სევასტი კირიაზი
სევასტი კირიაზი (ალბ. Sevasti Qiriazi ან Sevasti Qiriazi-Dako; სევასტი ქირიაზი-დაკო ; 1871 — 1949 ) — ალბანელი პატრიოტი და განმანათლებელი.[1]
| სევასტი კირიაზი | |
|---|---|
_portrait.jpg) | |
| დაბადების თარიღი |
1871 ბიტოლა, ოსმალეთის იმპერია (ამჟამად მაკედონიის რესპუბლიკა) |
| გარდაცვალების თარიღი |
30 აგვისტო, 1949 ტირანა, ალბანეთი |
| მოქალაქეობა |
 ალბანეთი |
| საქმიანობა | ჟურნალისტი |
| მეუღლე(ები) | კრისტო დაკო |
| ხელმოწერა |
.svg){kind=small} |
.svg){kind=small}
ბიოგრაფია რედაქტირება
დაიბადა 1871 წელს ოსმალეთის იმპერიის ქალაქ მანასტირში, ამჟამად მაკედონიის რესპუბლიკის ქალაქ ბიტოლაში, კირიაზების ოჯახში, მას ჰყავდა ორი ძმა და ერთი და.[2] შემდგომში სევასტის ოჯახის წევრები ლბანეთის ეროვნული მოძრაობის პერიოდის პედაგოგები, გამომცემლები და საზოგადო მოღვაწეები გახდნენ.
ალბანელმა მწერალმა და პუბლიცისტმა ნაიმ ფრაშერიმ სევასტის შესთავაზა სწავლა კონსტანტინოპოლის რობერტის სახელობის კოლეჯში, რათა შემდგომში მონაწილეობა მიეღო ალბანელი ქალების განათლებასა და აღზრდაში. იგი გახდა პირველი ალბანელი ქალი, რომელიც სწავლობდა ამერიკულ პროტესტანტულ კოლეჯში. სწავლა დაამთავრა 1891 წლის ივნისში. შემდეგ გაემგზავრა ქალაქ კორჩაში, სადაც 1891 წლის 15 ოქტომბერს გახსნა პირველი ალბანური სკოლა, მას ეხმარებოდნენ ძმა გერასიმე და და პარასკევი. სევასტი კირიაზი მონაწილეობდა მანასტირის კონგრესში (ალბ. Kongresi i Manastirit ), სადაც განიხილებოდა ალბანური ანბანის სტანდარტიზაციის საკითხები. არსებობს მოსაზრება, რომ სევასტი მონაწილეობას ღებულობდა დაწყებითი სკოლის გრამატიკის სახელმძღვანელოების მომზადებასა და გამოცემაში, გამოაქვეყნა გრამატიკა დაწყებითი სკოლებისთვის (მონასტირი, 1912 წ.) რედაქტირებას უკეთებდა იტორიის სახელმძღვანელოს. ეს სკოლა პირველი მსოფლიო ომის შემდეგ დიდი ხნის შემდეგ იყო ცნობილი კირიაზების ოჯახის სახელით.[3][4]
პირველი მსოფლიო ომის დაწყებისთანავე კირიაზი მეუღლესთან, ჟურნალისტთან, მწერალთან და პოლიტიკოსთან, კრისტო დაკოსთან და დასთან ერთად გადავიდა რუმინეთში და იქიდან ემიგრაციაში წავიდა შეერთებულ შტატებში . აქ პარასკევი მუშაობდა გაზეთში, კრისტო დაკომ კი პირველი ალბანური სკოლები გახსნა ამერიკის შეერთებულ შტატებში. სევასტიმ შეერთებულ შტატებში თანამშრომლობა დაიწყო ჟურნალ Morning Star-თან.
1920-იანი წლების დასაწყისში, მთელი ოჯახი დაბრუნდა ალბანეთში, სადაც სევასტი გახდა ტირანაში, ქალთა ინსტიტუტის «Kyrias»-ის ერთ-ერთი დამფუძნებელი და დირექტორი. ასევე ქალაქ კამეზში სკოლა Kamëz-ის დამაარსებელი და ხელმძღვანელი (მეუღლესთან და დასთან ერთად. ). მეორე მსოფლიო ომის დროს, მათი ანტიფაშისტური შეხედულებების გამო, სევასტი და პარასკევი დაატყვევეს და მოათავსეს ბანიცას საკონცენტრაციო ბანაკში ბელგრადის მახლობლად, ომის დასრულების შემდეგ ისინი გაათავისუფლეს. დები დაბრუნდნენ ტირანაში. კრისტო დაკოს ალბანეთის მეფე ზოგუსთან კავშირების გამო, ის და მისი ოჯახი, ვაჟების და რძლის ჩათვლით, რეპრესიებს დაექვემდებარა და დააპატიმრეს. მისი შვილის გარდაცვალების შემდეგ გადატანილი განცდების და ინსულტის შემდეგ, სევასტი კირიაზი გარდაიცვალა 1949 წლის 30 აგვისტოს ტირანაში.[5][6]
ხსოვნა რედაქტირება
- დები კირიაზები ითვლებიან "ალბანური საგანმანათლებლო სისტემის დედებად". [7] არაერთი საგანმანათლებლო დაწესებულება ალბანურ რაიონებში ატარებს მათ სახელებს, კერძოდ, სკოლა ქალაქ კორჩაში . [8]
- ალბანელ ამერიკელ ქალთა ორგანიზაცია ნიუ-იორკში დები კირიაზების სახელს ატარებს.
იხილეთ აგრეთვე რედაქტირება
სქოლიო რედაქტირება
- ↑ Woman’s Board of Missions Annual Report 1895, 7
- ↑ "Përmbledhje Historike 1891-1931". Foleja Kombëtare: Broshurë komemorative botuar me rastin e dyzetvjetorit të Institutit Kyrias 1891–1931. Tirana: Gutenberg: 83–85. 1931.
- ↑ Sevasti D. Kyrias to Mrs. H. D. Hume, 29 August 1896, ABCFM 9.5.1, Woman’s Board of Missions 1873–1947, Supplementary Papers and Correspondence
- ↑ Kyrias, Paraskevi D. (1913). The School for Girls, Kortcha Albania. Chicago: Woman's Board of Missions of the Interior.
- ↑ Twenty-Third Annual Report of the New Haven Branch of the Woman’s Board of Missions (1894), 64–65
- ↑ Kyrias, Sevasti (October 1896). "Albanian Girls' School Report". The Star in the East. Bible Lands or Turkish Missions' Aid Society (56): 3.
- ↑ Nënat e kombit, historia e motrave Sevasti dhe Parashqevi Qiriazi. "Bota Sot" Online (2012-03-30). ციტირების თარიღი: 2016-04-09
- ↑ Shkolla 9-vjeçare "Sevasti Qiriazi" (Korçë) დაარქივებული 2016-04-17 საიტზე Wayback Machine. (ალბანური)