ნირმალა სითჰარამანი
ნირმალა სითჰარამანი (ინგლ. Nirmala Sitharaman; დ. 18 აგვისტო, 1959) —ინდოელი პოლიტიკოსი, 2019 წლის მაისიდან იკავებს ინდოეთის ფინანსთა მინისტრის პოსტს. იგი გახლავთ ინდოეთის პარლამენტის ზედა პალატის წევრი. მანამდე იგი ინდოეთის თავდაცვის მინისტრის თანამდებობაზე მუშაობდა. იგი მეორე ქალი პოლიტიკოსია, ვინც ამ პოსტს იკავებდა ქვეყანაში. [1][2]
| ნირმალა სითჰარამანი ინგლ. Nirmala Sitharaman< br /> თამ நிர்மலா சீதாராமன் | |
_(cropped).jpg) | |
 ინდოეთის ფინანსთა მინისტრი | |
|---|---|
| ამჟამინდელი თანამდებობა | |
| დაიკავა | 30 მაისი 2019 |
| წინამორბედი | არუნ ჯეტლი |
| ინდოეთის თავდაცვის მინისტრი | |
| თანამდებობაზე ყოფნის დრო | |
| 3 სექტემბერი 2017 – 30 მაისი 2019 | |
| წინამორბედი | არუნ ჯეტლი |
| მემკვიდრე | რაჯნატხ სინგჰი |
| ინდოეთის ვაჭრობის და მრეწველობის მინისტრი | |
| თანამდებობაზე ყოფნის დრო | |
| 26 მაისი 2014 – 3 სექტემბერი 2017 | |
| წინამორბედი | ანანდ შარმა |
| მემკვიდრე | სურეშ პრაბხუ |
| დაბადებული | 18 აგვისტო 1959 (62 წლის) მადურაი, მადრასი, ინდოეთი |
| პოლიტიკური პარტია | ინდოეთის სახალხო პარტია |
| მეუღლე | პარაკალა პრაბჰაკარი |
| შვილები | 1 |
| განათლება | ჯავაჰარლალ ნერუს უნივერსიტეტი |
განათლება რედაქტირება
ნირმალა სითჰარამანი დაიბადა ინდოეთის ქალაქ მადურაიში. მისი მშობლები საშუალო ფენის წარმომადგენლები იყვნენ. 1980 წელს დაამთავრა კოლეჯი Seethalakshmi Ramaswami და მიიღო ეკონომიკის ბაკალავრის ხარისხი, ხოლო 1984 წელს— დელის ჯავაჰარლალ ნერუს სახელობის უნივერსიტეტში გახდა ხელოვნების მაგისტრი ეკონომიკის დარგში.
პოლიტიკური კარიერა რედაქტირება
.jpg)
ნირმალა სითჰარამანი 2006 წელს გახდა ინდოეთის სახალხო პარტიის (ბჰარატია ჯანატა) წევრი, 2010 წელს დაინიშნა პარტიის პრესმდივნად. 2014 წელს იგი შეიყვანეს პრემიერ მინისტრ ნარენდრა მოდის კაბინეტში, როგორც უმცროსი მინისტრი. ხოლო 2014 წლის ივნისში აირჩიეს ინდოეთის პარლამენტის ზედა პალატის წევრად. 2016 წლის მაისში იგი გახლდათ ინდოეთის სახალხო პარტიის 12 კანდიდატიდან ერთ-ერთი, რომელიც მონაწილეობდა პარლამენტის ზედა პალატის არჩევნებში და წარმატებით შეინარჩუნა ადგილი. 2017 წლის 3 სექტემბერს იგი დაინიშნა ინდოეთის თავდაცვის მინისტრად, რითაც გახდა მეორე ქალი ქვეყანაში ინდირა განდის შემდეგ, რომელმაც აღნიშნული პოსტი დაიკავა.[3][4]
2019 წლის 31 მაისს დაინიშნა ფინანსთა და კორპორატიულ საქმეთა მინისტრად. იგი გახდა პირველი ქალი, რომელმაც დაიკავა ფინანსთა მინისტრის პოსტი ქვეყანაში. 2019 წლის 5 ივლისს მან ინდოეთის პარლამენტს წარუდგინა თავისი პირველი ბიუჯეტის გეგმა. ინდოეთში კორონავირუსის პანდემიის დროს იგი დაინიშნა ეკონომიკური რეაგირების ჯგუფის ხელმძღვანელად.[5][6][7][8]
სხვა საქმიანობა რედაქტირება
