ფრანჩესკო გრაციანი
ფრანჩესკო გრაციანი (იტალ. Francesco Graziani; დ. 16 დეკემბერი, 1952, სუბიაკო, იტალია) — იტალიელი ფეხბურთელი და მწვრთნელი. თამაშობდა თავდამსხმელის პოზიციაზე. იცავდა „არეცოს“, „ტორინოს“, „ფიორენტინას“, „რომას“, „უდინეზეს“ და იტალიის ეროვნული ნაკრების ღირსებას. იტალიის ჩემპიონი „ტორინოს“ შემადგენლობაში. იტალიის თასის ორგზის მფლობელი „რომას“ შემადგენლობაში. 1982 წლის მსოფლიო ჩემპიონი იტალიის ეროვნული ნაკრების შემადგენლობაში. 1978 წლის არგენტინის მსოფლიო ჩემპიონატისა და 1980 წლის ევროპის ჩემპიონატის მონაწილე.[1]
 | |||
| პირადი მონაცემები | |||
|---|---|---|---|
| სრული სახელი | ფრანჩესკო გრაციანი | ||
| დაბადების თარიღი | 16 დეკემბერი, 1952 | ||
| დაბადების ადგილი | სუბიაკო, იტალია | ||
| სიმაღლე | 180 სმ | ||
| სათამაშო პოზიცია | თავდამსხმელი | ||
| ახალგაზრდული კარიერა | |||
| 1967–1970 | ბეტინი კუადრარო | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1970–1973 | არეცო | 48 | (11) |
| 1973–1981 | ტორინო | 221 | (97) |
| 1981–1983 | ფიორენტინა | 52 | (14) |
| 1983–1986 | რომა | 57 | (12) |
| 1986–1988 | უდინეზე | 33 | (8) |
| სულ | 411 | (142) | |
| ეროვნული ნაკრები | |||
| 1975–1983 | იტალია | 64 | (23) |
| სამწვრთნელო კარიერა | |||
| 1989–1990 | ფიორენტინა | ||
| 1990–1991 | რეჯინა | ||
| 1991–1992 | აველინო | ||
| 2001–2002 | კატანია | ||
| 2003–2004 | მონტევარკი | ||
| 2004–2006 | ჩერვია | ||
| 2013 | ვიჯევანო | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
ბიოგრაფია
რედაქტირება
ადრეული წლები
რედაქტირებაფრანჩესკო გრაციანი რომის პროვინციის პატარა ქალაქ სუბიაკოში (იტალ. Subiaco), 1952 წლის 16 დეკემბერს, ანტონიო და ანუნციატა გრაციანების ოჯახში დაიბადა. ომისშემდგომი გლობალური ეკონომიკური კრიზისით გამოწვეული უკიდურესი სიღარიბისა და გაჭირვების პირობებში, ფრანჩესკოს მშობლებს (რომელთაც მის გარდა კიდევ სამი ბავშვი — პასკუალე, ლუჩანა და მარია უნდა აღეზარდათ) სულ უფრო მეტად უჭირდათ ოჯახის ელემენტარული საარსებო სახსრებით უზრუნველყოფა. კალატოზისა და მუშის ჯამაგირი (რაც მამამისის ერთადერთ შემოსავალს წარმოადგენდა) იმდენად მცირე იყო, რომ თვიდან თვემდე თავის გასატანად, დედამისი შეძლებულ ოჯახებში დამლაგებლად მუშაობაზეც არ ამბობდა უარს. ამდენად, ფრანჩესკოსა და მის და-ძმებს, როგორც მათი თაობის უმრავლესობას, არ მოკლებიათ არც გაჭირვება და არც ყოველდღიური საზრუნავი. წლების შემდეგ მიცემულ ინტერვიუებში, თავისი ბავშვობის შესახებ საუბრისას ფრანჩესკოს არაერთხელ აღუნიშნავს, რომ „გაჭირვებულ ოჯახში დაბადება არც განაჩენია და არც ბედისწერა, რადგან ცხოვრებისეული სირთულეების ბავშვობიდანვე დაძლევის აუცილებლობა დიდ ძალასთან ერთად, პიროვნული ზრდისა და განვითარების ძლიერ მოტივაციას გაძლევს, რადგან თავიდანვე გიწევს იმის გაცნობიერება, რომ კეთილდღეობისა და ღირსეული ცხოვრების მისაღწევად, უკლებლივ ყველაფრის მოპოვება სხვათა დაუხმარებლად, მხოლოდ საკუთარი ძალისხმევის ხარჯზე მოგიწევს.“[2][3][4]
ბუნებრივია, რომ იმ პერიოდის იტალიისთვის დამახასიათებელი ეკონომიკური არასტაბილურობის პირობებში, ყოველდღიური სოციალური და საყოფაცხოვრებო პრობლემებით დატვირთული ფრანჩესკოსთვის და მისი თანატოლების უმრავლესობისთვის, ფეხბურთის თამაში, ერთფეროვანი და უსიხარულო ცხოვრებიდან გაქცევისა და ერთგვარი სულის მოთქმის ერთადერთ საშუალებას წარმოადგენს. მისი თაობის მრავალი აღიარებული ფეხბურთელის მსგავსად, ფრანჩესკოს სპორტული ბიოგრაფიაც ქუჩის ფეხბურთიდან იღებს სათავეს. სკოლიდან მოსვლისთანავე, მას და მის უბნელ მეგობრებს ფეხბურთის გარდა არაფერი აინტერესებთ. მოზარდი გრაციანის საფეხბურთო მონაცემები შეუმჩნეველი არ რჩებათ ფეხბურთის ადგილობრივ მესვეურებს და 1966 წლიდან მომავალი მსოფლიო ჩემპიონი „ვის სუბიაკოს“ (იტალ. Vis Subiaco) გუნდში იწყებს თამაშს.[5][6][7][8][9]
კარიერა
რედაქტირებასაკლუბო კარიერა
რედაქტირებაგრაციანის ახალგაზრდული კარიერის წლები (1967–1970) საფეხბურთო კლუბ „ბეტინი კუადრაროს“ (იტალ. Bettini Quadraro) უკავშირდება.[10] ამ, ნახევრადსამოყვარულო საფეხბურთო კლუბში იგი სამი წლის განმავლობაში ხვეწს თავის ოსტატობას, რის შემდეგაც არეცოს, ამავე სახელწოდების მქონე (იტალ. Società Sportiva Arezzo),[11] იტალიის სერია B-ს გათამაშების მონაწილე საფეხბურთო კლუბში გადადის. გრაციანი ახალ გუნდში სამი სეზონის განმავლობაში ასპარეზობს, რა დროსაც სერია B-ს 48 შეხედრას ატარებს და 11 ბურთი გააქვს. 1970–1971 წლების სეზონს „არეცო“ სატურნირო ცხრილის მე-7 ადგილზე ამთავრებს.[12]
მომდევნო ორი სეზონის განმავლობაში გრაციანის გუნდი კიდევ უფრო მოკრძალებულ შედეგებს აჩვენებს, კერძოდ, 1971–1972 წლების სეზონზე მე-15 ადგილს,[13] ხოლო 1972–1973 წლების სეზონზე მე-13 ადგილს იკავებს.[14] კანონზომიერია, რომ პროფესიონალური ზრდისა და განვითარების თვალსაზრისით, ასევე, სპორტული თუ ფინანსური ინტერესებიდან გამომდინარე, კლუბში დარჩენის პერსპექტივა, გრაციანის მონაცემებისა და ამბიციების მქონე თავდამსხმელისთვის თითქმის ყოველგვარ ინტერესსა და მიმზიდველობას კარგავს.
