საჰლე-ვორკ ზევდე
საჰლე-ვორკ ზევდე (ამჰ. ሳህለወርቅ ዘውዴ; დ. 21 თებერვალი, 1950, ადის-აბება, ეთიოპია) — ეთიოპიელი დიპლომატი და პოლიტიკური მოღვაწე. ეთიოპიის მე-4 პრეზიდენტი 2018 წლის 25 ოქტომბრიდან. პირველი ქალი ეთიოპიაში, რომელმაც აღნიშნული თანამდებობა დაიკავა. პრეზიდენტად აირჩია[1] ეთიოპიის პარლამენტმა 2018 წლის 25 ოქტომბერს[2]. ზევდე მანამდე მუშაობდა დიპლომატად და იყო გაეროს გენერალური მდივნის ანტონიუ გუტერეშის სპეციალური წარმომადგენელი აფრიკის კავშირში, გაეროს გენერალური მდივნის მოადგილე აფრიკის საკითხებში[3].
| საჰლე-ვორკ ზევდე | |
 | |
| ეთიოპიის პრეზიდენტი | |
|---|---|
| ამჟამინდელი თანამდებობა | |
| დაიკავა | 25 ოქტომბერი, 2018 |
| პრემიერ-მინისტრი | აბი აჰმედ ალი |
| წინამორბედი | მულატუ ტეშომე |
| დაბადებული | 21 თებერვალი, 1950 ადის-აბება, ეთიოპია |
| განათლება | მონპელიეს უნივერსიტეტი |
განათლება
რედაქტირებასაჰლე-ვორკ ზევდე სწავლობდა ბუნების მეცნიერებებს მონპელიეს უნივერსიტეტში (საფრანგეთი)[4][5]. იგი თავისუფლად საუბრობს ამჰარულ, ფრანგულ და ინგლისურ ენებზე.
კარიერა
რედაქტირებასაჰლე-ვორკ ზევდე არის ეთიოპიის დიპლომატიური სამახურის ვეტერანი. იგი 1989-1993 წლებში მუშაობდა სენეგალში ელჩად, რომლის აკრედიტაციაც ვრცელდებოდა მალის, კაბო-ვერდეს, გვინეა-ბისაუს, გამბიისა და გვინეის ტერიტორიაზე. 1993 წლიდან 2002 წლამდე იგი იყო ეთიოპიის ელჩი ჯიბუტიში და განვითარების საკითხებში სამთავრობოთაშორისო ორგანოს მუდმივი წარმომადგენელი. მოგვიანებით იგი მუშაობდა საფრანგეთში ელჩად, იუნესკოში მუდმივ წარმომადგენლად. 2002-2006 წლებში იყო ელჩი ტუნისში და მაროკოში.
საჰლე-ვორკე ზევდე მუშაობდა გაეროში სპეციალურ წარმომადგენლად და ხელმძღვანელობდა გაეროს გაერთიანებულ წარმომადგენლობას ცენტრალური აფრიკის რესპუბლიკაში, სადაც ის ქალთა უფლებების დაცვისათვის იბრძოდა . მოგვიანებით მას ასევე ეკავა მთელი რიგი მაღალი თანამდებობები, მათ შორის ეთიოპიის მუდმივი წარმომადგენელი იყო აფრიკის კავშირში და გაეროს ეკონომიკურ კომისიაში აფრიკისათვის, ასევე მუშაობდა ეთიოპიის საგარეო საქმეთა სამინისტროში აფრიკის საქმეთა გენერალურ დირექტორად.
2011 წელს იგი გაეროს გენერალურმა მდივანმა პან გი მუნმა დანიშნა გაეროს ნაირობის განყოფილების გენერალურ დირექტორად. იგი იყო პირველი ადამიანი, რომელმაც დაიკავა გენერალური მდივნის მოადგილის თანამდებობა.
2018 წლის 25 ოქტომბერს აირჩიეს ეთიოპიის პრეზიდენტად და გახდა პირველი ქალი ამ თანამდებობაზე.
სქოლიო
რედაქტირება- ↑ „Ethiopia elects 1st female president; 'sets the standard'“. AP NEWS. 2018-10-26. ციტირების თარიღი: 2018-10-26.
- ↑ https://www.bbc.com/news/world-africa-45976620#share-tools
- ↑ Secretary-General Appoints Sahlework Zewde of Ethiopia his Special Representative, Head of United Nations Office to African Union United Nations, press release of June 27, 2018.
- ↑ Sahle-Work Zewde poised to be Ethiopia's first female president. ციტირების თარიღი: 25 October 2018
- ↑ Ethiopia appoints career diplomat Sahle-Work Zewde as Africa's only female president. დაარქივებულია ორიგინალიდან — 16 ივნისი 2020. ციტირების თარიღი: 25 October 2018