უბისთავის ქედი

უბისთავის ქედი — ქედი საქართველოში, მცხეთა-მთიანეთის მხარის დუშეთის მუნიციპალიტეტში. წარმოადგენს ქართლის ქედის ჩრდილოეთ-დასავლეთის განშტოებას. იწყება მთა მისელურიდან (2937 მ) და გადაჭიმულია ფშავის არაგვისა და ხევსურეთის არაგვის შესართავამდე. შუა ნაწილში აღმართულია მთა უბისთავი (2329 მ). სიგრძე 9 კმ. აგებულია ზედაიურული და ქვედაცარცული მერგელებით, კირქვებით და ქვიშაქვებით. ჩრდილოეთ-აღმოსავლეთი კალთა დანაწევრებულია ფშავის არაგვის შენაკადებით. კალთების ქვედა ნაწილი შემოსილია ფოთლოვანი ტყით, ზედა — სუბალპური ბალახეულით.

უბისთავის ქედი
კოორდინატები: 42°23′26″ ჩ. გ. 44°59′02″ ა. გ.
ქვეყანა	საქართველო
ტერიტორიული ერთეული	მცხეთა-მთიანეთის მხარე
სიგრძე	9 კმ
ამგებელი ქანები	მერგელი, კირქვა და ქვიშაქვა

ლიტერატურა

• ჩანგაშვილი გ., ქართული საბჭოთა ენციკლოპედია, ტ. 10, თბ., 1986. — გვ. 97.