1973 წლიდან იგი იტალიის სერია A-ს საფეხბურთო კლუბ „ტორინოს“ შემადგენლობაში აგრძელებს საკლუბო კარიერას. გრაციანი ტურინულ კლუბში 8 სეზონის განმავლობაში თამაშობს. გუნდის ძირითად შემადგენლობაში, პირველად, სერია A-ს კალენდარულ მატჩში, 1973 წლის 18 ნოემბერს, „სამპდორიას“ წინააღმდეგ გამოდის. „ბორდოსფერთა“ მაისურით თავისი პირველი გოლი იმავე წლის 16 დეკემბერს „ბოლონიასთან“ შეხვედრაში გააქვს. ტურინელთა ღირსებას გრაციანი სულ 289 შეხვედრაში იცავს და 122-ჯერ ახერხებს მეტოქეთა კარის აღებას; აქედან 221 მატჩი და 97 გოლი — „სკუდეტოს“ გათამაშების, 45 მატჩი და 17 გოლი — იტალიის თასის, ხოლო 23 მატჩი და 8 გოლი — ევროპული საფეხბურთო ტურნირების ფარგლებში.
ფრანჩესკო გრაციანი „ხარების“ შემადგენლობაში 1975–76 წლების სეზონზე მთელი თავისი საკლუბო კარიერის მანძილზე პირველად და ერთადერთხელ იტალიის ჩემპიონის ტიტულს ეუფლება.[15][16]
სანაკრებო კარიერა
რედაქტირება1975–1983 წლებში იტალიის ეროვნული ნაკრების ღირსებას იცავს, რომლის შემადგენლობაში 64 შეხვედრას ატარებს და 23 ბურთი გააქვს.
სტატისტიკა
რედაქტირება| იტალია | ||
|---|---|---|
| წელი | მატჩი | გოლი |
| 1975 | 4 | 0 |
| 1976 | 10 | 7 |
| 1977 | 6 | 3 |
| 1978 | 9 | 3 |
| 1979 | 3 | 1 |
| 1980 | 10 | 5 |
| 1981 | 8 | 3 |
| 1982 | 12 | 1 |
| 1983 | 2 | 0 |
| ჯამში | 64 | 23 |
მსოფლიო ჩემპიონატებზე
რედაქტირებაგრაციანიმ მსოფლიო ჩემპიონატების 10 შეხვედრაში მიიღო მონაწილეობა და ერთი გოლი გაიტანა.
| ჩემპ. | მასპინძელი | № | პოზიცია | შ | ბ | მ | ფ | წ | შედეგი |
|---|---|---|---|---|---|---|---|---|---|
| 1978 |  არგენტინა |
 19 |
თავდამსხმელი | 3 | 0 | 2 | 0 | 1 | |
| 1982 |  ესპანეთი |
19 |
თავდამსხმელი | 7 | 1 | 4 | 3 | 0 |
მიღწევები
რედაქტირებასაკლუბო
რედაქტირება- სერია A: 1975–76
- იტალიის თასი: 1980 (ფინალისტი)
- სერია A: 1981–82 (ვიცე-ჩემპიონი)
- იტალიის თასი: 1983–84, 1985–86
- ევროპის ჩემპიონთა თასი: 1983–84 (ფინალისტი)
სანაკრებო
რედაქტირებაინდივიდუალური
რედაქტირება- სერია A-ს საუკეთესო ბომბარდირი: 1976–77 (21 გოლი) [18]
- იტალიის თასის გათამაშების საუკეთესო ბომბარდირი: 1980–81 (5 გოლი) [19]
ლიტერატურა
რედაქტირება- გოდუაძე, ლაშა (2010). მსოფლიო თასის ისტორია (1930–2010). თბ.: „მსოფლიო სპორტი“.
- კაკაბაძე, მიხეილ (1979). არგენტინის ცის ქვეშ. თბილისი: საქ. კპ ცკ-ის გამ-ბა.
- ფანჯიკიძე, გურამ (1979). არგენტინა, არგენტინა!. თბილისი: გამ-ბა საბჭ. საქართველო.
- ფანჯიკიძე, გურამ (1982). ფორცა, იტალია!. თბილისი: გამ-ბა საბჭ. საქართველო.
- Glanville, Brian (2018). The Story of the World Cup. London: Faber.
