ირაკლი ყანდაშვილი
ირაკლი ყანდაშვილი (დ. 7 ივნისი, 1984, თბილისი) — ქართველი იურისტი, სამართლის დოქტორი (2018), პროფესორი (2020), 2013 წლიდან სსიპ „საქართველოს ადვოკატთა ასოციაციის“ აღმასრულებელი საბჭოს წევრი. 2019 წლის 14 დეკემბერს არჩეულ იქნა სსიპ „საქართველოს მედიატორთა ასოციაციის“ პირველ თავმჯდომარედ.
| ირაკლი ყანდაშვილი | |
|---|---|
 | |
| დაბადების თარიღი |
7 ივნისი, 1984 თბილისი |
| მოქალაქეობა | საქართველო |
| პროფესია | იურისტი |
ბიოგრაფია
რედაქტირებაირაკლი ყანდაშვილი დაიბადა 1984 წლის 7 ივნისს, თბილისში. 2006 წელს დაამთავრა თბილისის სახელმწიფო უნივერსიტეტის იურიდიული ფაკულტეტი; 2015 წელს წარჩინებით დაამთავრა ჩიკაგო-კენტის სამართლის სკოლა (აშშ, ჩიკაგო, LLM). 2018 წელს მიენიჭა სამართლის დოქტორის აკადემიური ხარისხი (თბილისის სახელმწიფო უნივერსიტეტი), პროფესორი (2020). სადისერტაციო თემა - „საქართველოში მედიაციის მაგალითზე დავის ალტერნატიული გადაწყვეტის სასამართლო და არა სასამართლო ფორმები“, დაიცვა 2018 წელს ივანე ჯავახიშვილის სახელობის თბილისის სახელმწიფო უნივერსიტეტში.
ირაკლი ყანდაშვილი 2004 წლიდან იწყებს საადვოკატო პრაქტიკას; 2007-2011 წლებში თბილისის სახელმწიფო უნივერსიტეტის იურიდიული ფაკულტეტის ასისტენტ-პროფესორია კერძო სამართლის მიმართულებით; 2008 წლიდან გაეროს ადამიანის უფლებათა უმაღლესი კომისრის ოფისის წარმომადგენლობის ექსპერტი ადამიანის უფლებებში; 2007 წელს - ამერიკული და საერთაშორისო სამართლის აკადემიის კურსდამთავრებული და აღმასრულებელი მდივანი (დალასი, ტეხასი); 2008 წ - გერმანიის ადვოკატთა ასოციაციის სტაჟიორი (ბერლინი, ბრიუსელი); 2008-2009 წლებში ამერიკის იურისტთა ასოციაციის ლიცენზირებული ტრენერი სასამართლო უნარ-ჩვევებში;
2008-2010 წლებში იურიდიული კომპანია „ანდრონიკაშვილი, საქსენ-ალტენბურგი, ბარამიძე და პარტნიორების“ მმართველი პარტნიორი; 2009-2013 წლებში საქართველოს უნივერსიტეტის, კავკასიის საერთაშორისო უნივერსიტეტის და ილიას სახელმწიფო უნივერსიტეტის მიწვეული ლექტორი კერძო სამართლის მიმართულებით; 2010-2011 წლებში სამოქალაქო საქმეთა მუდმივმოქმედი არბიტრაჟის არბიტრი; 2010-2012 წლებში იურიდიული კომპანია „ასათიანი დ აადვოკატების“ პარტნიორი; 2011-2013 წლებში „ადვოკატთა პროფესიული განვითარების ცენტრის“ აღმასრულებელი დირექტორი; 2011-2013 წლებში ადვოკატთა გაერთიანება „საქართველოს ადვოკატები დამოუკიდებელი პროფესიისათვის“ აღმასრულებელი დირექტორი; 2012 წლიდან ლიცენზირებული მედიატორი და საქართველოს ადვოკატთა ასოიაციის ტრენერი პროფესიულ ეთიკაში; 2013 წლიდან იურიდიული კომპანია „K&K Consulting“-ს მმართველი პარტნიორი.
2013 წლიდან სსიპ „საქართველოს ადვოკატთა ასოციაციის“ აღმასრულებელი საბჭოს წევრი, საქართველოს ადვოკატთა ასოციაციის პროფესიული ჟურნალ „ადვოკატი“-ს სარედაქციო კოლეგიის წევრი და ასოციაციის საგანმანათლებლო საბჭოს ხელმძღვანელი. გამოქვეყნებული აქვს 50-მდე სამეცნიერო სტატია-პუბლიკაცია ქართულ, გერმანულ, ინგლისურ, რუსულ და უკრაინულ ენებზე. ავტორი ორი მონოგრაფიული შრომის: 2018 წ. - „პროფესია ადვოკატი“; 2019 წ. - „საქართველოში მედიაციის მაგალითზე დავის ალტერნატიული გადაწყვეტის სასამართლო და არასასამართლო ფორმები“. 2019 წლის 14 დეკემბერიდან სსიპ „საქართველოს მედიატორთა ასოციაციის“ პირველი თავმჯდომარე.
ორგანიზაციის, ასოციაციის ან ჯგუფის წევრი
რედაქტირება- ევროპის ადვოკატთა ასოციაციების და სამართლის საბჭო (CCBE), განათლების კომიტეტის წევრი (2014-)
- საერთაშორისო ადვოკატთა ასოციაცია (IBA), წევრი (2014-)
- საქართველოს ადვოკატები დამოუკიდებელი პროფესიისათვის, წევრი (2010-2012)
- საქართველოს ადვოკატთა ასოციაცია, წევრი (2006-)
- საქართველოს ადვოკატთა ასოციაციის აღმასრულებელი საბჭო, წევრი (2013-)
- საქართველოს ახალგაზრდა იურისტთა ასოციაცია, წევრი (2001-)
- საქართველოს სასამართლო მედიატორთა ასოციაცია, წევრი (2015-)
ბიბლიოგრაფია
რედაქტირება- მედიაცია დავის გადაწყვეტის ეფექტური ალტერნატიული საშუალება, „იურისტების სამყარო“, 2020.
- საქართველოში მედიაციის მაგალითზე დავის ალტერნატიული გადაწყვეტის სასამართლო და არასასამართლო ფორმები, „იურისტების სამყარო“, 2019.