ტრაპიზონის პროვინცია

ტრაპიზონის პროვინცია (თურქ. Trabzon ili) – პროვინცია (ილი) ჩრდილო-აღმოსავლეთ თურქეთში, შავი ზღვის რეგიონში. ადმინისტრაციული ცენტრი – ქალაქი ტრაბზონი. მოიცავს 18 რაიონს.

ადმინისტრაციული ერთეული
ტრაპიზონის პროვინცია თურქ. Trabzon ili
ქვეყანა	თურქეთი
რეგიონი	შავი ზღვის რეგიონიშავი ზღვის რეგიონი
ადმ. ცენტრი	ტრაპიზონი
შიდა დაყოფა	Akçaabat, Araklı, Arsin, Beşikdüzü, Çarşıbaşı, Çaykara, Dernekpazarı, Düzköy, Hayrat, Köprübaşı, Maçka, Of, Ortahisar, Şalpazarı, Sürmene, Tonya, Vakfıkebir და Yomra
კოორდინატები	41°00′00″ ჩ. გ. 40°00′00″ ა. გ.
ფართობი	6685 კმ²
მოსახლეობა	757 629 (2021)
სატელეფონო კოდი	462
საფოსტო ინდექსი	61000–61999
საავტომობილო კოდი	61
ოფიციალური საიტი	http://www.trabzon.gov.tr
ტრაპიზონის პროვინცია ვიკისაწყობში

გეოგრაფია

ტრაპიზონის პროვინცია მოქცეულია ჩრდილოეთით შავ ზღვასა (114 კილომეტრიანი სანაპირო) და სამხრეთით ჭანეთის ქედს შორის. პროვინციას აღმოსავლეთით ესაზღვრება რიზე, სამხრეთით – გუმუშჰანესა და ბაიბურთის პროვინციები, ხოლო დასავლეთით გირესუნის პროვინცია. პროვინციის ფართობია 4685 კმ² მისი 22.4 % დაბლობია, ხოლო 77.6 % გორაკ-ბორცვიანი. პროვინციაში მიედინება მდინარეები დერიმენდერე, იანბოლუ, შურმენე, ფოლი, იიდერე, კოჰა, ბალთაჯი, სოლაკლი, კარადერე. პროვინციაში არის ტბები: უზუნგოლი, ჩაკირგოლი, სერა გოლუ.

მოსახლეობა

მოსახლეობა 763 714 ადამიანი (2010): ცხოვრობენ თურქები, ლაზები, პონტოელი ბერძნები. უდიდესი ქალაქებია: ტრაბზონი (215 ათ. ადამიანი, 2000), ქემალიე.

მოსახლეობა	2007	2008	2009	2010
სულ	740 569	748 982	765 127	763 714
ურბანული	396 646	390 797	408 103	415 652

პროვინციის მოსახლეობა, გარდა ურბანულისა, ძლიერ ტრადიციულია, რაც გულისხმობს გენდერული როლების ტრადიციულ განაწილებას, სოციალურ კონსერვატიზმს, სტუმარმასპინძლობის ძლიერ ტრადიციას, შრომისმოყვარეობას, ძლიერ ოჯახურ და ნათესაურ კავშირებს. შავი ზღვის რეგიონის მოსახლეობა ასევე ცნობილია მახვილგონიერებითა და იუმორის გრძნობით.

ღირსშესანიშნაობები

ტრაპიზონის პროვინციის მთავარი ღირსშესანიშნაობები არის სუმელას მონასტერი და უზუნგელის ტბა. სუმელას მონასტერი მდებარეობს ქალაქ ტრაპიზონიდან სამხრეთით, 50 კილომეტრზე. ის აგებულია სალ კლდეზე ხედით მწვანე ტყისკენ.

იხილეთ აგრეთვე

• თურქეთის რეგიონები
• თურქეთის პროვინციები
• თურქეთის რაიონები

რესურსები ინტერნეტში

• Province of TRABZON