გიორგი შარვაშიძე (მეცნიერი)
გიორგი შარვაშიძე (დ. 25 აპრილი, 1963, თბილისი) — ქართველი პოლიტიკოსი, საქართველოს განათლებისა და მეცნიერების მინისტრის მოადგილე 2013 წლის 10 დეკემბრიდან 2016 წლის 9 სექტემბრამდე, თბილისის სახელმწიფო უნივერსიტეტის რექტორი 2016 წლის 23 სექტემბრიდან[1] 2022 წლის 7 ოქტომბრამდე.[2] 2023 წლიდან საქართველოს ელჩი სომხეთში.[3]
| გიორგი შარვაშიძე | |
 თბილისის სახელმწიფო უნივერსიტეტის რექტორი | |
|---|---|
| თანამდებობაზე ყოფნის დრო | |
| 23 სექტემბერი, 2016 – 7 ოქტომბერი, 2022 | |
| წინამორბედი | ვლადიმერ პაპავა |
| მემკვიდრე | ჯაბა სამუშია |
| თანამდებობაზე ყოფნის დრო | |
| 10 დეკემბერი, 2013 – 9 სექტემბერი, 2016 | |
| პრეზიდენტი | გიორგი მარგველაშვილი |
| პრემიერ-მინისტრი | ირაკლი ღარიბაშვილი გიორგი კვირიკაშვილი |
| დაბადებული | 25 აპრილი, 1963 თბილისი, საქართველოს სსრ |
| მოქალაქეობა | საქართველო |
| ეროვნება | ქართველი |
| მეუღლე | ნინო ჭელიძე |
| შვილები | კონსტანტინე შარვაშიძე |
| განათლება | თბილისის სახელმწიფო უნივერსიტეტი თბილისის სახელმწიფო პედაგოგიური უნივერსიტეტი |
ბიოგრაფია რედაქტირება
1984 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი; 2006 წელს თბილისის სახელმწიფო პედაგოგიური უნივერსიტეტი დოქტორის აკადემიური ხარისხით განათლების მართვის მიმართულებით.
1983-1993 წლებში თბილისის მე-6 გიმნაზიის მასწავლებელია; 1988-1989 წლებში საქართველოს განათლების სამინისტროში მუშაობს მინისტრის თანაშემწედ. 1989-1990 წლებში თბილისის სახელმწიფო უნივერსიტეტის უფროსი მეცნიერ-თანამშრომელი. 1990 წელს სამხრეთ მილუოქის სკოლაში (უისკონსინის შტატი, აშშ) გაცვლითი მასწავლებელი. 1991-1994 წლებში საქართველოს განათლების სამინისტროს საგარეო ურთიერთობების დეპარტამენტის უფროსი. 1994-1996 წლებში საქართველოს განათლების მინისტრის მოადგილე. 1996-2000 წლებში საქართველოს განათლებისა და მეცნიერების მინისტრის პირველი მოადგილე. 2001-2003 წლებში უმაღლესი განათლების რეფორმის საერთაშორისო პროექტის ჯგუფის ხელმძღვანელი. 2002-2003 წლებში განათლების პოლიტიკის, დაგეგმვისა და მართვის საერთაშორისო ინსტიტუტის პრეზიდენტი. 2003-2004 წლებში ღია საზოგადოების ინსტიტუტის პროგრამის უფროსი მენეჯერი. 2004-2013 წლებში ღია საზოგადოების ინსტიტუტის აკადემიური მხარდაჭერის პროგრამის დირექტორი. 2013-2016 წლებში საქართველოს განათლებისა და მეცნიერების მინისტრის მოადგილეა. 2016-2022 წლებში თბილისის სახელმწიფო უნივერსიტეტის რექტორი. 2023 წლის 25 იანვრიდან საქართველოს ელჩი სომხეთის რესპუბლიკაში.[3]
ორგანიზაციის, ასოციაციის ან ჯგუფის წევრი რედაქტირება
- „ბუნების მსოფლიო ფონდის“ ბიულეტენი (WWF Bulletin) სარედაქციო საბჭო, წევრი (1993-1996)
- ადამიანური რესურსების განვითარების ცენტრი (UNDP/ETF) , საქართველოს წარმომადგენლობის დირექტორი (1996-2000)
- ბოლონიის პროცესის განხორციელების ჯგუფი, მონიტორინგის სამუშაო ჯგუფის თანათავმჯდომარე (2015-)
- გაეროს განათლების, მეცნიერებისა და კულტურის ორგანიზაციის (UNESCO) საქართველოს ეროვნული კომისი, წევრი (1998-)
- განათლების ევროპული ფონდი (ETF), საკონსულტაციო ფორუმი, წევრი (1995-2000)
- საქართველოს კვლევებისა და ინოვაციების საბჭო, წევრი (2015-)
- უმაღლესი განათლების რეფორმები (HERE), ექსპერტი (2015-)
- შოთა რუსთაველის ეროვნული სამეცნიერო ფონდი, საერთაშორისო სამეთვალყურეო საბჭოს თავმჯდომარე (2015-)