ჰერმან ვან რომპეი
ჰერმან ვან რომპეი (ნიდერლ. Herman Van Rompuy [ˈɦɛɾmɑn vɑn ˈɾɔmpœy̆]; დ. 31 ოქტომბერი 1947) — ბელგიელი პოლიტიკური მოღვაწე, ბანკირი, მეცნიერებათა დოქტორი, ფედერალისტი.
| ჰერმან ვან რომპეი | |
 ჰერმან ვან რომპეი | |
| ევროპული საბჭოს პრეზიდენტი | |
|---|---|
| თანამდებობაზე ყოფნის დრო | |
| 1 დეკემბერი, 2009 – 30 ნოემბერი, 2014 | |
| წინამორბედი | ფრედრიკ რეინფელდტი |
| მემკვიდრე | დონალდ ტუსკი |
| თანამდებობაზე ყოფნის დრო | |
| 30 დეკემბერი 2008 – 25 ნოემბერი 2009 | |
| წინამორბედი | ივ ლეტერმი |
| მემკვიდრე | ივ ლეტერმი |
| დაბადებული | 31 ოქტომბერი 1947 ეტერბეკი, ბელგია |
| ეროვნება | ბელგიელი |
| მეუღლე | გერტრეი ვინდელსი |
| შვილები | 4 |
| რელიგია | კათოლიკე |
| ხელმოწერა |  |
2008 წლის დეკემბრიდან 2009 წლის ნოემბრამდე იყო ბელგიის პრემიერ-მინისტრი. 2009 წლიდან არის ევროპული საბჭოს პრეზიდენტი. პარტია ქრისტიან-დემოკრატები და ფლამანდიელების ერთ-ერთი ლიდერი. უფრო ადრე 2007-2008 წლებში ხელმძღვანელობდა წარმომადგენელთა პალატას. 1993-1999 წლებში იყო ბელგიის ფინანსთა მინისტრი, ხოლო 1988-1995 წლებში ბელგიის სენატის წევრი და ბელგიის ეროვნულ-ქრისტიანული პარტიის ხელმძღვანელი.
ჰერმან აშილ ვან რომპეი დაიბადა 1947 წლის 31 ოქტომბერს ბრიუსელის გარეუბან ეტერბეკში. 1965 წელს ქალაქ ბრიუსელში დაამთავრა სენტ-იან-ბერხმანსის იეზუიტთა კოლეჯი, ხოლო შემდეგ ლევენის კათოლიკურ უნივერსიტეტში სწავლობდა ფილოსოფიასა და ეკონომიკას, სადაც 1968 წელს მიიღო ფილოსოფიის ბაკალავრის ხარისხი, ხოლო 1971 წელს — ეკონომიკის მაგისტრის ხარისხი.
1972-1975 წლებში მუშაობდა ბელგიის ცენტრალურ ბანკში[1], ხოლო 1975-1978 წლებში იყო პრემიერ-მინისტრის — ლეო ტინდემანსის მრჩეველი.[2]. პარალელურად ეწეოდა პოლიტიკურ მოღვაწეობას. 1973 წელს გახდა ეროვნულ-ქრისტიანული პარტიის ახალგაზრდული ფრთის ხელმძღვანელობის წევრი, მოგვიანებით მისი ვიცე-პრეზიდენტი. ამ თანამდებობაზე ვან რომპეი 1977 წლამდე დარჩა.
1978 წელს აირჩიეს ეროვნული ქრისტიან-დემოკრატების ბიუროში, რომლის წევრიც იგი დღემდე არის[3]. იმავე წელს ხდება ფინანსთა მინისტრის — გასტონ გეენსის მრჩეველი. 1980 წელს ხელმძღვანელობდა პოლიტიკურ, ეკონომიკურ და სოციალური კვლევების ცენტრს, აგრეთვე ასწავლიდა რამდენიმე სასწავლო დაწესებულებაში. 1988 წელს აირჩიეს ბელგიის სენატში[4], სადაც ის იყო სახელმწიფო მდივანი ფინანსების, ასევე მცირე და საშუალო ბიზნესის სფეროში. 1988 წლის სექტემბერში გახდა CVP-ის თავმჯდომარე. ეს თანამდებობას ეკავა ხუთი წლის განმავლობაში[5].
1993-1999 წლებში ჟან-ლიუკ დეჰანეს მმართველობის პერიოდში იყო ბელგიის ფინანსთა ვიცე-პრემიერი და მინისტრი[6]. 2004 წლის იანვარში ვან რომპეიმ მიიღო სახელმწიფო მინისტრის საპატიო მუდმივი ტიტული და გახდა ბელგიის სამეფო საბჭოს წევრი[1].
2007 წლის ივნისში გახდა ბელგიის პარლამენტის წარმომადგენელთა პალატის ხელმძღვანელი. 2008 წლის დეკემბრიდან ხდება ბელგიის პრემიერ-მინისტრი. 2009 წლის ნოემბერში დატოვა პრემიერ-მინისტრის პოსტი და იმავე წლის 1 დეკემბრიდან გახდა ევროპული საბჭოს პრეზიდენტი.
ვან რომპეი კათოლიკეა. რამდენიმე წიგნის ავტორია. წერს ლექსებს ნიდერლანდურ ენაზე ჰაიკუს ჟანრში და მიჰყავს საკუთარი ბლოგი. 1977 წელს დაქორწინდა გერტრეი ვინდელსზე. ჰყავს ოთხი შვილი.
რესურსები ინტერნეტში
რედაქტირება
- President's pages on the European Council website.
- Website 'Manual on Haiku Herman' (Knack December 2009) by his son, Peter Van Rompuy
- Herman Van Rompuy in ODIS - Online Database for Intermediary Structures დაარქივებული 28 April 2016 საიტზე Wayback Machine.
- Archives of Herman Van Rompuy in ODIS - Online Database for Intermediary Structures დაარქივებული 28 April 2016 საიტზე Wayback Machine.
სქოლიო
რედაქტირება- ↑ 1.0 1.1 Backgrounder: Key facts about EU's new president. — Xinhua, 19.11.2009
- ↑ Kardinal Danneels gratuliert neuem EU-Ratspräsidenten. — KathPress, 20.11.2009
- ↑ ჰერმან ვან რომპეი — ბიოგრაფიული ცნობები. დაარქივებულია ორიგინალიდან — 2016-03-04. ციტირების თარიღი: 2014-02-11.
- ↑ Herman Van Rompuy. — NNDB
- ↑ Who is Herman Van Rompuy? — Reuters, 19.11.2009. დაარქივებულია ორიგინალიდან — 25.11.2014. ციტირების თარიღი: 11.02.2014.
- ↑ Randy James. Herman Van Rompuy, the E.U.'s New President. — Time, 20.11.2009