ილიას სახელმწიფო უნივერსიტეტი

ილიას სახელმწიფო უნივერსიტეტი, ილიაუნი — უმაღლესი საგანმანათლებლო დაწესებულება თბილისში, რომელიც 2006 წელს განსხვავებული და ხანგრძლივი ისტორიის მქონე 6 ინსტიტუტის გაერთიანების შედეგად დაფუძნდა. ილიას სახელმწიფო უნივერსიტეტი ერთ-ერთი წამყვანი კვლევითი და საგანმანათლებლო დაწესებულებაა საქართველოში. უნივერსიტეტში 4 ფაკულტეტი არსებობს, ასევე ილიას უნივერსიტეტის შემადგენლობაში შედის სან დიეგოს სახელმწიფო უნივერსიტეტის ინგლისურენოვანი საბაკალავრო პროგრამები და 20-ზე მეტი კვლევითი ინსტიტუტი და ცენტრი. უნივერსიტეტი არის საერთაშორისო ასოციაციებისა და ქსელების წევრი.

ილიას სახელმწიფო უნივერსიტეტი
დევიზი	ლათ. Ligamus ქართ. „ჩვენ ვაერთიანებთ“, Libertas Academica, Libertas Conscientiae
დაფუძნდა	2006
ატარებს სახელს	ილია ჭავჭავაძე
ტიპი	საჯარო
რექტორი	ნინო დობორჯგინიძე
სტუდენტი	16 601
მისამართი	ქაქუცა ჩოლოყაშვილის გამზირი 3/5 , თბილისი 0162
ქალაქი	თბილისი
ქვეყანა	საქართველო
ტელეფონი	(+995 32) 23 10 26 (+995 32) 29 41 97. ადმინისტრაცია
კამპუსი	12
მეტსახელი	„ილიაუნი"
კავშირები	ევროპის უნივერსიტეტების ასოციაცია
iliauni.edu.ge

ისტორია

ილიას სახელმწიფო უნივერსიტეტი დაფუძნდა 2006 წელს განსხვავებული და ხანგრძლივი ისტორიის მქონე 6 ინსტიტუტის გაერთიანების შედეგად.

ფაკულტეტები

ილიას სახელობის უნივერსიტეტი. E კორპუსი.

ილიას სახელმწიფო უნივერსიტეტში არსებობს 4 ფაკულტეტი. მეცნიერებათა და ხელოვნების ფაკულტეტი ილიას სახელმწიფო უნივერსიტეტის ერთ-ერთი ყველაზე დიდი ფაკულტეტია, რომელიც სასწავლო პროგრამებს სწავლების 4 საფეხურზე ახორციელებს (პროფესიული, ბაკალავრიატი, მაგისტრატურა და დოქტორანტურა).

საბუნებისმეტყველო მეცნიერებებისა და მედიცინის ფაკულტეტი სასწავლო პროგრამებს სწავლების რამდენიმე საფეხურზე ახორციელებს (პროფესიული, ბაკალავრიატი, მაგისტრატურა, დოქტორანტურა, უმაღლესი პროფესიული). ფაკულტეტს გააჩნია დიდი მატერიალური ბაზა, რომელიც გამოიყენება სამეცნიერო კვლევებსა და ტექნიკურ მომზადებაში. საქართველოს მაღალმთიანეთში, შავი ზღვის სანაპიროზე, აღმოსავლეთ საქართველოს არიდულ ლანდშაფტში ფაკულტეტის დაქვემდებარებაშია საველე კვლევითი ბაზები, დნმ-ლაბორატორია, სადაც ადამიანის, ცხოველების და მცენარეების გენებს შეისწავლიან, კვლევითი გემი, რომლის გამოყენებითაც იწარმოება შავი ზღვის ფაუნის, ფლორისა და გეოლოგიის კვლევები, სახელოსნოები, მათ შორის - არქიტექტურული სამაკეტო სახელოსნო და ბიბლიოთეკა.

სამართლის სკოლაში მოქმედებს სამართლის საბაკალავრო და კერძო (ბიზნეს) სამართლის სამაგისტრო პროგრამები.

