ზარდლაში

ზარდლაში (სვან. ზა̄რდლა̈შ) — სოფელი საქართველოში (სამეგრელო-ზემო სვანეთის მხარე), მესტიის მუნიციპალიტეტში (მულახის ადმინისტრაციული ერთეული).

სოფელი
ზარდლაში სვან. ზა̄რდლა̈შ
ქვეყანა	საქართველო
მხარე	სამეგრელო-ზემო სვანეთის მხარესამეგრელო-ზემო სვანეთის მხარე
მუნიციპალიტეტი	მესტიის მუნიციპალიტეტი
თემი	მულახი
კოორდინატები	43°03′14″ ჩ. გ. 42°47′00″ ა. გ.
ცენტრის სიმაღლე	1700 მ
მოსახლეობა	10 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

მდებარეობს გვალდის ქედის (სვანეთის კავკასიონის განშტოება) სამხრეთ კალთაზე, მდ. მულხრის (ენგურის მარჯვენა შენაკადი) მარჯვენა მხარეს, ზღვის დონიდან 1700 მ-ზე, მესტიიდან 12 კმ-ის დაშორებით.

ისტორია

ზარდლაში ზემო სვანეთის ისტორიული თემის — მულახის ნაწილია. ზარდლაში და მიმდებარე ღობრი ერთ სოფლად ითვლებოდა. სოფელში შემორჩენილი კულტურული მემკვიდრეობის ძეგლებიდან აღსანიშნავია: მთავარანგელოზის ეკლესია „თარინგზელ“, ჩანგაზ-დადვანის კოშკი, ვალო დადვანის დარბაზ-მაჩუბი და კოშკი, ოთარ გაბლიანის სახლის კომპლექსი. სოფლის განაპირა მხარეს, სასაფლაოს ტერიტორიაზე დგას წმ. ბარბარეს („ბარბალ“) მცირე დარბაზული ეკლესია, რომელიც ძველი ეკლესიის ნანგრევზე XX საუკუნის დასაწყისშია აშენებული.

დემოგრაფია

2014 წლის აღწერის მონაცემებით სოფელში ცხოვრობს 10 ადამიანი.

აღწერის წელი	მოსახლეობა	კაცი	ქალი
2002	7	4	3
2014	10	5	5

ლიტერატურა

• ენციკლოპედია „საქართველო“, ტ. 3, თბ., 2014. — გვ. 311.
• ყენია რ., ალადაშვილი ნ. ზემო სვანეთი (შუა საუკუნეების ხელოვნება): გზამკვლევი, თბ., 2000. — გვ.67.
• თაყაიშვილი ე., არქეოლოგიური ექსპედიცია ლეჩხუმ-სვანეთში 1910 წელს, კრებ. „დაბრუნება“, ტ. 2, თბ., 1991.