მთავარი მენიუს გახსნა

ფრანსუა ალფონს ფორელი

შვეიცარიელი ბუნებისმეტყველი და ექიმი

ფრანსუა ალფონს ფორელი (ფრანგ. François-Alphonse Forel; დ. 2 თებერვალი 1841, მორჟი, შვეიცარია — გ. 7 აგვისტო 1912, მორჟი, შვეიცარია) — შვეიცარიელი ბუნებისმეტყველი და ექიმი. ლოზანის უნივერსიტეტის ანატომიისა და ფიზიოლოგიის პროფესორი (1869-1895). დიდი როლი ითამაშა გლაციოლოგიის ჩამოყალიბებაში. შეისწავლა ალპების მყინვარები და სეისმური მოვლენები. მრავალწლიანი კვლევა ჩაატარა ჟენევის ტბაზე. ფორელის შრომებმა საფუძველი ჩაუყარა ტბათმცოდნეობას. შემოიღო ტერმინი „ლიმნოლოგია“, შექმნა ტბათმცოდნეობის პირველი სახელმძღვანელო (1901).

ფრანსუა ალფონს ფორელი
ETH-BIB-F.-A. Forel, gestorben 1912-Dia 247-08554.tif
დაბ. თარიღი 2 თებერვალი 1841(1841-02-02)[1] [2] [3]
დაბ. ადგილი მორჟი[4]
გარდ. თარიღი 7 აგვისტო 1912(1912-08-07)[4] [1] [3] (71 წლის)
გარდ. ადგილი მორჟი[4]
მოქალაქეობა Flag of Switzerland.svg შვეიცარია
მუშაობის ადგილი ლოზანის უნივერსიტეტი

იკვლევდა წყლის ბიოლოგიას, ქიმიას, ცირკულაციასა და სედიმენტაციას. შეისწავლა სეიშები, ტალღები. მისი მთავარი შრომა „Le Léman“, გამოქვეყნდა 1892-1904 წწ. შორის. ვილჰელმ ულესთან თანამშრომლობით შექმნა ფორელ-ულეს სკალა, რომელიც წარმოადგენს მეთოდს, რომლის დახმარებით შესაძლებელია წყალსატევების ფერის დადგენა. მიკელე სტეფანო დე როსისთან ერთად შემქმნელია როსი-ფორელის სკალისა, რომელიც აღწერს ინტენსიურ მიწისძვრას.

ფრანსუა ალფონს ფორელის სახელობისაა მთა გრენლანდიაში.

რესურსები ინტერნეტშირედაქტირება

ლიტერატურარედაქტირება

სქოლიორედაქტირება