კივუს ტბა
კივუ (ინგლ. Kivu, ფრანგ. Lac Kivu, კინიარუანდა — Ikiyaga cya Kivu) — ტბა აღმოსავლეთ აფრიკაში, კონგოს დემოკრატიული რესპუბლიკის და რუანდის საზღვარზე. ფართობი — 2700 კმ², სიღრმე — 496 მ-მდე. მდებარეობს ტექტონიკურ ქვაბულში, 1460 მეტრ სიმაღლეზე. ტბა წარმოიქმნა ვულკანური ლავებით ძველი მდინარეული ქსელის გადაკეტვის შედეგად. ნაპირები ციცაბოა და შეჭრილ-შემოჭრილი. ტბაში 150-ზე მეტი კუნძულია. მდინარე რუზიზით უკავშირდება ტანგანიიკის ტბას. ამავე ტბაზე მდებარეობს მსოფლიოში ერთ-ერთი ყველაზე უფრო დიდი, მტკნარ წყლებში არსებული, კუნძული — იჯვი. წყალი სუსტად მომლაშოა. ტბა სანაოსნოა. მთავარი ნავსადგომები და ნავმისადგომებია: ბუკავუ, გომა (კონგოს დემოკრატიული რესპუბლიკა), კისენი, მანგუგუ (რუანდა).
| კივუს ტბა | |
|---|---|
| ინგლ. Kivu ფრანგ. Lac Kivu კინიარუანდა — Ikiyaga cya Kivu | |
 კივუს ტბა | |
| კოორდინატები: 01°51′11″ ს. გ. 29°08′07″ ა. გ. / 1.85306° ს. გ. 29.13528° ა. გ. | |
| მდებარეობა |  კონგოს დემოკრატიული რესპუბლიკა რუანდა
|
| სიმაღლე ზღვის დონიდან | 1460 მ |
| სიგრძე | 89 კმ |
| სიგანე | 48 კმ |
| ფართობი | 2700 კმ² |
| მოცულობა | 500 კმ³ |
| საშუალო სიღრმე | 240 მ |
| მაქსიმალური სიღრმე | 496 მ |
| აუზის ფართობი | 7000 კმ² |
| გამომდინარე მდინარე | რუზიზი |
  | |
აღმოაჩინა გერმანელმა მოგზაურმა ადოლფ ფონ გეტცენმა 1894 წელს.
იხილეთ აგრეთვე
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 5, თბ., 1980. — გვ. 511.