ბიზნესის, ტექნოლოგიის და განათლების ფაკულტეტი 2019 წელს შეიქმნა.

სან დიეგოს სახელმწიფო უნივერსიტეტის ინგლისურენოვანი საბაკალავრო პროგრამები

ილიას სახელმწიფო უნვირსიტეტის ბაზაზე სან დიეგოს სახელმწიფო უნივერსიტეტის ინგლისურენოვანი საბაკალავრო პროგრამები. პროგრამისთვის განკუთვნილი აუდიტორიები, საინჟინრო და სამეცნიერო ლაბორატორიები და კომპიუტერული სამუშაო ადგილები შექმნილია იმავე კრიტერიუმების დასაკმაყოფილებლად და იმავე ტექნოლოგიების უზრუნველსაყოფად, რაც გამოიყენება სან დიეგოს სახელმწიფო უნივერსიტეტში, აშშ-ში. კურსებს უძღვებიან სან-დიეგოს სახელმწიფო უნივერსიტეტის ამერიკელი პროფესორ-მასწავლებლები.

SDSU-საქართველო, ილიას სახელმწიფო უნივერსიტეტთან თანამშრომლობით აბიტურიენტებს სთავაზობს ორ საბაკალავრო პროგრამას - ელექტრული ინჟინერია და კომპიუტერული ინჟინერია.

კვლევითი ინსტიტუტები

უნივერსიტეტის შემადგენლობაში შედის თანამედროვე დონეზე აღჭურვილი 20-ზე მეტი კვლევითი ინსტიტუტი და ცენტრი. ილიას სახელმწიფო უნივერსიტეტი-კვლევითი ინსტიტუტები:

გამოყენებითი ფიზიკის ინსტიტუტი გამოყენებითი ფსიქოლოგიის ინსტიტუტი დედამიწის შემსწავლელ მეცნიერებათა ინსტიტუტი ევგენი ხარაძის აბასთუმნის ასტროფიზიკური ობსერვატორია ზოოლოგიის ინსტიტუტი ეკოლოგიის ინსტიტუტი ენტომოლოგიის და ბიოკონტროლის კვლევითი ცენტრი თეორიული ფიზიკის ინსტიტუტი კავკასიის კვლევის საერთაშორისო სკოლა ლინგვისტურ კვლევათა ცენტრი მედიცინის სამეცნიერო კვლევითი-ინსტიტუტი მოდერნულობის შესწავლის ინსტიტუტი

სემიოტიკის კვლევითი ცენტრი ფუნდამენტური და ინტერდისციპლინარული მათემატიკური კვლევების ინსტიტუტი ქიმიური ბიოლოგიის ინსტიტუტი შედარებითი ლიტერატურის ინსტიტუტი ძილ-ღვიძილის ციკლის შემსწავლელი თენგიზ ონიანის ლაბორატორია ხელოვნების სამეცნიერო კვლევითი ინსტიტუტი გ. წერეთლის აღმოსავლეთმცოდნეობის ინსტიტუტი პოლიტოლოგიის ინსტიტუტი სავლე წერეთლის ფილოსოფიის ინსტიტუტი დიმიტრი უზნაძის ფსიქოლოგიის ინსტიტუტი ბიოფიზიკის ინსტიტუტი ენების დიდაქტიკის კვლევითი ცენტრი

საერთაშორისო ურთიერთობები

ილიას სახელმწიფო უნივერსიტეტი არის შემდეგი საერთაშორისო ასოციაციებისა და ქსელების წევრი:

• ევროპული თანამშრომლობა მეცნიერებისა და ტექნოლოგიების სფეროში
• შრომითი თერაპიის ევროპული ქსელი
• ფრანკოფონიის უნივერსიტეტების სააგენტო
• ევროპული უნივერსიტეტების ასოციაცია
• უნივერსიტეტების საერთაშორისო ასოციაცია
• ასოციაცია „რონდინეს მშვიდობის ციტადელი“
• შავი ზღვის უნივერსიტეტების ქსელი - BSUN
• ასოციაცია „გერმანული ენის ავსტრიული დიპლომი“ - ÖSD

