შოთა ლომიძე
შოთა ლომიძე (დ. 20 იანვარი, 1936, სოფ. საყულია (დღ. წყალტუბოს მუნიციპალიტეტი), საქართველოს სსრ, სსრკ — გ. 23 ოქტომბერი, 1993) — ქართველი სპორტსმენი (თავისუფალი ჭიდაობა). ოლიმპიადის ვიცე-ჩემპიონი 1968 წელს (მეხიკო; 97 კგ). მსოფლიოს ორგზის ჩემპიონი 1969 (მარ-დელ-პლატა; 100 კგ) და 1971 (სოფია; 100 კგ) წლებში. მსოფლიოს ვიცე-ჩემპიონი 1967 წელს (ნიუ დელი; 97 კგ). ევროპის ორგზის ჩემპიონი 1966 (კარლსრუე; 97 კგ) და 1969 (სოფია; +100 კგ) წლებში. ევროპის ვიცე-ჩემპიონი 1967 წელს (სტამბული; 97 კგ). სსრკ ხალხთა სპარტაკიადის ჩემპიონი 1967 წელს (მოსკოვი; 100 კგ) და სსრკ ხალხთა სპარტაკიადის ბრინჯაოს პრიზიორი 1959 წელს (მოსკოვი; 100 კგ). სსრკ ოთხგზის ჩემპიონი 1964 (ორჯონიკიძე; 97 კგ), 1965 (თბილისი; 100 კგ), 1966 (ალმა-ატა; 100 კგ), 1967 (მოსკოვი; 100 კგ) წლებში. სსრკ ვიცე-ჩემპიონი 1968 წელს (კიევი; 100 კგ). სსრკ ჩემპიონატის ორგზის ბრინჯაოს პრიზიორი 1962 (ორჯონიკიძე; 97 კგ) და 1969 (ლუგანსკი; 100 კგ) წლებში. საბჭოთა კავშირის სპორტის დამსახურებული ოსტატი (1969).[1][2]
1964 წელს, ტოკიოს ოლიმპიადაზე, პირველი პაექრობა ბულგარელ პროდან გარჯევთან ფრედ დაასრულა. მეორე შეხვედრაში ქულებით სძლია შვეიცარიელ რუდოლფ კობელტს, მესამე წრეში კი თურქ ოლიმპიურ ჩემპიონ ჰასან გიუნგიორთან დამარცხდა და მედლებისთვის ბრძოლას გამოეთიშა. საბოლოოდ IX ადგილზე გავიდა.
1966 წელს, გერმანიის ფედერაციული რესპუბლიკის ქალაქ კარლსრუეში გამართულ ევროპის ჩემპიონატზე ფინალში თურქეთის 10-გზის ჩემპიონი აჰმეტ აიიქი დაამარცხა. ოლიმპიურ თამაშებზე, მსოფლიოსა და ევროპის პირველობებზე ეს აიიქის ერთადერთი მარცხი იყო.[3]
1971 წელს მეორედ გახდა მსოფლიოს ჩემპიონი და კარიერა დაასრულა.
სპორტული ასპარეზის დატოვების შემდეგ, სხვადასხვა დროს ხელმძღვანელობდა ახალციხის და გარდაბნის საკონსერვო ქარხნებს, შემდეგ კი თბილისის უალკოჰოლო სასმელების მწარმოებელ „ლაღიძის წყლებს“.
შოთა ლომიძის შედეგები 1968 წელს, მეხიკოს ოლიმპიადაზე
რედაქტირება- I წრე: ჰაინც კილი (გერმანიის ფედერაციული რესპუბლიკა) - მოგება
- II წრე: იოჟეფ ჩატარი (უნგრეთი) - მოგება
- III წრე: მოსლემ ესკანდარ-ფილაბი (უნგრეთი) - მოგება
- IV წრე: თავისუფალი იყო
- V წრე: საიდ მუსტაფოვი (ბულგარეთი) - ფრე
- ფინალური ჯგუფი, I წრე: იოჟეფ ჩატარი (უნგრეთი) - მოგება
- ფინალური ჯგუფი, II წრე: თავისუფალი იყო
- ფინალური ჯგუფი, ოქროს მედლისთვის: აჰმეტ აიიქი (თურქეთი) - ფრე¹
- ¹ შოთა ლომიძე მხოლოდ მოგების შემთხვევაში გახდებოდა ოქროს მედალოსანი, ამიტომ იგი მეხიკოს 1968 წლის ოლიმპიადაზე ვერცხლის პრიზიორი გახდა.
ძირითადი შედეგები
რედაქტირება| წელი | ტურნირი | მასპინძელი | წონითი კატეგორია |
ადგილი |
|---|---|---|---|---|
| 1966 | ევროპის ჩემპიონატი | კარლსრუე, გფრ | -97 კგ | 
|
| 1967 | ევროპის ჩემპიონატი | სტამბოლი, თურქეთი | -97 კგ | 
|
| 1967 | მსოფლიო ჩემპიონატი | დელი, ინდოეთი | -97 კგ |
|
| 1968 | ზაფხულის XIX ოლიმპიური თამაშები | მეხიკო, მექსიკა | -97 კგ |
|
| 1969 | მსოფლიო ჩემპიონატი | მარ-დელ-პლატა, არგენტინა | 100კგ |
|
| 1969 | ევროპის ჩემპიონატი | სოფია, ბულგარეთი | 100კგ |
|
| 1971 | მსოფლიო ჩემპიონატი | სოფია, ბულგარეთი | 100კგ |
|
ბიბლიოგრაფია
რედაქტირება- დიმოვი, იან, საქართველოს ფალავნები, თბ.: საბჭ. საქართველო, 1987. — გვ. 192–202. 268 გვ.
რესურსები ინტერნეტში
რედაქტირება- შოთა ლომიძე — საქართველოს ბიოგრაფიული ლექსიკონი
- შოთა ლომიძე — საქართველოს ბიოგრაფიული ლექსიკონი
- შოთა ლომიძე — ქართული სპორტი
- შოთა ლომიძე — მემატიანე
- შოთა ლომიძე — Sports Reference
- შოთა ლომიძე — International Wrestling Database
- მეხიკო 1968 — საქართველოს ეროვნული ოლიმპიური კომიტეტი
სქოლიო
რედაქტირება- ↑ ხსოვნა. შოთა ლომიძე 85 — მეგობრობა ზეციურ საქართველოში გრძელდება. რაიმონდ მაჭავარიანი (წიგნიდან „ლომის გვარისა“). lelo.ge. ციტირების თარიღი: 12 იანვარი, 2022
- ↑ როგორ შეათამაშა ჰაერში შოთა ლომიძემ 20 კგ-ით მძიმე დურალიევი ევროპის ჩემპიონატის ფინალში. რაიმონდ მაჭავარიანი (წიგნიდან „ლომის გვარისა“). lelo.ge. ციტირების თარიღი: 12 იანვარი, 2022
- ↑ Ушел победителем. Арсен Еремян. «Русский клуб». ციტირების თარიღი: 12 იანვარი, 2022[მკვდარი ბმული]