მაგნეზიტი

მაგნეზიტი (ლათ. magnesia — „მაგნეზია“) — კარბონატების კლასის მინერალი; ქიმიური შედგენილობა ${\ce {MgCO3}}$. იზომორფული მინარევის სახით შეიცავს ${\ce {Fe}}$, ${\ce {Mn}}$, ${\ce {Ca}}$. კრისტალდება ტრიგონურ სინგონიაში. კრისტალები რომბოედრული ან უსწორმასწორო წაგრძელებული აქვს, აგრეგატები — ფარულ-კრისტალური. თეთრია ან მოყვითალო-ნაცრისფერი. მყიფეა; რომბოედრის გასწვრივ აქვს სრული ტკეჩადობა. სიმაგრე მინერალოგიური სკალით 3.75-4.25; სიმკვრივე 2900-3100 კგ/მ³. მაგნეზიტის ძირითადი დანაგროვები გვხვდება მეტამორფიზებულ დოლომიტებში. მაგნეზიტი გამოიყენება ცემენტის, ცელულოზის, სინთეზური კაუჩუკის, პლასტმასის, ცეცხლგამძლე ნაწარმის, კერამიკულ და სხვათა წარმოებაში. ძირითადი საბადოებია რუსეთში, ჩინეთში, კორეაში, ბრაზილიაში.

მაგნეზიტი
მაგნეზიტის კრისტალები ბრაზილიიდან
საერთო
კატეგორია	კარბონატის მინერალები
ქიმიური ფორმულა	MgCO3
იდენტიფიკაცია
ფერი	თეთრია ან მოყვითალო-ნაცრისფერი
კრისტალის სინგონია	ტრიგონური
სიმაგრე მოოსის სკალით	3.75-4.25
სიმკვრივე	2900-3100 კგ/მ³

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 325.