თხინვალა

თხინვალი — სოფელი თბილისში, ვაკის რაიონში, თრიალეთის ქედზე, ლისის ტბის დასავლეთით. ზღვის დონიდან 770 მეტრ სიმაღლეზე, თბილისის რკინიგზის სადგურიდან 10 კმ.

სოფელი
თხინვალი
გაბაშვილების სასახლე და წმ. გიორგის ეკლესია
ქვეყანა	საქართველო
მუნიციპალიტეტი	თბილისითბილისი
რაიონი	ვაკე
კოორდინატები	41°44′41″ ჩ. გ. 44°41′44″ ა. გ.
პირველი ხსენება	XV საუკუნე
ადრეული სახელები	თხილოვნა
ცენტრის სიმაღლე	770 მ
მოსახლეობა	357 კაცი (2014)
ეროვნული შემადგენლობა	ქართველები 98,3 %
სასაათო სარტყელი	UTC+4
სატელეფონო კოდი	+995
თხინვალა ვიკისაწყობში

ისტორია

წერილობით წყაროებში თხინვალი (თხილოვნა, თხილნარა) პირველად XV საუკუნეში იხსენიება. XV საუკუნემდე სოფელი გაბაშვილების მფლობელობაში იყო. 1466 წელს მეფე კონსტანტინემ იგი ჯავახიშვილებს უწყალობა, ხოლო XVIII საუკუნის დასაწყისიდან თხინვალი ციციშვილების სამფლობელოა. 2007 წლამდე სოფელი ექვემდებარებოდა მცხეთის მუნიციპალიტეტის ლისის თემს.

ისტორიული ძეგლები

სოფლიდან 2 კილომეტრზე შემორჩენილია ქართული ხუროთმოძღვრების ძეგლები: გაბაშვილების სასახლის ნანგრევები და წმ. გიორგის ეკლესია (XVII-XVIII სს).

სასახლე ნახევარწრიული ბურჯებით გამაგრებული აგურის ორსართულიანი შენობა იყო, ყოველ სართულს ისრული კამარით გადახურული თითო დარბაზი ჰქონდა. შენობაში შერწყმული იყო საცხოვრებელი სახლისა და გამაგრებული კოშკის ფუნქციები.

ეკლესია ნაშენია აგურით. მოგვიანებით იგი მეორე (გარეთა) კედლით გაუმაგრებიათ. გარედან მარტივია, შიგნით გვიანდელი ფეოდალური ხანის ქართული საერო ხუროთმოძღვრების გავლენა იგრძნობა (კედლის ღრმა ნიშების მწკრივი, ამოკაწრული დეკორატიული სახეები).

დემოგრაფია

2014 წლის აღწერის მონაცემებით სოფელში ცხოვრობს 357 კაცი.

აღწერის წელი	მოსახლეობა	კაცი	ქალი
1989	230	--	--
2002	303	139	164
2014	357	167	190

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 33.

• აფრასიძე გ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 289.

რესურსები ინტერნეტში

• თხინვალის სასახლე და ეკლესიები. ABOUT.GEorgia. ციტირების თარიღი: 4 დეკემბერი, 2017.