ლეჩქისსერი

ლეჩქისსერი, გადრეკილი — მესხეთის ქედის ჩრდილოეთი განშტოება, მდინარეების კვირისწყლისა და საშუალის (მდინარე გუბაზეულის მარცხენა შენაკადები) წყალგამყოფი. აგებულია შუაეოცენური ასაკის სქელშრეებრივი ტუფ-ბრექჩიებით. ქედის უმაღლესი წერტილია მწვერვალი გადრეკილი (2505 მ). კალთები შემოსილია წიფლნარმუქწიწვიანი ტყეებით, თხემი და მწვერვალები — სუბალპური მდელოებით.

ლიტერატურა

• ჯაყელი ქ., ქართული საბჭოთა ენციკლოპედია, ტ. 2, თბ., 1977. — გვ. 621.