ბორის დობრონრავოვი
ბორის დობრონრავოვი (რუს. Бори́с Гео́ргиевич Добронра́вов დ. 16 აპრილი, 1896, მოსკოვი — 27 ოქტომბერი, 1949, იქვე) - საბჭოთა, რუსი მსახიობი, მხატვრული კითხვის ოსტატი (მკითხველი). სსრკ სახალხო არტისტი (1937). ლენინის ორდენის კავალერი (1948).
| ბორის დობრონრავოვი | |
|---|---|
 | |
| დაბადების თარიღი |
16 აპრილი, 1896 მოსკოვი, რუსეთის იმპერია |
| გარდაცვალების თარიღი |
27 ოქტომბერი, 1949 (53 წლის) მოსკოვი (სსრკ) |
| ეროვნება | რუსი |
| მოქალაქეობა |
რუსეთის იმპერია სსრკ |
| საქმიანობა | მსახიობი |
| მეუღლე(ები) | მარია დობრონრავოვა |
| ჯილდოები |
  სსრკ სახალხო არტისტი (1937) |
ბიოგრაფია
რედაქტირებაბორის დობრონავოვი დაიბადა მღვდლის ოჯახში.
1909 წლიდან სწავლობდა დონის მონასტრის სასულიერო სასწავლებელში, რის შემდეგაც 1913 წელს ჩაირიცხა მოსკოვის სასულიერო სემინარიაში . მაგრამ მან გადაწყვიტა, უფროსი ძმის მსგავსად, ფიზიკასა და მათემატიკას გაჰყოლოდა და 1914 წელს, სემინარიის დატოვების შემდეგ, ჩაირიცხა მოსკოვის უნივერსიტეტის ფიზიკა-მათემატიკის ფაკულტეტზე.
1915 წელს, გაზეთში სამხატვრო თეატრში (MAT) გამოცდების შესახებ განცხადების წაკითხვის შემდეგ, მან თავის შეყვარებულთან ხუმრობით დადო ფსონი, რომ გამოცდებს ჩააბარებდა. და გარეგნული, და არა სამსახიობო მონაცემების წყალობით, იგი ჩაირიცხა მოსკოვის სამხატვრო თეატრის კანდიდატად. თავდაპირველად მას სჯეროდა, რომ შეძლებდა სწავლის შეთავსებას მოსკოვის სამხატვრო თეატრში მუშაობასთან და ამისთვის გადავიდა შედარებით იოლ, იურიდიულ ფაკულტეტზე, მაგრამ 1916 წელს დატოვა უნივერსიტეტი.[1]
1915-1918 წლებში გამოდიოდა მოსკოვის სამხატვრო თეატრის I სტუდიის სცენაზე. 1918 წელს მიიღეს სამხატვრო თეატრის დასში, სადაც მსახურობდა სიცოცხლის ბოლომდე.
1919 - 1920 წლებში მოსკოვის სამხატვრო თეატრის ახალგაზრდა მსახიობების ჯგუფთან ერთად მუშაობდა უფაში, სადაც მან ჩამოაყალიბა დასი, რომელიც წითელი არმიის ნაწილებს ემსახურებოდა .
სცენაზე მუშაობდა ისეთ კონცერტებზე, სადაც აჩვენებდა ნაწყვეტებს სპექტაკლებიდან და თავის ახალ ნამუშევრებს. ბოლო წლებში მას უყვარდა ჩეხოვის „ლექციები თამბაქოს საშიშროების შესახებ“ კითხვა. რადიოში გამოდიოდა არა მხოლოდ თავის თეატრალური ნაწარმოებებით, არამედ ამზადებდა როლებს სპეციალურ რადიო-დადგმებში. აქ ხშირად კითხულობდა გორკის მოთხრობებსა და სტატიებს.
იგი გარდაიცვალა 1949 წლის 27 ოქტომბერს გულის დამბლით მოსკოვის სამხატვრო თეატრის სცენაზე სპექტაკლის „მეფე ფიოდორ იოანეს ძის“ მიმდინარეობის დროს, ფინალური სცენის დასრულების გარეშე, თეატრის 51 წლის იუბილეზე, 166-ეჯერ შეასრულა თავისი საყვარელი როლი. - მეფე ფიოდორი. ის სცენიდან ლოჟაში გადაიყვანეს და დააწვინეს ტყავის დივანზე, რომელზედაც 4 წლით ადრე, ივანე მრისხანეს გრიმით, ნ. პ. ხმელიოვი გარდაიცვალა. დობრონავოვი ყოველთვის ამბობდა, რომ მისი ყველაზე დიდი სურვილი იყო სცენაზე სიკვდილი[1]. ის დაკრძალეს ნოვოდევიჩის სასაფლაოზე [2] .
ოჯახი
რედაქტირება- და — ელიზავეტა ალექსეევა (1901-1972), თეატრისა და კინოს მსახიობი, სსრკ სახალხო არტისტი (1971)
- ძმა — სერგეი დობრონრავოვი (1894-1970), მათემატიკოსი, მექანიკოსი, ფიზიკოსი, ამ დისციპლინების მასწავლებელი
- მეუღლე — მარია დობრონრავოვა (1900-1964), თეატრის მსახიობი, მომღერალი.
- ქალიშვილი — ელენა დობრონრავოვა (1932-1999), თეატრისა და კინოს მსახიობი, რსფსრ დამსახურებული არტისტი (1968).
ჯილდოები და აღიარება
რედაქტირება- 1933 : რსფსრ დამსახურებული არტისტი
- 1937 : სსრკ სახალხო არტისტი
- 1948 : ლენინის ორდენი
- 1937 : შრომის წითელი დროშის ორდენი რუსული თეატრალური ხელოვნების განვითარებაში გამორჩეული მომსახურებისთვის
- მედლები
ლიტერატურა
რედაქტირება- Борис Георгиевич Добронравов: Статьи. Воспоминания. Документы / Сост., авт. летописи и примеч. В. С. Давыдов. — М.: Искусство, 1983. — 288 с.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ბორის დობრონრავოვი“ ვიკისაწყობში.- ბორის დობრონრავოვი — კინოფილმების ინტერნეტ მონაცემთა ბაზა (ინგლისური)
სქოლიო
რედაქტირება- ↑ 1.0 1.1 «Московская правда»: газета. — 2010. — 1 июля.
- ↑ Добронравов Б. Г.// Московские могилы. დაარქივებული 2016-11-07 საიტზე Wayback Machine.