კარლსრუე

კარლსრუე (გერმ. Karlsruhe) — ქალაქი გერმანიაში, მდინარე რაინის მახლობლად (უკავშირდება არხით), ბადენ-ვიურტემბერგის მხარეში. 285,812 ათ. მცხოვრები (2006). დიდი სატრანსპორტო კვანძი, სამდინარო ნავსადგური. გერმანიის სამხრეთ-დასავლეთ ნაწილის საწვავის განმანაწილებელი ცენტრი (ნავთობი კარლსრუეში მიდის მარსელიდან წყლის გზითა და ნავთობსადენით). ნავთობსახდელი ქარხანა, სატრანსპორტო და ელექტრო მანქანათმშენებლობა, ლითონდასამუშავებელი, ქიმიური, პოლიგრაფიული, კვების მრეწველობა. კარლსრუედან 10 კმ-ზე არის ატომური კვლევის ცენტრი (ლეოპოლდსჰაფენი). უნივერსიტეტი, სახვითი ხელოვნების სახელმწიფო აკადემია, ბადენის მხარის მუზეუმი (სიძველეთა კოლექცია), სამხატვრო მუზეუმი.

ქალაქი
კარლსრუე Karlsruhe
დროშა გერბი
ქვეყანა	გერმანია
მხარე	ბადენ-ვიურტემბერგიბადენ-ვიურტემბერგი
კოორდინატები	49°01′00″ ჩ. გ. 8°24′00″ ა. გ.
ქალაქის მერი	Frank Mentrup
დაარსდა	1715
ფართობი	173.46 კმ²
ცენტრის სიმაღლე	115 მ
მოსახლეობა	288 917 კაცი (2007)
სიმჭიდროვე	1 666 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	0721
საფოსტო ინდექსი	76131–76229
საავტომობილო კოდი	KA
ოფიციალური საიტი	karlsruhe.de
ავტომობ. კოდი	KA
კარლსრუე ვიკისაწყობში

ქალაქი გაშენებულია რადიალურ-წრიული გეგმით. ბაროკოს სტილის სასახლიდან (1752-82, არქიტექტორი ლ. ფ. დე ლა გეპიერი, ფ. ა. კესლაუ) ჩრდილოეთისკენ მარაოსებრ იშლება საპარკო ხეივნები, ხოლო სამხრეთისკენ - ქალაქის ქუჩები. XIX საუკუნის I მესამედში არქიტექტორმა ფ. ვაინბრენერმა კარლსრუეში ააგო კლასიცისტური შენობები.

გალერეა

• 
• 
• 
• 
• 
• 
• 
• 

იხილეთ აგრეთვე

• გერმანიის დიდი ქალაქების სია

რესურსები ინტერნეტში

• Map of Karlsruhe
• List of English websites დაარქივებული 2014-09-27 საიტზე Wayback Machine.
• City wiki of Karlsruhe (English and German)
• Karlsruhe Nuclide Chart