სკოპოლია

სკოპოლია (ლათ. Scopolia) — მცენარეთა გვარი ძაღლყურძენასებრთა ოჯახისა. მრავალწლოვანი მაღალი ბალახებია.

სკოპოლია
მეცნიერული კლასიფიკაცია
სამეფო:  მცენარეები
ლათინური სახელი
Scopolia
სისტემატიკა ვიკისახეობებში სურათები ვიკისაწყობში ITIS   500549 NCBI   221161 EOL   61438 IPNI   38540-1

გვარში 4—6 სახეობაა. გავრცელებულია ევრაზიის ზომიერ სარტყელში. საქართველოში მხოლოდ 1 სახეობა გვხვდება, კარნიოლიის ანუ კავკასიური სკოპოლია (Scopolia caucasica). იგი საქართველოში (აჭარა, აფხაზეთი) იზრდება მთის შუა სარტყლამდე, ტენიან და დაჩრდილულ ტყეებში.

მისი ყველა ნაწილი, განსაკუთრებით ფესვი და ფესურა შეიცავს ალკალოიდებს ჰიოსციამინს და სკოპოლამინს; სკოპოლიის 2 სხვა სახეობა შეიცავს ატროპინს. სამივე მცენარე სამკურნალოა.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 428.