,_Smt._Nirmala_Sitharaman,_in_New_Delhi_on_July_08,_2016_(1).jpg)
ნირმალა სითჰარამანი ლონდონში, საოჯახო დეკორის მაღაზია Habitat-ში გამყიდვლად მუშაობდა. დიდ ბრიტანეთში ყოფნისას ის ასევე მუშაობდა უფროს მენეჯერად PricewaterhouseCoopers-ში და შემდეგ, გარკვეული დროის განმავლობაში— BBC World Service-ში.[9][10]
2017 წელს გახდა ქალთა ეროვნული კომისიის წევრი.[11]
ჯილდოები რედაქტირება
2019 წელს ჯავაჰარლალ ნერუს სახელობის უნივერსიტეტმა ნირმალა სითჰარამანს გადასცა გამორჩეული კურსდამთავრებულების ჯილდო. 2019 წელს ჟურნალმა Forbes-მა მას 34-ე ადგილი მიაკუთვნა მსოფლიოს 100 ყველაზე გავლენიან ქალთა შორის.[12][13]
Fortune-მა ნირმალა სითჰარამანი ინდოეთის ყველაზე გავლენიან ქალად დაასახელა.[14]
ოჯახი რედაქტირება
ნირმალა სითჰარამანმა გაიცნო მისი მეუღლე პარაკალა პრაბჰაკარი დელიში ჯავაჰარლალ ნერუს სახელობის უნივერსიტეტში სწავლის დროს. მომავალი მეუღლე, ანდჰრა-პრადეშიდან, კონგრესმენის ოჯახიდან გახლდათ. ისინი 1986 წელს დაქორწინდნენ და შეეძინათ ქალიშვილი. პრაბჰაკარი მუშაობდა ანდჰრა-პრადეშის ყოფილი მთავარი მინისტრის მრჩევლად კომუნიკაციების საკითხებში.[12]
სქოლიო რედაქტირება
- ↑ Who Gets What: Cabinet Portfolios Announced. Full List Here[მკვდარი ბმული]. ndtv.com.
- ↑ A power couple whom AP looks up to. timesofindia.indiatimes.com.
- ↑ BJP gets a JNU product as its woman spokesparson. timesofindia.indiatimes.com.
- ↑ Nirmala elected to Rajya Sabha (27.06.2014). thehindu.com.
- ↑ Nirmala Sitharaman appointed Finance Minister in Modi govt 2.0 as Arun Jaitley retreats. financialexpress.com.
- ↑ PM Modi allocates portfolios. Full list of new ministers (31.05.2019)[მკვდარი ბმული]. livemint.com.
- ↑ Coronavirus in India: Economic task force yet to be formed; no decision on relief package (21.03.2020)[მკვდარი ბმული]. businesstoday.in.
- ↑ In Nirmala Sitharaman, India Gets Its Second Woman Defence Minister After Indira Gandhi[მკვდარი ბმული]. huffingtonpost.in.
- ↑ The rise and rise of Nirmala Sitharaman: From spokesperson to defence minister. business-standard.com.
- ↑ "12 Unknown Facts About Nirmala Sitharaman: The Sales Girl Bit Will Surprise You". The Hans India.
- ↑ Who is Nirmala Sitharaman, India’s first full-time woman Defence Minister. financialexpress.com.
- ↑ 12.0 12.1 Nirmala Sitharaman, Jaishankar to get JNU’s Distinguished Alumni Award. thehindu.com.
- ↑ #34 Nirmala Sitharaman. forbes.com.
- ↑ "India's Most Powerful Business Women in 2021 - Fortune India დაარქივებული 2022-03-04 საიტზე Wayback Machine. ". www.fortuneindia.com. Retrieved 18 February 2022.