რუსთავი (მწვერვალი)

რუსთავი — მწვერვალი საქართველოში, მცხეთა-მთიანეთის მხარეში, ყაზბეგის მუნიციპალიტეტში. მდებარეობს შავანის ქედის სამხრეთ-აღმოსავლეთ ნაწილში. სიმაღლე ზღვის დონიდან 3900 მ. აგებულია იურული თიხაფიქლებითა და ქვიშაქვებით. დამახასიათებელია ნივალური ლანდშაფტი. გზა ადის მდინარე თერგის მარჯვენა შენაკადის — ხდის სათავიდან. 1953 წელს ქალაქ რუსთავის მელითონეთა ჯგუფმა (ხელმძღვანელი გ. მელია) მოაწყო ზამთრის მასობრივი ასვლა და მწვერვალს ქალაქ რუსთავის სახელი უწოდეს. მის დალაშქვრაში მონაწილეობდა ერთ-ერთი პირველი ქართველი ქალი ალპინისტი მარო ტყავაძე.

რუსთავი
ქვეყანა	საქართველო
ტერიტორიული ერთეული	ყაზბეგის მუნიციპალიტეტი
სიმაღლე	3900 მ
ქედი	შავანის ქედი
ამგებელი ქანები	თიხაფიქალი და ქვიშაქვა

ლიტერატურა

• უთმელიძე მ., ქართული საბჭოთა ენციკლოპედია, ტ. 8, თბ., 1984. — გვ. 511.