მთავარი მენიუს გახსნა

გეორგ აგრიკოლა

გერმანელი ექიმი, მინერალოგი და მეტალურგი
Disambig-dark.svg სხვა მნიშვნელობებისთვის იხილეთ აგრიკოლა.

გეორგ აგრიკოლა (ლათ. Georgius Agricola; ნამდვილი სახელი და გვარია გეორგ ბაუერი; დ. 24 მარტი, 1494, გლაუხაუ — გ. 21 ნოემბერი, 1555, კემნიცი) — გერმანელი ექიმი, მინერალოგი და მეტალურგი.

გეორგ აგრიკოლა
ლათ. Georgius Agricola
Georgius Agricola.jpg
დაბ. თარიღი 24 მარტი 1494[1] [2] [3] [4]
დაბ. ადგილი გლაუხაუ[5] [2]
გარდ. თარიღი 21 ნოემბერი 1555[1] [2] [3] [4] (61 წლის)
გარდ. ადგილი კემნიცი[5] [2]
დასაფლავებულია მეფეთა ტაძარი
მოქალაქეობა Flag of Germany.svg გერმანია
ეროვნება გერმანელები
სამეცნიერო სფერო გეოლოგია[2] , მინერალოგია და მაღარო
ალმა-მატერი ლაიფციგის უნივერსიტეტი, ბოლონიის უნივერსიტეტი და პადუის უნივერსიტეტი

ბიოგრაფიარედაქტირება

1514-1518 წლებში ფილოლოგიას სწავლობდა ლაიფციგის უნივერსიტეტში. 1518-1522 წლებში იყო ცვიკაუში სკოლის რექტორი. 1521 წლიდან ლაიფციგში სწავლობდა მედიცინას. მუშაობდა ქალაქის ექიმად, ჩეხეთის სამთამადნო და მეტალურგიული მრეწველობის ცენტრში — ქალაქ იახიმოვში.

პირველმა შეადგინა სასარგებლო წიაღისეულის, მისი დამუშავების ხერხებისა და მეტალურგიული პროცესების სისტემატური აღწერილობა, შეისწავლა 20 ახალი მინერალი და დაადგინა გარეგანი ნიშნების მიხედვით მათი განსაზღვრის მეთოდები, აღწერა მაღაროებში გავრცელებული დაავედებანი, გამოიკვლია მათი გამომწვევი მიზეზები და შეიმუშავა ამ დაავადებებთან ბრძოლის ღონისძიებათა სისტემა.

აგრიკოლა პროფესიონალური ჰიგიენის ერთ-ერთი პიონერია. მისი შრომა „სამთო საქმისა და მეტალურგიისათვის“ (დაიწერა 1550, გამოქვეყნდა 1556) ორი საუკუნის მანძილზე ითვლებოდა სამთო ტექნიკისა და მეტალურგიულ სახელმძღვანელოდ. გეორგ აგრიკოლა გარდაიცვალა 1555 წლის 21 ნოემბერს ქალაქ ხემნიცში.

თხზულებებირედაქტირება

  • De natura corum qual effluunt ex terra, Venetiis, 1553;
  • De Peste, Basileae, 1554.

ლიტერატურარედაქტირება

  • ქართული საბჭოთა ენციკლოპედია, ტ. 1, გვ. 69, თბ., 1975 წელი.
  • Шухардин С. В. Георгий Агрикола. М., 1955;
  • Georgius Agricola. 1494—1555, В., 1955.

რესურსები ინტერნეტშირედაქტირება

სქოლიორედაქტირება