ბოჰემური რაფსოდია (ფილმი)
ბოჰემური რაფსოდია (ინგლ. Bohemian Rhapsody) — 2018 წლის ბიოგრაფიული ფილმი, ბრიტანულ როკ-ჯგუფ Queen-ის წამყვანი მომღერლის ფრედი მერკურის ცხოვრების შესახებ. ფილმი ბრიტანელებისა და ამერიკელების ერთობლივი პროექტია, რომლის მწარმოებელი კომპანიები არიან: 20th Century Fox, New Regency, GK Films, და Queen Films, ხოლო დისტრიბუტორია 20th Century Fox. რეჟისორია ბრაიან სინგერი, პროდიუსერები არიან გრემ კინგი და ჯგუფ Queen-ის ყოფილი მენეჯერი ჯიმ ბიჩი, ხოლო სცენარი ეკუთვნის ენტონი მაკარტენს. მონაწილეობენ რამი მალეკი, ლუსი ბოინტონი, გვილიმ ლი, ბენ ჰარდი, ჯოზეფ მაცელო, ეიდან ჯილენი, ტომ ჰოლანდერი, ალენ ლიჩი და მაიკ მაიერსი. Queen-ის წევრები ბრაიან მეი და როჯერ ტეილორი ფილმის შემოქმედებითი კონსულტანტები არიან.
| „ბოჰემური რაფსოდია“ | |
|---|---|
 | |
| რეჟისორი | ბრაიან სინგერი |
| პროდიუსერი | |
| სცენარის ავტორი | ენტონი მაკარტენი |
| ნაწარმოები |
|
| როლებში | |
| მუსიკა | ჯონ ოტმენი |
| ოპერატორი | ნიუტონ ტომას სიგელი |
| მწარმოებელი კომპანია | |
| დისტრიბუტორი | 20th Century Fox |
| გამოსვლის თარიღი |
|
| ხანგრძლივობა | 134 წუთი[2] |
| ქვეყანა | |
| ენა | ინგლისური |
| ბიუჯეტი | 50-55 მილიონი აშშ დოლარი[4][5] |
| შემოსავალი | 903.7 მილიონი აშშ დოლარი[6] |
პროექტი დაანონსდა 2010 წელს. მერკურის როლის შემსრულებლად მოიაზრებოდა საშა ბარონ კოენი,[7] მაგრამ მან 2013 წელს დატოვა პროექტი, ხოლო 2016 წლის ნოემბერში მსახიობთა შემადგენლობას შემოუერთდა რამი მალეკი. ფილმის გადაღებები დაიწყო 2017 წლის სექტემბერში ლონდონში.[8] იმავე წლის დეკემბერში ფილმის რეჟისორი ბრაიან სინგერი გარკვეული მიზეზების გამო გათავისუფლებული იქნა მოვალეობისგან, ხოლო მის ნაცვლად აიყვანეს დექსტერ ფლეტჩერი, თუმცა ამერიკის რეჟისორთა გილდიის წესების თანახმად, სინგერი მოხსენიებული იქნა როგორც რეჟისორი, ხოლო ფლეტჩერი — როგორც აღმასრულებელი პროდიუსერი.[9][10] გადაღებები დასრულდა 2018 წლის იანვარში.
ბოჰემური რაფსოდია გამოვიდა 2018 წლის 24 ოქტომბერს დიდ ბრაიტანეთში, იმავე წლის 2 ნოემბერს აშშ-ში. ფილმმა მიიღო შერეული შეფასებები კინოკრიტიკოსებისგან. მათ ძირითადად გააკრიტიკეს რეჟისურა და ისტორიული უზუსტობები,[11] მაგრამ შექება დაიმსახურა რამი მალეკის შესრულებამ.[12][13] ფილმი კომერციულად მეტად წარმატებული აღმოჩნდა, რომლის შემოსავალმაც 900 მილიონ აშშ დოლარს გადააჭარბა და გახდა 2018 წლის მეექვსე ყველაზე შემოსავლიანი ფილმი. საერთო განხილვების საიტ Rotten Tomatoes-ზე ფილმის საერთო რეიტინგია 61% (377 მიმოხილვაზე დაყრდნობით).[14]
ფილმმა მიიღო უამრავი ჯილდო, მათ შორის ოსკარის ორი ჯილდო: საუკეთესო მსახიობი კაცი (რამი მალეკი), საუკეთესო მონტაჟი, ხმის მონტაჟი და საუკეთესო ხმა,[15]აგრეთვე ორი ოქროს გლობუსი[16] და ორი BAFTA.[17]
რესურსები ინტერნეტში რედაქტირება
შეგიძლიათ იხილოთ მედიაფაილები თემაზე „ბოჰემური რაფსოდია“ ვიკისაწყობში.- ოფიციალური საიტი
- „ბოჰემური რაფსოდია“ — კინოფილმების ინტერნეტ-მონაცემთა ბაზა (ინგლისური)
- „ბოჰემური რაფსოდია“ — Metacritic-ზე
- „ბოჰემური რაფსოდია“ — Rotten Tomatoes
- „ბოჰემური რაფსოდია“ — Allmovie-ზე
- „ბოჰემური რაფსოდია“ — Box Office Mojo-ზე
- „ბოჰემური რაფსოდია“ — Rotten Tomatoes
სქოლიო რედაქტირება
- ↑ 1.0 1.1 1.2 1.3 Film releases. Variety Insight. ციტირების თარიღი: 24 სექტემბერი, 2017.
