ფუზულის საერთაშორისო აეროპორტი

ფუზულის საერთაშორისო აეროპორტი
ფუზულის საერთაშორისო აეროპორტი Füzuli Beynəlxalq Hava Limanı
IATA-ს კოდი: FZL – ICAO-ს კოდი: UBBF FZLაეროპორტის მდებარეობა აზერბაიჯანში
ინფორმაცია
ტიპი	სამოქალაქო
მფლობელი	აზერბაიჯანი
ოპერატორი	აზერბაიჯანის მთავრობა
ემსახურება	ფუზული
ადგილმდებარეობა	ფუზული, აზერბაიჯანი
კოორდინატები	39°35′39″ ჩ. გ. 047°11′47″ ა. გ. / 39.59417° ჩ. გ. 47.19639° ა. გ.

ფუზულის საერთაშორისო აეროპორტი (აზერ. Füzuli Beynəlxalq Hava Limanı) — საერთაშორისო აეროპორტი აზერბაიჯანში. მდებარეობს ქალაქ ფუზულის სიახლოვეს. მშენებლობის დასრულების შემდეგ ის ქვეყნის რიგით მეშვიდე საერთაშორისო აეროპორტი გახდა.

ისტორია

ფუზულის 28 წლიანი ოკუპაციის შემდეგ, 2020 წლის 17 ოქტომბერს აზერბაიჯანმა ქალაქი ე.წ. არცახის რესპუბლიკის შეიარაღებული ძალებისგან გაათავისუფლა.

2020 წლის 26 ნოემბერს აზერბაიჯანის ტრანსპორტის, კავშირგაბმულობისა და საინფორმაციო ტექნოლოგიების სამინისტრომ გაავრცელა ინფორმაცია, რომ სამოქალაქო ავიაციის საერთაშორისო ორგანიზაციამ (ICAO) დააკმაყოფილა აზერბაიჯანის სამოქალაქო ავიაციის სახელმწიფო სააგენტოს მოთხოვნა, საერთაშორისო აეროპორტების კოდების კატალოგში 6 აეროპორტის, მათ შორის, ფუზულის აეროდრომის შეტანის შესახებ^[1].

2021 წლის იანვარში პრეზიდენტმა ილჰამ ალიევმა ფუზულის საერთაშორისო აეროპორტის მშენებლობის განკარგულება გამოსცა. 14 იანვარს მომავალი აერპორტის საძირკვლის ჩაყრის ცერემონია გაიმართა^[2] . ასაფრენი ბილიკის მშენებლობა ივლისის ბოლოს დასრულდა და 2021 წლის 5 სექტემბერს უკვე პირველი თვითმფრინავის მიღება შეძლო^[3], აეროპორტში სატესტო რეჟიმში Azerbaijan Airlines-ის კუთვნილი სამგზავრო Airbus A340-500 და Silk Way Airlines-ის სატვირთო Boeing 747-400 დაჯდა^[4].