დიდი ხურვალეთი

დიდი ხურვალეთი
სოფელი
	დიდი ხურვალეთი;
ქვეყანა	საქართველო
მხარე	შიდა ქართლის მხარე
მუნიციპალიტეტი	გორის მუნიციპალიტეტი
თემი	შავშვები
კოორდინატები	42°03′49″ ჩ. გ. 44°18′28″ ა. გ. / 42.06361° ჩ. გ. 44.30778° ა. გ.
ცენტრის სიმაღლე	810 მ
მოსახლეობა	352 კაცი (2014)
ეროვნული შემადგენლობა	ქართველები 80,7 %; ოსები 19,0 %
სასაათო სარტყელი	UTC+4
სატელეფონო კოდი	+995

დიდი ხურვალეთი, ხურვალეთი — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (შავშვების ადმინისტრაციული ერთეული).

მდებარეობს ტირიფონის ვაკეზე, ტირიფონის არხის ნაპირას, ზღვის დონიდან 810 მეტრზე, ქალაქ გორიდან 21 კილომეტრის დაშორებით. სოფელი მდებარეობს ყოფილი სამხრეთ ოსეთის ავტონომიური ოლქის ადმინისტრაციული საზღვრის, ამჟამად კი რუსეთის ფედერაციის მიერ ოკუპირებული ტერიტორიის მიმდებარედ. დიდი ხურვალეთი და ქვეში იყო პირველი სოფლები, რომელთა სიახლოვეს 2011 წლის აპრილ–მაისში რუსეთის ფედერალური უშიშროების სამსახურის სასაზღვრო ძალებმა დაიწყეს საზღვრის მონიშვნის (ე. წ. ბორდერიზაციის) უკანონო პროცესი.^[2]

სოფელსა და მის შემოგარენში მდებარეობს ყველაწმინდის, კვირაცხოვლის, ღვთისმშობლის და წმინდა გიორგის ეკლესიები, ასევე 1905 წლის ამბებით ცნობილი მამაცაშვილის სახლი.