ივანე კოკოსკურია

ივანე ხარიტონის ძე კოკოსკურია (დ. 20 მაისი, 1915, სოფ. ოთხარა, ახლანდ. გუდაუთის მუნიციპალიტეტი — გ. 3 მარტი, 1978, სოხუმი) — ქართველი საბჭოთა მსახიობი. აფხაზეთის ასსრ სახალხო არტისტი (1961), საქართველოს სსრ სახალხო არტისტი (1971).

ივანე კოკოსკურია
დაბადების თარიღი	20 მაისი, 1915 ოთხარა
გარდაცვალების თარიღი	3 მარტი, 1978 (62 წლის) სოხუმი
საქმიანობა	მსახიობი
ჯილდოები	საქართველოს სახალხო არტისტი (1971) აფხაზეთის ასსრ სახალხო არტისტი (1961)

ბიოგრაფია

1931-1934 წლებში სწავლობდა სოხუმის აფხაზურ დრამატულ სტუდიაში.

1932 წლიდან სოხუმის თეატრის აფხაზური დასის მსახიობი იყო. შესრულებული აქვს მრავალი როლი. მათ შორის აღსანიშნავია: კოტე ფანტიაშვილი (ა. ცაგარელის „ხანუმა“), ლარბი (ს. შანშიაშვილის „ანზორი“), რამაზან-ალი (ი. მოსაშვილის „ჩაძირული ქვები“), ასკარა (უ. ჰაჯიბეკოვის „არშინ მალ ალან“), ვურმი (ფ. შილერის „ვერაგობა და სიყვარული“) და სხვა.

ჯილდოები და აღიარება

• 1954: აფხაზეთის ასსრ დამსახურებული არტისტი
• 1961: აფხაზეთის ასსრ სახალხო არტისტი
• 1961: საქართველოს სსრ დამსახურებული არტისტი
• 1971: საქართველოს სსრ სახალხო არტისტი

რესურსები ინტერნეტში

• ივანე კოკოსკურია — საქართველოს ბიოგრაფიული ლექსიკონი