ყუროს ქედი

ყუროს ქედი — ქედი საქართველოში, ყაზბეგის მუნიციპალიტეტში. წარმოადგენს კავკასიონის ჩრდილოეთ გამყოლი ქედის ერთ-ერთ შემადგენელ სუბმერიდიანულ განშტოებას. ყუროს ქედი მდინარეების თერგისა და ხდის წყალგამყოფია. ქედის უმაღლესი მწვერვალია ყურო (4071 მ). მნიშვნელოვანია ასევე მწვერვალი შინო (3948 მ). აგებულია ქვედაიურული თიხაფიქლებით. დამახასიათებელია სუბალპური, ალპური და გლაციალურ-ნივალური ლანდშაფტები. ყუროს ქედის პირველი ტრავერსის მონაწილენი იყვნენ ლევან მარუაშვილი, შალვა მაყაშვილი და ივანე იუხინი (1931).

ყუროს ქედი
ყურო და დაბა სტეფანწმინდა
კოორდინატები: 42°40′30″ ჩ. გ. 44°41′32″ ა. გ.
ქვეყანა	საქართველო
ტერიტორიული ერთეული	ყაზბეგის მუნიციპალიტეტი
უმაღლესი წერტილი	ყურო
სიმაღლე	4071 მ
ამგებელი ქანები	თიხაფიქალი
სურათები ვიკისაწყობში

იხილეთ აგრეთვე

• საქართველოს ქედების სია

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 664.