რესურსები ინტერნეტში
რედაქტირება
|
Alamy · AFS · Biografie · Calcio.com · Famiglia Cristiana · Gazzetta Regionale · IMDb · National Football Teams · RSSSF 1 · RSSSF 2 · RSSSF 3 · RSSSF 4 · RSSSF 5 · Soccer World Cups · Transfermarkt (M) · Transfermarkt (P) |
სქოლიო
რედაქტირება- ↑ Francesco Graziani – Agosto 1978. წაკითხვის თარიღი: 3 დეკემბერი 2021.
- ↑ Famiglia Cristiana (23 დეკემბერი, 2012). Graziani, 60 anni sotto rete. წაკითხვის თარიღი: 3 დეკემბერი 2021.
- ↑ Francesco Graziani : le avventure di Ciccio Cuor di Leone. წაკითხვის თარიღი: 3 დეკემბერი 2021.
- ↑ Torino, i 100 più grandi di sempre. წაკითხვის თარიღი: 3 დეკემბერი 2021.
- ↑ Alessandro Bianchi (13 ნოემბერი, 2017). Lo sai che: un campione del mondo di calcio è nato a Subiaco. წაკითხვის თარიღი: 3 დეკემბერი 2021.
- ↑ Francesco Graziani : le avventure di Ciccio Cuor di Leone. წაკითხვის თარიღი: 3 დეკემბერი 2021.
- ↑ Tommaso Rossini (20 აპრილი, 2017). Vis Subiaco e AS Roma celebrano la carriera di Ciccio Graziani დაარქივებული 2019-05-18 საიტზე Wayback Machine. . წაკითხვის თარიღი: 3 დეკემბერი 2021.
- ↑ Vis Subiaco. Polisportiva Vis Subiaco. წაკითხვის თარიღი: 3 დეკემბერი 2021.
- ↑ Marco Vigarani (10 დეკემბერი, 2015). I miti del calcio: Francesco Graziani. წაკითხვის თარიღი: 3 დეკემბერი 2021.
- ↑ La Storia del Bettini Quadraro (fonte Claudio D'Aguanno) დაარქივებული 2019-09-08 საიტზე Wayback Machine. . წაკითხვის თარიღი: 3 დეკემბერი 2021.
- ↑ SS Arezzo. წაკითხვის თარიღი: 3 დეკემბერი 2021.
- ↑ Almanacco illustrato del Calcio, Edizioni Panini, 1972, გვ. 221.
- ↑ Almanacco illustrato del Calcio, Modena, Panini, 1973, გვ. 220.
- ↑ Almanacco Illustrato del Calcio, Modena, Panini, 1974, გვ. 225.
- ↑ Bruno Colombero e Nello Pacifico, Agenda Granata 2, Torino, Fondazione Campo Filadelfia, 1999, გვ. 118.
- ↑ La storia del Torino Calcio ha inizio il 3 dicembre 1906, data di fondazione del Football Club Torino. Agenda granata 2 / a cura di Bruno Colombero e Nello Pacifico. – [S.l. : s.n.], c1999 (Cascine Vica, Rivoli : Tipolito Subalpina). – 287 p. : ill. ; 21 cm. – Suppl. a «Tuttosport» del 4 maggio 1999. Biblioteche Civiche Torinesi: sito internet del Settore Sistema bibliotecario urbano della Città di Torino.
- ↑ Italia 1982 // იტალიის ეროვნული ნაკრების შემადგენლობა 1982 წლის ესპანეთის მსოფლიო ჩემპიონატზე. წაკითხვის თარიღი: 3 დეკემბერი 2021.
- ↑ Roberto Di Maggio (9 იანვარი, 2005). Francesco Graziani - Goals in Serie A. Francesco Graziani - Born in Subiaco-ROMA (Italy), 16-12-1952, Height: 1,80 m., Weight: 76 kg.; Season: 1976-77; Team: Torino; Serie A; App.: 30; Goals: 21. წაკითხვის თარიღი: 3 დეკემბერი 2021.
- ↑ Roberto Di Maggio (17 მაისი, 2018). Italy - Coppa Italia Top Scorers. Coppa Italia; Season: 1980-81; Top Scorer - Francesco Graziani (Torino); Goals: 5. წაკითხვის თარიღი: 3 დეკემბერი 2021.