შალომ ჰარლოუ
შალომ ჰარლოუ (დ. 5 დეკემბერი, 1973) — კანადელი მოდელი, მსახიობი. მისი კარიერა 1990-იანი წლების დასაწყისში დაიწყო და ათწლეულების ბოლოს მან სუპერმოდელის სტატუსი მოიპოვა. იგი ასევე გამოჩნდა ფილმებში როგორიცაა, In & Out (1997) და How to Lose a Guy in 10 Days (2003).
| შალომ ჰარლოუ | |
|---|---|
 შალომ ჰარლოუ 2007 წელს | |
| დაბადების თარიღი |
5 დეკემბერი, 1973 ოშავა, ონტარიო, კანადა |
| საქმიანობა | მოდელი, მსახიობი |
| სიმაღლე | 1,80 მ |
| მშობლები |
მამა: დევიდ ჰარლოუ დედა: სანდი ჰერბერტი |
ადრეული წლები და ოჯახი
რედაქტირებადაიბადა ოშავაში, ონტარიო, სანდი ჰერბერტისა და დევიდ ჰარლოუს ქალიშვილი. დედამ მას დაარქვა შალომი (ებრაულად: שלום), რაც ნიშნავს "მშვიდობას", რომელიც გამოიყენება როგორც სტანდარტული მისალმება ებრაულად. მისი მამა მუშაობდა რამდენიმე ადგილას, იყო როგორც სოციალური მუშაკი და უძრავი ქონების აგენტი, ასევე ფინანსური ინვესტორიც. შალომს ჰყავს 2 უმცროსი ძმა კრისი და ნათანი. ადრეულ პერიოდში ჰარლოუ ბალეტზე შევიდა და მის სამომავლო კარიერადაც ბალეტი მიაჩნდა, მაგრამ მოგვიანებით მიხვდა, რომ იგი მისთის არ იყო, როგორც მან განაცხადა 2008 წლის New York Times-ის სტატიაში.
კარიერა
რედაქტირებაჰარლოუ აღმოაჩინეს 17 წლის ასაკში Cure-ის კონცერტზე ტორონტოში. აღმოჩენის დღიდან იგი გამოჩნდა მრავალი ჟურნალის გარეკანზე, რედაქციებში, საუკეთესო ასაფრენ შოუებში და ფილმებში. შალომი დიდი ხნის განმავლობაში იყო მრავალი დიზაინერის საყვარელი მოდელი, რომლებმაც დაადგინეს, რომ მისი გარეგნობა კარგად მუშაობდა როგორც კომერციულ, ასევე კუტურ კამპანიებში. იგი გახდა Vogue/VH1-ის წლის მოდელის პირველი გამარჯვებული 1995 წელს. იგი წარმოდგენილი იყო ალექსანდრე მაკქუინის No.13 (1999 წლის გაზაფხული/ზაფხული) კოლექციის ფინალში, რომელიც გაიმართა 1998 წლის სექტემბერში, ლონდონის საწყობში. შოუს დროს მას ორი რობოტული მკლავი შავ-ყვითლად სპრეით შეღებეს. ამას ეწოდა მოდის ერთ-ერთი ყველაზე დასამახსოვრებელი და საკულტო შოუ. 2007 წლის ივლისში მან გამოიმუშავა დაახლოებით $2 მილიონი წინა 12 თვის განმავლობაში, Forbes-მა იგი დაასახელა მეცამეტე ადგილას მსოფლიოს 15 ყველაზე მაღალშემოსავლიან სუპერმოდელთა სიაში. ჰარლოუ 2013 წელს ბიგ სურში მდებარე სახლში ცხოვრებისას დაავადდა ლაიმის დაავადებითა და შავი ობის მოწამვლით, ავადმყოფობის შედეგად კი განიცადა C-PTSD.
დაბრუნება მოდელირებაში
რედაქტირება2018 წელს, მოდელობის ექვსწლიანი პაუზის შემდეგ, იგი დაბრუნდა მილანის მოდის კვირეულზე, ვერსაჩეს ჩვენებაზე. 2023 წლის მაისში იგი გამოჩნდა Vogue-ის გარეკანზე, რომელიც ეძღვნებოდა კარლ ლაგერფელდს, გადაღებული Grand Palais-ში ადუტ აკეჩის, ამბერ ვალეტას, ანოკ იაის, დევონ აოკის, ჯიჯი ჰადიდის, კენდალ ჯენერის, ლიუ ვენის, ნაომი კემპბელის და ნატალია ვოდიანოვას გვერდით. იგი გამოჩნდა სარეკლამო კამპანიებში Dolce & Gabbana, Max Mara, Ralph Lauren, Chloé, Giorgio Armani, Valentino, Lancôme, Saks Fifth Avenue, Gap და სხვა.[1]