- ↑ Bohemian Rhapsody (12A). ციტირების თარიღი: 27 სექტემბერი, 2018.
- ↑ 3.0 3.1 Bohemian Rhapsody (2018). AllMovie. ციტირების თარიღი: 24 სექტემბერი,2017.
- ↑ Rubin, Rebecca. (31 ოქტომბერი, 2018) Will 'Bohemian Rhapsody' Rock the Box Office?. Variety. ციტირების თარიღი: 2 ნოემბერი, 2018.
- ↑ D'Alessandro, Anthony. (4 ნოემბერი, 2018) 'Bohemian Rhapsody' Sends Thunderbolts And Lightning Through B.O. As Freddie Mercury Biopic Hits $50M Opening. ციტირების თარიღი: 4 ნოემბერი, 2018.
- ↑ Bohemian Rhapsody (2018). ციტირების თარიღი: 9 მაისი, 2019.
- ↑ „Sacha Baron Cohen to play Freddie Mercury“. BBC News. 17 September 2010. ციტირების თარიღი: 22 სექტემბერი, 2010. შეამოწმეთ თარიღის პარამეტრი
|accessdate=-ში (დახმარება) - ↑ Tartaglione, Nancy (16 ივლისი, 2017). „Queen Pic 'Bohemian Rhapsody' Tunes Up For Fall Start With Bryan Singer, Rami Malek“. Deadline Hollywood. ციტირების თარიღი: 25 აგვისტო, 2017. შეამოწმეთ თარიღის პარამეტრი
|accessdate=და|date=-ში (დახმარება) - ↑ Galuppo, Mia. Bryan Singer to Get Directing Credit on Queen Biopic 'Bohemian Rhapsody' (12 June 2018). ციტირების თარიღი: 21 June 2018.
- ↑ McNary, Dave. Bryan Singer Will Get Directing Credit on 'Bohemian Rhapsody' (12 ივნისი, 2018). ციტირების თარიღი: 21 ივნისი, 2018.
- ↑ Greene, Andy. (1 ნოემბერი, 2018) Fact-Checking the Queen Biopic, 'Bohemian Rhapsody'. ციტირების თარიღი: 8 ნოემბერი, 2018
- ↑ Yang, Rachel. (23 ოქტომბერი, 2018) 'Bohemian Rhapsody' Sees Mixed Reviews as Critics Praise Rami Malek. ციტირების თარიღი: 24 ოქტომბერი, 2018
- ↑ Sblendorio, Peter. (7 ნოემბერი, 2018) How 'Rhapsody' addresses Freddie Mercury's sexuality. ციტირების თარიღი: 9 ნოემბერი, 2018
- ↑ Bohemian Rhapsody (2018). Fandango. ციტირების თარიღი: 5 მარტი, 2019.
- ↑ Oscar Winners 2019: The Complete List. Variety (24 თებერვალი, 2019). ციტირების თარიღი: 8 მარტი, 2019.
- ↑ Golden Globes 2019: Bohemian Rhapsody and Rami Malek are surprise winners. BBC (7 იანვარი, 2019). ციტირების თარიღი: 7 იანვარი, 2019.
- ↑ Pond, Steve. (10 თებერვალი, 2019) BAFTA Awards 2019: ‘The Favourite’ Dominates, But ‘Roma’ Wins the Big One. The Wrap. ციტირების თარიღი: 8 მარტი, 2019.