ელენე ხოშტარია
ელენე ხოშტარია (დ. 18 ნოემბერი, 1979, თბილისი) — ქართველი პოლიტოლოგი და პოლიტიკოსი.
| ელენე ხოშტარია | |
|---|---|
| დაბადების თარიღი | 18 ნოემბერი, 1979 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | მოსკოვის საერთაშორისო ურთიერთობების სახელმწიფო ინსტიტუტი |
| ეროვნება | ქართველი |
| პარტია |
„დროა“ „ევროპული საქართველო“ (2017-2020) |
| საქმიანობა | პოლიტილოგი, პოლიტიკოსი |
ბიოგრაფია
რედაქტირებადაიბადა 1979 წლის 18 ნოემბერს. დაამთავრა მოსკოვის საერთაშორისო ურთიერთობების სახელმწიფო ინსტიტუტი საერთაშორისო უსაფრთხოების განხრით. 2002 წელს იყო სტაჟიორი ადამიანის უფლებების „მოსკოვის ჰელსინკის გრუპის“ და რუსეთის ფედერაციაში აკრედიტებულ საქართველოს საელჩოში. 2004 წლიდან იგი საერთაშორისო ურთიერთობების კოორდინატორი, საერთაშორისო ურთიერთობათა დეპარტამენტის უფროსი შინაგან საქმეთა სამინისტროში, საერთაშორისო ურთიერთობების დეპარტამენტისა და ევრო-ატლანტიკური ინტეგრაციის უფროსის მოადგილე.
2004-2006 წლებში იყო სახელმწიფო მინისტრის აპარატის ევროპული და ევრო-ატლანტიკური ინტეგრაციის დეპარტამენტის უფროსი. 2007-2012 წლებში — სახელმწიფო მინისტრის პირველი მოადგილე ევროპული და ევრო-ატლანტიკური ინტეგრაციის საკითხებში. 2016-2020 წლებში იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“. 2017 წელს თბილისის მერობის კანდიდატი იყო „ევროპული საქართველოდან“, მიიღო 28 411 ხმა და დაიკავა მეოთხე ადგილი. ამავე პარტიის კანდიდატი 2020 წლის საპარლამენტო არჩევნებში ვაკის მაჟორიტარულ ოლქში.[1]
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ევროპული საქართველო — მოძრაობა თავისუფლებისთვის“.[2] 28 დეკემბერს დატოვა „ევროპული საქართველო“.[3] 2021 წლის 8 მარტს ხოშტარიამ პოლიტიკური მოძრაობა „დროა“ დაააფუძნა.[4]
2022 წლის 15 თებერვალს ელენე ხოშტარიას შეუწყვიტეს სადეპუტატო უფლებამოსილება არასაპატიო მიზეზით სხდომების ნახევარზე მეტის გაცდენის გამო.[5]
რესურსები ინტერნეტში
რედაქტირება- ელენე ხოშტარია — საქართველოს ბიოგრაფიული ლექსიკონი
- ელენე ხოშტარია — საქართველოს პარლამენტის ოფიციალური საიტი (მოძველებული / არქივი / ახალი არქივი)
- ელენე ხოშტარია Facebook-ზე
სქოლიო
რედაქტირება- ↑ „„ევსაქებმა“ მაჟორიტარობის კანდიდატები დაასახელეს“. netgazeti.ge. 2020-08-03. ციტირების თარიღი: 28 დეკემბერი, 2020. შეამოწმეთ თარიღის პარამეტრი
|access-date=-ში (დახმარება) - ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 5 დეკემბერი, 2020.
- ↑ „ელენე ხოშტარიამ პარტია დატოვა“. ambebi.ge. 2020-12-28. ციტირების თარიღი: 28 დეკემბერი, 2020. შეამოწმეთ თარიღის პარამეტრი
|access-date=-ში (დახმარება) - ↑ „ელენე ხოშტარიამ ახალი პოლიტიკური მოძრაობა დააფუძნა“. palitranews.ge. 2021-03-08. ციტირების თარიღი: 8 მარტი, 2021. შეამოწმეთ თარიღის პარამეტრი
|access-date=-ში (დახმარება) - ↑ პარლამენტმა კახა კუჭავას, ბადრი ჯაფარიძეს, შალვა ნათელაშვილსა და ელენე ხოშტარიას სადეპუტატო უფლებამოსილება შეუწყვიტა