შალვა შავგულიძე
შალვა შავგულიძე (დ. 28 ოქტომბერი, 1957, თბილისი) — ქართველი იურისტი და პოლიტიკოსი.
| შალვა შავგულიძე | |
|---|---|
| დაბადების თარიღი | 28 ოქტომბერი, 1957 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 საქართველო |
| განათლება |
თბილისის სახელმწიფო უნივერსიტეტი მოსკოვის სახელმწიფო უნივერსიტეტი |
| ეროვნება | ქართველი |
| რელიგია | მართლმადიდებელი |
| პარტია | თავისუფალი დემოკრატები (2009–2020) |
| მეუღლე/ები | ლუბა ელიაშვილი |
| შვილ(ებ)ი | 2 |
ბიოგრაფია რედაქტირება
დაამთავრა თბილისის სახელმწიფო უნივერსიტეტის იურიდიული ფაკულტეტი, შემდგომ კი მიხეილ ლომონოსოვის სახელობის მოსკოვის სახელმწიფო უნივერსიტეტი სამართალმცოდნეობის სპეციალობით. 1981-1983 წლებში მუშაობდა თბილისის სახელმწიფო უნივერსიტეტში, ხოლო 1988-1991 წლებში მუშაობდა საქართველოს ჯანმრთელობის დაცვის სამინისტროში. 1992 წელს გახდა პროკურორი, ხოლო 1996 წლიდან დღემდე შალვა შავგულიძე საქართველოს ადვოკატთა ასოციაციის წევრია.
2009 წელს შავგულიძე გახდა პარტია „თავისუფალი დემოკრატების“ თანადამფუძნებელი. 2012-2016 წლებში იყო საქართველოს მე-8 მოწვევის პარლამენტის წევრი (თბილისის ვაკის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“; 2014 წელს საპარლამენტო უმრავლესობა თავის პარტიასთან („თავისუფალი დემოკრატები“) ერთად დატოვა. 2017 წლის 19 თებერვალს აირჩიეს „თავისუფალი დემოკრატების“ თავმჯდომარედ (შეცვალა ირაკლი ალასანია).[1]
შალვა შავგულიძე მთაწმინდის ოლქის პარლამენტის მაჟორიტარი დეპუტატის შუალედურ არჩევნებში მეორე ტურში გადავიდა (მონაწილეობდა „ევროპული საქართველოს სახელით), სადაც მიიღო 6 630 ხმა, რითაც ამომრჩეველთა 38,17%-ის მხარდაჭერა მოიპოვა და მეორე ადგილი დაიკავა ქართული ოცნების კანდიდატის ლადო კახაძის შემდეგ.[2] 2020 წლის 20 აგვისტოს „თავისუფალი დემოკრატები“ დატოვა.[3] საპარლამენტო არჩევნებში იყო მთაწმინდის საარჩევნო ოლქის მაჟორიტარობის კანდიდატი „ევროპული საქართველოდან“ (საერთო ოპოზიციური კანდიდატიც).[4] 29,14%-ით მეორე ადგილი დაიკავა,[5] მეორე ტურში მონაწილეობაზე, როგორც მთელმა ოპოზიციამ, უარი განაცხადა.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ევროპული საქართველო — მოძრაობა თავისუფლებისთვის“.[6]
პირადი და ოჯახური ცხოვრება რედაქტირება
შავგულიძეს ჰყავს მეუღლე, ჟურნალისტი ლუბა ელიაშვილი და ორი შვილი.
რესურსები ინტერნეტში რედაქტირება
- შალვა შავგულიძე — საქართველოს ბიოგრაფიული ლექსიკონი
- შალვა შავგულიძე — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო რედაქტირება
- ↑ „შალვა შავგულიძე „თავისუფალი დემოკრატების“ თავმჯდომარე გახდა“. netgazeti.ge. 2017-02-19. ციტირების თარიღი: 5 დეკემბერი, 2020. შეამოწმეთ თარიღის პარამეტრი
|access-date=-ში (დახმარება) - ↑ თამარ ჟვანიამ 9 ივნისის არჩევნების წინასწარი შედეგები წარადგინა[მკვდარი ბმული]
- ↑ „შალვა შავგულიძემ თავისუფალი დემოკრატები დატოვა“. on.ge. 2020-08-20. ციტირების თარიღი: 5 დეკემბერი, 2020. შეამოწმეთ თარიღის პარამეტრი
|access-date=-ში (დახმარება) - ↑ „ოპოზიციამ თბილისში მაჟორიტარულ ოლქში კანდიდატები შეათანხმა — უცნობია შეთანხმდება თუ არა ოპოზიცია საერთო კანდიდატებზე რეგიონებში“. formulanews.ge. 2020-06-29. ციტირების თარიღი: 5 დეკემბერი, 2020. შეამოწმეთ თარიღის პარამეტრი
|access-date=-ში (დახმარება) - ↑ 2020 წლის 31 ოქტომბრის საქართველოს პარლამენტის არჩევნები. ცესკო. დაარქივებულია ორიგინალიდან — 2021-01-04. ციტირების თარიღი: 5 დეკემბერი, 2020.
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 5 დეკემბერი, 2020.