ილიას სახელმწიფო უნივერსიტეტი ოფიციალურად თანამშრომლობს შემდეგ უნივერსიტეტებთან და კვლევით ცენტრებთან მეცნიერების, ტექნოლოგიის, განათლებისა და კვლევების მიმართულებით:

• ბერლინის თავისუფალი უნივერსიტეტის ბერლინ-დალემის ბოტანიკური ბაღი და ბოტანიკური მუზეუმი, გერმანია
• დედამიწის მეცნიერებათა შემსწავლელი ინსტიტუტი, სინიკას აკადემია, ტაივანი, ჩინეთი
• თავისუფლების უნივერსიტეტი (Liberty University), აშშ
• ინსბრუკის უნივერსიტეტი, ავსტრია
• კალიფორნიის უნივერსიტეტი, დეივისის კამპუსი, აშშ
• კოლუმბიის უნივერსიტეტი, აშშ
• ლიუვენის უნივერსიტეტი, ბელგია
• ნეაპოლის მეორე უნივერსიტეტი, იტალია
• პენსილვანიის უნივერსიტეტის აგრარული მეცნიერებების კოლეჯი, აშშ
• სიენას უნივერსიტეტი, იტალია
• ფრიბურგის უნივერსიტეტი, შვეიცარია და ა.შ.

სიმბოლიკა

გერბი

ილიას სახელობის უნივერსიტეტს გააჩნია საკუთარი სიმბოლიკა: გერბი და ჰიმნი, რაც დადგენილია უნივერსიტეტის წესდებით. ოთხველიანი „ევროპული“ ფარი

„პირველ, ბორდოსფერ ველზე ექვსი ვერცხლის (თეთრი) გადაშლილი წიგნი უნივერსიტეტის ექვს ფაკულტეტს აღნიშნავს. წიგნებზე აწერია ის სამი თავისუფლება, რაც უნივერსიტეტს უდევს საფუძვლად: აკადემიური თავისუფლება, სინდისის თავისუფლება, არჩევანის თავისუფლება.“

„მეორე ველზე დიდი ბორდოსფერი, სწორი ჯვარია მის მიერ შემოსაზღვრულ მეოთხედებში ოთხი ბორდოსფერივე ბოლნურ-კაცხური ჯვრით. გერბზე საქართველოს ეროვნული დროშის გამოსახვა უნივერსიტეტის სახელმწიფო სტატუსზე მიანიშნებს.“

„მესამე ველზე ანდრია პირველწოდებულის ჯვრისებურად გადაჯვარედინებული, ნახევრად ვერცხლისა და ნახევრად მეწამული ორი გასაღები აღნიშნავს უნივერსიტეტის მიერ სწავლების ხერხების ფლობას.“

„მეოთხე, ბორდოსფერ ველზე სამი ბორდოსფერი ქრცვინის (დედალოსი, ყარყუმი) ბეწვშემოვლებული პროფესორის ქუდი აღნიშნავს ორი უმაღლესი სასწავლებლის, სულხან-საბა ორბელიანის სახელობისა და ილია ჭავჭავაძის სახელობის ინსტიტუტების წარსულს, მათ გაერთიანებას და ახალი უნივერსიტეტის მომავალს. საგერბო ფარის ქვეშ სადევიზო ბაფთა ლათინური წარწერით LIGAMUS - ქართულად „ჩვენ ვაერთიანებთ“, გამოხატავს უნივერსიტეტის მოწოდებას, გააერთიანოს სწავლება და კვლევა, თავი მოუყაროს არსებულ ცოდნას, შექმნას ახალი ცოდნა და გადასცეს ის სტუდენტებსა და საზოგადოებას.“

ჰიმნი

ილიაუნის ჰიმნი შეიქმნა 2006 წელს და მისი ავტორია გოგი ძოძუაშვილი.

რესურსები ინტერნეტში

• ოფიციალური საიტი
• ილიაუნის ბიბლიოთეკა
• სიახლეები გაცვლით პროგრამებზე. კონფერენციები.
• ილიაუნის საინფორმაციო გვერდი. წესდება.