ROKVA
ROKVA, როკვა — ყოველწლიური მუსიკალური ფესტივალი, რომელიც ტარდება რაჭაში, შოვში, ივლისი-აგვისტოს შუალედში.
| ROKVA Magic Mountain/Shovi | |
|---|---|
 2022 წლის ფესტივალის პოსტერი | |
| მდებარეობა | შოვი, საქართველო |
| გამართვის წლები | 2019 — დღემდე |
| დამაარსებლები | Afterbeat Group |
| თარიღები | ივლისი-აგვისტო |
| ჟანრი |
ელექტრონული მუსიკა ალტერნატიული როკი |
ფესტივალი პირველად 2019 წლის 17 აგვისტოს ჩატარდა შოვში, ყოფილი სამხედრო სანატორიუმის ტერიტორიაზე.[1] ფესტივალზე დაუკრეს ისეთმა ქართულმა მუსიკალურმა ჯგუფებმა, როგორებიცაა Mokumoku, არა, დაგდაგანი და Killages.[2] 2020 წლის ზაფხულში ფესტივალი ორდღიანი იყო და შაორის წყალსაცავის მახლობლად გაიმართა, სადაც ორ განსხვავებულ სცენაზე 45-მდე ქართველი არტისტი წარსდგა, მათ შორის Bedford Falls, The BearFox, ერეკლე დეისაძე, Four Dimensional Monster Lobsters და სხვები.[3]
2021 წელს ფესტივალი კვლავ ორდღიანი უნდა ყოფილიყო და თანამედროვე ქართულ მუსიკალურ სცენასთან ერთად ფესტივალს ესტუმრებოდნენ საერთაშორისო არტისტებიც, ბრიტანულ-გერმანული დუეტი Lebanon Hanover და უკრაინული ჯგუფი დახაბრახა, თუმცა COVID-19-ის პანდემიის გართულებული ეპიდვითარების გამო 14 აგვისტოდან — ფესტივალის ჩატარების პირველი დღიდან — ქვეყანაში ამოქმედდა ახალი შეზღუდვები და სრულად შეიზღუდა ფესტივალებისა და სხვა მასობრივი ღონისძიებების გამართვა,[4] რის გამოც „როკვა“, მანამდე არსებული რეგულაციებისა და რეკომენდაციების გათვალისწინების მიუხედავად, 2022 წლამდე გადაიდო.[5][6]
2022 წელს „როკვა“ 3 დღის განმავლობაში, 29-31 ივლისს კვლავ შოვში გაიმართა და 50-მდე ქართულ და საერთაშორისო პროექტს უმასპინძლა, მათ შორის იყვნენ Nouvelle Vague, ბენჟამინ კლემენტინი, მიშელ გურევიჩი, Bedford Falls, Mellow, Eko & Vinda Folio, არა, Tamada, ბაჩო ჯიქიძე, ლექსო რატიანი, კოლექტივი და სხვანი.[7]
ფესტივალის სახელი (სტილიზებულად ROKVA) უკავშირდება ქართულ სიტყვა „როკვას“ — „ცეკვა და მისთანანი“,[8] რაც ერთ-ერთი ორგანიზატორის თქმით, ზუსტად გამოხატავს ფესტივალის არსს.[9]
რესურსები ინტერნეტში
რედაქტირებასქოლიო
რედაქტირება- ↑ ROKVA ფესტივალის მიმოხილვა — ინდიგო
- ↑ ROKVA 2019 — Magic Mountain Shovi
- ↑ განახლებული როკვა ფესტივალი სტუმრებს შაორის წყალსაცავთან უმასპინძლებს — On.ge
- ↑ ახალი შეზღუდვები, რომლებიც დღეიდან ამოქმედდა | 14 აგვისტო, 2021 — მთავარი არხი
- ↑ „როკვა“ გაუქმდა — ორგანიზატორები პოლიციის მხრიდან, მუქარასა და შანტაჟზე საუბრობენ
- ↑ ფესტივალი ROKVA 2022 წლამდე გადაიდო - „სახელმწიფომ იძულებითი ზარალის წინაშე დაგვაყენა“ — Business Media Georgia. დაარქივებულია ორიგინალიდან — 2021-10-23. ციტირების თარიღი: 2022-06-13.
- ↑ ROKVA 2022 — დილა ფორმულაზე
- ↑ როკვა — ლექსიკონი ქართული
- ↑ „რაჭა როკვით შემოიარე“ — ჯაბა შავიშვილი Helloblog.ge-ზე