ქაფურა

ქაფურა (ლათ. Filipendula) — მცენარეთა გვარი ვარდისებრთა ოჯახისა. მრავალწლოვანი, მეტწილად მაღალი ბალახებია. ფრთისებრი ან ფრთისებრ განკვეთილი ფოთლები და საგველასნაირ ყვავილედში შეკრებილი მოყვითალო-მოთეთრო, ვარდისფერი ან წითელი ყვავილები აქვთ.

ქაფურა
მეცნიერული კლასიფიკაცია
სამეფო:  მცენარეები ოჯახი:  ვარდისებრნი გვარი:  ქაფურა
ლათინური სახელი
Filipendula
სისტემატიკა ვიკისახეობებში სურათები ვიკისაწყობში ITIS   25168 NCBI   23170 EOL   29967 IPNI   33801-1

20-მდე სახეობა გავრცელებულია ჩრდილოეთ ნახევარსფეროს ზომიერ და სუბტროპიკულ სარტყლებში. საქართველოში გვხვდება ქაფურის 2 სახეობა ( ლათ. Filipendula hexapetala, Filipendula ulmaria) პირველი იზრდება მშრალ მდელოებზე, ტყის პირებსა და ველებზე, მეორე — ჭაობებსა და დაჭაობებულ მდელოებზე, მდინარეებისა და ტბების ნაპირებზე. ქაფურის ყველა სახეობა თაფლოვანია.

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 493.