შოროხევი
მდინარე საქართველოში, კახეთის მხარეში
შოროხევი — მდინარე საქართველოში, კახეთის მხარეში, ყვარლის მუნიციპალიტეტში.[1] სათავე აქვს კახეთის კავკასიონის სამხრეთ კალთაზე, ზღვის დონიდან 2295 მ სიმაღლეზე. ერთვის მდინარე ავანისხევს მარცხნიდან. სიგრძე 24 კმ, აუზის ფართობი 85 კმ². საზრდოობს თოვლის, წვიმისა და მიწისქვეშა წყლით. წყალდიდობა გაზაფხულზეა, წყალმცირობა — ზამთარსა და ზაფხულში, წყალმოვარდნები — შემოდგომაზე.[2] მდინარის ნაპირზეა სოფლები შოროხი, ახალსოფელი და სხვა. 2020 წელს სოფელ ბალღოჯიანსა და ახალსოფელში მდინარე შოროხევმა ადიდების შედეგად გაარღვია ნაპირი, რის შედეგადაც დაიტბორა სასოფლო სამეურნეო სავარგულები, ვენახები და მესაქონლეობის ფერმები.[3]
| შოროხევი | |
|---|---|
| ქვეყანა |
 საქართველო |
| ტერიტორიული ერთეულები | ყვარლის მუნიციპალიტეტი (კახეთის მხარე) |
| სათავე |
კახეთის კავკასიონი 42°00′55″ ჩ. გ. 46°01′39″ ა. გ. / 42.015306° ჩ. გ. 46.027556° ა. გ. |
| სათავის სიმაღლე | 2295 მ |
| შესართავი |
ავანისხევი 41°51′12″ ჩ. გ. 45°55′59″ ა. გ. / 41.853417° ჩ. გ. 45.933111° ა. გ. |
| სიგრძე | 24 კმ |
| აუზის ფართობი | 85 კმ² |
     — სათავე,  — შესართავი | |
სქოლიო რედაქტირება
- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 195.
- ↑ აფხაზავა ი., ქართული საბჭოთა ენციკლოპედია, ტ. 10, თბ., 1986. — გვ. 691-692.
- ↑ ყვარელში მდინარეების ადიდების შედეგად სახნავ-სათესი მიწები და ვენახები დაიტბორა