შორვალა
შორვალა (ლათ. Vincetoxicum) — მცენარეთა გვარი ქენდირისებთა ოჯახისა. ზოგჯერ მისი სახეობები შეჰყავთ Cynanchum-ისა და Asclepias-ის გვარებში. მრავალწლოვანი ბალახები ან დაბალი ნახევრად ბუჩქებია, ზოგჯერ ხვიარა ყლორტებითა და მოპირისპირედ განლაგებული ფოთლებით. ყვავილები მცირე ზომისაა, 5-ნაკვთიანი, მომწვანო-თეთრიდან მუქ წითლამდე; შეკრებილია იღლიურ ქოლგისებურ ცოტაყვავილიან ყვავილედებში. ნაყოფი 2 ფურცლისაგან შედგება; თესლს გრძელი ბეწვებისაგან წარმოქმნილი „ქოჩორი“ აქვს. ცნობილია 30-მდე სახეობა, გავრცელებული არიან ევრაზიის ზომიერ ოლქებში. იზრდებიან სტეპის და ქვიან ფერდობებზე, ტყეებში ბუჩქებს შორის, ტყის პირებში. ფართოდაა გავრცელებული ჩვეულებრივი ანუ სამკურნალო შორვალა (V. hirundinaria), რომელიც შხამიანი მცენარეა (განსაკუთრებით ცხვრისთვის).[1] მთელ საქართველოში გვხვდება ხვიარა შორვალა (V. scandens).
| შორვალა | ||||||||||||||
|---|---|---|---|---|---|---|---|---|---|---|---|---|---|---|
 სამკურნალო შორვალა (Vincetoxicum hirundinaria) | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Vincetoxicum Wolf, 1776 | ||||||||||||||
| ||||||||||||||
სქოლიო
რედაქტირება- ↑ Бялт В. В. Ластовень // Большая российская энциклопедия. т. 16. — М., 2010. — стр. 740.