დასავლეთი თრაკია

დასავლეთი თრაკია ან უბრალოდ თრაკია (ბერძ. Θράκη, თურქ. Batı Trakya, ბულგ. Западна Тракия) საბერძნეთის ისტორიულ-გეოგრაფიული რეგიონი. მდებარეობს ქვეყნის ჩრდილო-აღმოსავლეთში, მდინარეებს მესტასა და მარიცას შორის. მაკედონიასა და ეპირუსთან ერთად მას არაფორმალურად 'ჩრდილოეთ საბერძნეთს' უწოდებენ. მას აღმოსავლეთი თრაკიისგან (რომელიც მდინარე მარიცადან იწყება და მოიცავს თურქეთის ევროპულ ნაწილს) განსასხვავებლად ასევე ბერძნულ თრაკიადაც მოიხსენიებენ. კიდევ არსებობს ჩრდილოეთი თრაკიაც, რომელიც ბულგარეთში მდებარეობს.

რეგიონი
თრაკია Θράκη
ქვეყანა	საბერძნეთი
კოორდინატები	41°06′00″ ჩ. გ. 25°24′00″ ა. გ.
დაარსდა	1920
ფართობი	8,578 კმ² კმ²
მოსახლეობა	368,993 კაცი (2006)
სიმჭიდროვე	43/კმ² კაცი/კმ²
ეროვნული შემადგენლობა	თრაკიელები
ოფიციალური საიტი	mathra.gr
დასავლეთი თრაკია ვიკისაწყობში

თრაკია დაყოფილია სამ პერიფერიად (ყოფილი პრეფექტურები): კსანტი, როდოპე და ევროსი.

დემოგრაფია

თრაკიის დაახლოებითი ფართობია 8,578 კმ² ხოლო მოსახლეობა 368,993 (2006). მათგან ორ მესამედზე მეტი ორთოდოქსი ქრისტიანი ბერძენია, ხოლო დანარჩენი დაახლოებით 120,000 არის მუსლიმანური უმცირესობა. მათგან უმეტესობა (67%) არის თურქი, ხოლო დანარჩენი არიან პომაკები (მუსლიმანი სლავების ჯგუფი) რომლებიც ძირითადად რეგიონის მთიან მხარეში ცხოვრობენ. მცირე ეთნიკური ჟგუფი რომა ც (ბოშების ჯგუფი) სხვა მათი ეროვნების ადამიანებისგან განსხვავებით ძირითადად მუსლიმანურია. ცივი ომის დასრულების შემდეგ 1990-იან წლებში საბერძნეთმა განიცადა იმიგრაციის დიდი ტალღა, რომლებიც სამუშოს ძირითადად ურბანულ ტერიტორიებზე ეძებდნენ, თუმცა თრაკიას ეს პროცესები ნაკლებას შეეხო.

ქალაქი	ბერძნული სახელი	მოსახლეობა (2001 დაარქივებული 2007-07-01 საიტზე Wayback Machine. )	მუნიციპალიტის მოსახლეობა (2001 დაარქივებული 2007-07-01 საიტზე Wayback Machine. )
ალექსანდრუპოლისი	Αλεξανδρούπολη	48.885	52.720
კომოტინი	Κομοτηνή	43.326	52.659
ქსანტი	Ξάνθη	45.111	52.270
ორესტიადა	Ορεστιάδα	15.246	21.730
დიდიმოტიკა	Διδυμότειχο	8.799	18.998

პოლიტიკა

თრაკიის მუსლიმანური უმცირესობა თურქეთსა და საბერძნეთს შორის დიპლომატიური ურთიერთობების დაძაბვის მიზეზი იყო. თურქეთი რეგიონის ყველა მუსლიმანს მიიჩნევს თურქული უმცირესობის წარმომადგენლად. ხოლო საბერძნეთი განიხილავს ყველას როგორც განსხვავებული ეთნიკური წარმომავლობის რელიგიურ უმცირესობებს (ლოზანის სამშვიდობო ხელშეკრულების ფარგლებში). ათენი არ აღიარებს თურქულ ან სხვა რომელიმე უმცირესობას ეთნიკურობის მიხედვით.

ეკონომიკა

ბოლო წლებში თრაკიის ეკონომიკა სოფლის მეურნეობაზე სულ უფრო ნაკლებად დამოკიდებული ხდება. რამდენიმე მაღალი ტექნოლოგიების ინდუსტრია ჩამოყალიბდა რეგიონში. ეგნატიას გზას რომელიც რეგიონში მდებარეობს, მის განვითარებაში დიდი წვლილი შეაქვს. ტურიზმი თანდათან ძალას იკრებს და წამყვანი ძალა ხდება რეგიონში. როდოპების მთიანეთში ზამთრის ტურიზმის განვითარების პოტენციალიც არსებობს.

ლიტერატურა

• Öksüz, Hikmet (2004), The Reasons for Immigration from Western Thrace to Turkey (1923-1950), http://www.azinlikca.net/: Turkish Review of Balkan Studies
• Whitman, Lois (1990), Destroying ethnic identity: the Turks of Greece, Human Rights Watch, ISBN 0929692705.

რესურსები ინტერნეტში

• აღმოსავლეთ მაკედონიისა და თრაკიის პერიფერიები დაარქივებული 2005-05-29 საიტზე Wayback Machine.
• დრამას კავალას და კსანთის გაერთიანებული პრეფექტურა
• როდოპის და ევროს გაერთიანებული მმართველობა დაარქივებული 2012-09-09 საიტზე Archive.isCategory:Webarchive template archiveis links
• კსანტის პრეფექტურა დაარქივებული 2014-06-29 საიტზე Wayback Machine.
• Thrakiki.gr
• როგოპეს პრეფექტურა
• ევროს პრეფექტურა დაარქივებული 2007-08-24 საიტზე Wayback Machine.
• თრაკიის უნივერსიტეტი
• ფერესის მუნიციპალიტეტი