები ინტერნეტში

• ოფიციალური საიტი დაარქივებული 2011-10-05 საიტზე Wayback Machine.
• პანევეჟისის ისტორია

პანევეჟისის პანორამა