ზოფხიტო
ზოფხიტო — ხეობის მარტივი ტიპის სამხრეთ-აღმოსავლეთური ექსპოზიციის მყინვარი საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში.[1] მდებარეობს ცენტრალური კავკასიონის სამხრეთ კალთაზე, მდინარე რიონის მარცხენა შენაკადის ზოფხიტურის სათავეებში.[2]
ზოფხიტო
| |
|---|---|
| კოორდინატები: 42°53′02″ ჩ. გ. 43°25′09″ ა. გ. / 42.88389° ჩ. გ. 43.4194389° ა. გ. | |
| ქვეყანა |  საქართველო
|
| ტერიტორიული ერთეული | ონის მუნიციპალიტეტი |
| ქედი | ცენტრალური კავკასიონი |
| ფართობი | 2,42 კმ² |
| სიგრძე | 4,84 კმ |
| ტიპი | ხეობური |
  | |
 | |
იწყება მწვერვალ დიდი გეზეს აღმოსავლეთით. 2015 წლის მონაცემებით მყინვარის ფართობია 2,42 კმ², ხოლო სიგრძე 4,84 კმ. მისი ენა ზღვის დონიდან 2605 მეტრზე მთავრდება. ფირნის აუზი და ენა 300 მეტრის სიმაღლის ყინულვარდნილითაა გამოყოფილი, ენას იდეალური მოხაზულობა აქვს, მისი სიგანე დაახლოებით 500 მეტრია.[3]
მყინვარები ზოფხიტო და ლაბოდა 1955 წლამდე შეერთებული იყო და ერთი ენით მთავრდებოდა, ამიტომაცაა, რომ მყინვარი ლაბოდა ადრეულ მკვლევართა ნაშრომებში ცალკე არ არის განხილული. 1958 წლის აეროფოტოსურათებზე ისინი უკვე დამოუკიდებელ მყინვარებს წარმოადგენდნენ. მყინვარების ენები დღეს ერთმანეთისაგან დაახლოებით 1100 მეტრით არის დაცილებული. მათ შორის მდებარე არე კი მძლავრი ფლუვიოგლაციალური ნაფენებით არის ამოვსებული.[3]
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 76.
- ↑ შენგელია რ., ენციკლოპედია „საქართველო“, ტ. 3, თბ., 2014. — გვ. 388.
- ↑ 3.0 3.1 ლევან ტიელიძე, საქართველოს მყინვარები. გამომცემლობა „კოლორი“, თბ., 2014