ფრონე

ფრონე — მდინარეები აღმოსავლეთ საქართველოში. სათავეები აქვთ ლიხის ქედის აღმოსავლეთ კალთაზე:

• აღმოსავლეთის ფრონე
• დასავლეთის ფრონე
• შუა ფრონე

ფრონეებად მოიხსენიებიან ასევე მდინარეები ჭერათხევი (იგივე ალის წყალი) და სურამულა (იგივე სურამის წყალი). მდინარე ფცას კი ფცის ფრონეს უწოდებენ (იგივე ფცის წყალი). უმეტესად „ფრონე“ ამ მდინარეების ზემო წელებს ეწოდება. ვახუშტი ბატონიშვილი ამ მდინარეების აღწერისას აღნიშნავს:

„და ლიახვის მდინარეს აქეთ ტაშის-კარამდე, რომელნიცა მდინარე ჴევნი აღვსწერეთ, უწოდებენ თჳინიერ შოლისა, ფრონეთა.“

დასავლეთ საქართველოშიც (ზემო იმერეთში) არსებობს ამ სახელის ორი მდინარე:

• ზედა ფრონე — დუმალის შენაკადი;
• ქვედა ფრონე — ყვირილის შენაკადი.

ახალციხის მუნიციპალიტეტის სოფელ აგარასთან მტკვარს ერთვის მდინარე აბანოს ხევი, რომელსაც ასევე ფრონესაც უწოდებენ.

ლიტერატურა

• გვასალია ჯ., ფრონის ხეობათა ისტორიული გეოგრაფიის საკითხები // საქართველოს ისტორიული გეოგრაფიის კრებული, ტ. VII, თბ.: „მეცნიერება“, 1989. — გვ. 3, ISBN 5-520-00154-5.