Resident Evil Outbreak
Resident Evil Outbreak, იაპონურად ცნობილია, როგორც Biohazard Outbreak (იაპონ. バイオハザード アウトブレイク?) — survival horror-ის ჟანრის ვიდეო თამაში, რომელიც შექმნა კომპანია Capcom Production Studio 1-მა,[2] ხოლო გამოსცა Capcom-მა, 2003 წლის 11 დეკემბერს იაპონიაში,[3] ექსკლუზიურად PlayStation 2-ის პლატფორმისთვის. ეს არის „Resident Evil“-ის სერიის ნაწილი და პირველი თამაში სერიიდან, რომელსაც ჰქონდა კოოპერატიული გეიმპლეი და ონლაინ მრავალმოთამაშიანი რეჟიმის მხარდაჭერა.[2][4][5] თუმცა ონლაინის მხარდაჭერა არ გააჩნდა PAL რეგიონის ვერსიას.
| „Resident Evil Outbreak“ | |
|---|---|
 ჩრდილოეთ ამერიკული გამოცემის გარეკანი | |
| დეველოპერ(ებ)ი | Capcom Production Studio 1 |
| გამომცემელი | Capcom |
| სერია | „Resident Evil“ |
| ძრავა | Unspecified Capcom Proprietary Engine |
| პლატფორმ(ებ)ი | PlayStation 2 |
| გამოსვლის თარიღი |
იაპ 11 დეკემბერი, 2003 ჩრდ.ამ. 31 მარტი, 2004 PAL 17 სექტემბერი, 2004 |
| ჟანრ(ებ)ი | Survival horror |
| რეჟიმ(ებ)ი | |
| რეჟისორ(ებ)ი | ეიიტირო სასაკი |
| პროდიუსერ(ებ)ი |
|
| მხატვარი |
|
| კომპოზიტორი |
|
გეიმპლეი და თამაშის მართვის სისტემა არის „Resident Evil რიმეიკის მსგავსი. სიუჟეტი დაყოფილია 5 ეპიზოდად. მოთამაშეს საშუალება აქვს აირჩიოს რვა მოთამაშე პერსონაჟიდან ერთ-ერთი და ასევე აირჩიოს სირთულის დონე, რომელიც განსაზღვრავს მოწინააღმდეგეებისა და ტყვია-წამლის რაოდენობას. მრავალმოთამაშიან რეჟიმში თამაში შესაძლებელია ქსელური ადაპტერის საშუალებით.
სიუჟეტი მიმდინარეობს „Resident Evil 2“-სა და „Resident Evil 3: Nemesis“-ის მოვლენების პარალელურად, გამოგონილ ქალაქ რაკუნ-სიტიში, სადაც ფარმაცევტული კომპანია „Umbrella“-ს წარუმატებელი ექსპერიმენტის შედეგად მოხდა T ტიპის ვირუსის გაჟონვა, რამაც მოსახლეობის უმეტესი ნაწილი აქცია ზომბებად. მთავარი გმირების მიზანია, რაც შეიძლება სწრაფად დატოვონ ქალაქი, სანამ მთავრობა ვირუსის გავრცელების თავიდან აცილების მიზნით, გასცემს ბირთვული ბომბის გამოყენების ბრაძნებას ქალაქის გასანადგურებლად.
თამაში შექმნის იდეა ჯერ კიდევ 1998 წელს დაიბადა, მაგრამ გარკვეული მიზეზების გამო მისი განხორციელება ვერ მოხერხდა. თუმცა 2002 წელს Capcom-მა გადაწვიტა პროექტის გაცოცხლება. თამაშის შექმნა დაევალა კომპანია Capcom Production Studio 1-ს და დაანონსდა 2002 წლის თებერვალში, სონის პრესკონფერენციაზე, სახელწოდებით „Biohazard Online“. პირველი ტრეილერი აჩვენეს 2002 წლის E3-ის 2002 წლის ცერემონიაზე.[6] 2003 წელს თამაშს დაერქვა ამჟამინდელი სახელწოდება „Resident Evil Outbreak“ (იაპონიაში „Biohazard Outbreak“)[7] და მზის შუქი იხილა იმავე წლის დეკემბერში.
„Outbreak“-მა მიიღო დადებითი შეფასებები ვიდეო თამაშების კრიტიკოსებისგან. საერთო განხილვების საიტებზე GameRankings და Metacritic თამაში ფლობს 69.99% (38 მიმოხილვაზე დაყრდნობით)[8] და 71% (40 მიმოხილვაზე დაყრდნობით).[9] დღეის მონაცემით გაიყიდა 1.5 მილიონი ეგზემპლარი. 2004 წლის 9 დეკემბერს გამოვიდა თამაშის დამოუკიდებელი დამატება, „Resident Evil Outbreak: File #2“. [10]
იხილეთ აგრეთვე
რედაქტირებარესურსები ინტერნეტში
რედაქტირება- „Resident Evil Outbreak“ საიტზე MobyGames
- Resident Evil Outbreak საიტზე AllGame
სქოლიო
რედაქტირება- ↑ Biohazard Outbreak Original Soundtrack Japanese. King Records Co., Ltd. (2004).
- ↑ 2.0 2.1 Interview: Capcom chief lifts Resident Evil 0 lid. ComputerAndVideoGames.com. Future Publishing Limited (30 აგვისტო, 2002). დაარქივებულია ორიგინალიდან — მაისი 11, 2011. ციტირების თარიღი: 11 მაისი, 2011.
- ↑ Resident Evil Outbreak. GameFAQs. დაარქივებულია ორიგინალიდან — 2012-08-25. ციტირების თარიღი: 2011-04-01.
- ↑ Resident Evil Outbreak საიტზე AllGame
- ↑ Reeves, Ben. (December 30, 2011) Guinness World Records 2012 Gamer’s Edition Preview. Game Informer. დაარქივებულია ორიგინალიდან — თებერვალი 25, 2012. ციტირების თარიღი: December 31, 2011.
- ↑ Lopez, Miguel (21 მაისი, 2002). „E3 2002: Resident Evil Online first look“. GameSpot. დაარქივებულია ორიგინალიდან — 2013-01-24. ციტირების თარიღი: 2012-07-15. შეამოწმეთ თარიღის პარამეტრი
|date=-ში (დახმარება) - ↑ Varanini, Giancarlo (2 მაისი, 2003). „Capcom's E3 lineup“. GameSpot. დაარქივებულია ორიგინალიდან — 2012-12-09. ციტირების თარიღი: 2012-07-15. შეამოწმეთ თარიღის პარამეტრი
|date=-ში (დახმარება) - ↑ Review: Resident Evil Outbreak. Game Rankings. დაარქივებულია ორიგინალიდან — 2013-05-12. ციტირების თარიღი: 2012-07-15.
- ↑ Review: Resident Evil Outbreak. Metacritic. დაარქივებულია ორიგინალიდან — 2010-02-11. ციტირების თარიღი: 2010-12-10.
- ↑ Resident Evil: Outbreak - File #2,Giant Bomb