თრიმლი
თრიმლი[1] (ლათ. Cotinus coggygria) — მცირე ზომის ხე ან ბუჩქი თუთუბოსებრთა ოჯახისა. უხვადაა დატოტვილი, ფოთლები მარტივი და მორიგეობით განლაგებულია, მომრგვალო ან კვერცხისებური ფორმის, 5–10 სმ სიგრძისა და 3-5 სმ სიგანის, კიდემთლიანი. ზედა მხარე შიშველია, მუქი მწვანე ან მოლეგო-მოწითალო. ქვედა მხარე უფრო მკრთალია, მეტ-ნაკლებად შებუსული. ყვავილები პატარა ზომისაა, მწვანე ან სოსანი, კენწრულ, ფარჩხატ საგველად შეკრებილი. ყვავის მაის-ივნისში, ნაყოფმსხმოიარობს ივლის-სექტემბერში. გავრცელებულია კავკასიაში, შუა აზიაში, ცენტრალურ და სამხრეთ ევროპაში, მცირე აზიასა და ირანში. საქართველოში განსაკუთრებით გვხვდება აღმოსავლეთ ნაწილში. იზრდება მშრალ, ქვიან ფერდობებზე, ბუჩქნარებსა და ტყისპირებში.[2]
| თრიმლი | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| მეცნიერული კლასიფიკაცია | ||||||||||||||||
| ||||||||||||||||
| ლათინური სახელი | ||||||||||||||||
| Cotinus coggygria Scop., 1771 | ||||||||||||||||
| დაცვის სტატუსი | ||||||||||||||||
 IUCN 3.1 Least Concern : 202959 | ||||||||||||||||
| ||||||||||||||||
ფშავსა და ხევსურეთში ეწოდება თრემლი, ქიზიყში — ნარინჯი ხე, საინგილოში — სარაღან, ქვემორაჭულად — კაპარი.[1]
სქოლიო
რედაქტირება- ↑ 1.0 1.1 მაყაშვილი ა., თრიმლი // ბოტანიკური ლექსიკონი, თბ.: „საბჭოთა საქართველო“, 1961.
- ↑ სუხიტაშვილი კახაბერ, საქართველოს ყვავილოვანი მცენარეები, თბ.: კავკასიის გარემოსდაცვითი არასამთავრობო ორგანიზაციების ქსელი, 2018. — გვ. 34.