შამაია
(გადამისამართდა გვერდიდან თრისა)
შამაია, თრისა (ლათ. Chalcalburnus chalcoides) — თევზი კობრისებრთა ოჯახისა. სახელწოდება მომდინარეობს სპარსულიდან: „შაჰ-მაჰი“ — სამეფო თევზი (ცხიმიანი და გემრიელი ხორცის გამო). აქვს წაგრძელებული სხეული, რომლის სიგრძე 40 სმ, მასა 800 გ-მდე აღწევს. გავრცელებულია შავი, აზოვის, კასპიისა და არალის ზღვების აუზებში. საქართველოში გვხვდება მტკვარში, ხრამში, ალაზანში, აგრეთვე თბილისის ზღვაში. შამაია სარეწაო თევზია, ხელოვნურადაც ამრავლებენ. იყენებენ ნედლს, შემჭკნარს და შებოლილს. გავრცელების არეალია: ირანი, ავსტრია, ბოსნია და ჰერცეგოვინა, ბულგარეთი, ხორვატია, გერმანია, უნგრეთი, იტალია, რუმინეთი, სერბეთი, სლოვენია[1], თურქმენეთი და უზბეკეთი.
| შამაია | ||||||||
|---|---|---|---|---|---|---|---|---|
 | ||||||||
| მეცნიერული კლასიფიკაცია | ||||||||
| ||||||||
| ლათინური სახელი | ||||||||
| Chalcalburnus chalcoides | ||||||||
| დაცვის სტატუსი | ||||||||
 IUCN 3.1 Least Concern : 135499 | ||||||||
| ||||||||
ლიტერატურა
რედაქტირება- დემეტრაშვილი მ., ქართული საბჭოთა ენციკლოპედია, ტ. 10, თბ., 1986. — გვ. 679.
სქოლიო
რედაქტირება- ↑ Povž, Meta. Invasive Freshwater Species in Slovenia. დაარქივებულია ორიგინალიდან — 2011-10-06. ციტირების თარიღი: 2009-10-10.