ალახაძი

ალახაძი, ალაჰაძი (აფხ. Алаҳаӡы [ალაჰაძჷ]) — სოფელი საქართველოში, აფხაზეთის ავტონომიური რესპუბლიკის გაგრის მუნიციპალიტეტში, შავი ზღვის ნაპირზე, მდინარე ბზიფის მარჯვენა მხარეს, რკინიგზის ხაზთან. თემის ცენტრი. ზღვის დონიდან 40 მ, შავი ზღვიდან 3 კმ, გაგრიდან 15 კმ.

სოფელი
ალახაძი აფხ. Алаҳаӡы
ქვეყანა	საქართველო
ავტონომიური რესპუბლიკა	აფხაზეთის არაფხაზეთის არ
მუნიციპალიტეტი	გაგრის მუნიციპალიტეტი
თემი	ალახაძი
კოორდინატები	43°13′06″ ჩ. გ. 40°18′09″ ა. გ.
ოფიციალური ენა	ქართული, აფხაზური
მოსახლეობა	4277 კაცი (1989)
სასაათო სარტყელი	UTC+4
სატელეფონო კოდი	+995 (443)
ალახაძი ვიკისაწყობში

2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.

ისტორია

სახელწოდება (ალაჰაძჷ) აფხაზურია (აფხ. Алаҳа (ალაჰა) — ლეღვი, აფხ. Аӡы (აძჷ) — წყარო) და „ლეღვის წყაროს“ ნიშნავს. 1923 წელს გაგრის მაზრაში შედიოდა კოლხიდა-ალახაძის, 1925 წელს კი — ალახაძე-კოლხიდის თემის სახელწოდებით (2 სოფლით). 1930 წელს ალახაძის სასოფლო საბჭოში შედიოდა სოფლები: ალახაძი, შავროვი, III ინტერნაციონალი. 1949 წელს ალახაძის სასოფლო საბჭოში მხოლოდ ალახაძი შედიოდა.

ძეგლები

სოფელში შემორჩენილია ადრინდელი ფეოდალური ხანის ორი ეკლესიის (IV-VI სს.) და განვითარებული ფეოდალური ხანის სასახლის ნანგრევები.

დემოგრაფია

1989 წლის აღწერის მონაცემებით სოფელში ცხოვრობდა 4 277 ადამიანი.

აღწერის წელი	მოსახლეობა	კაცი	ქალი
1989 წ. აღწ.	4 277	--	--

ლიტერატურა

• ენციკლოპედია „საქართველო“, ტ. 1, თბ., 1997. — გვ. 91.
• პაატა ცხადაია, ბეჟან ხორავა, „აფხაზეთის გეოგრაფიული სახელწოდებანი“, თბ., 2016.