პატრიკ სუეიზი
პატრიკ სუეიზი (ინგლ. Patrick Swayze; დ. 18 აგვისტო, 1952 — გ. 14 სექტემბერი, 2009)[1] — ამერიკელი მსახიობი, მოცეკვავე და მომღერალი. ყველაზე მეტად სახელი გაითქვა ფილმებში: „ბინძური ცეკვები“ და „მოჩვენება“. პოპულარობა მოუტანა აგრეთვე სერიალმა „ჩრდილოეთი და სამხრეთი“, სადაც განასახიერა ორი მეინის როლი. 1991 წელს მისი სახელი შეიტანეს ჟურნალში „People“ როგორც წლის „ყველაზე სექსუალური მამაკაცი“. პატრიკ სუეიზის ტელე- და კინოკარიერა მოიცავს 30 წელს.
| პატრიკ სუეიზი | |
|---|---|
 პატრიკ სუეიზი 2006 წელს | |
| დაბადების სახელი | პატრიკ უეინ სუეიზი |
| დაბადების თარიღი |
18 აგვისტო, 1952 ჰიუსტონი, აშშ |
| გარდაცვალების თარიღი |
14 სექტემბერი, 2009 (57 წლის) ლოს-ანჟელესი, აშშ |
| საქმიანობა |
მსახიობი მოცეკვავე მომღერალი |
| აქტიური | 1978–2009 |
| მეუღლე(ები) |
ლიზა ნიემი (1975–2009, გარდაცვალებამდე) |
ბიოგრაფია
რედაქტირებაპატრიკ სუეიზი დაიბადა 1952 წლის 18 აგვისტოს, ტეხასის შტატის ქალაქ ჰიუსტონში, დედამისის ქორეოგრაფის პეტსი ივონ ჰელენისა და მამამისის მხაზველის ჯესი უეინ სუეიზის ოჯახში.[2][3][4] პატრიკი აღიზარდა რომაულ-კათოლიკური ტრადიციებით.[5] ჰყავდა ორი უმცროსი ძმა (დონ სუეიზი და შონ კაილი) და ორი და, ვიკი ლინი და ბემბი.[2][6]
ოცი წლის ასაკში სუეიზი ცხოვრობდა ჰიუსტონის გარეუბანში, სადაც სწავლობდა სანქტ როზა ლიმის კათოლიკურ სკოლაში,[7] ოკის ფორესტის დაწყებით სკოლაში,[8] ბლეკის საშუალო სკოლასა[8][9] და უოლტრიპის უმაღლეს სკოლაში.[8] 1972 წელს საცხოვრებლად გადავიდა ქალაქ ნიუ-იორკში, რათა დაემთავრებინა ჰარკნესის ბალეტისა და ჯოფრის საბალეტო ცეკვის გაკვეთილები.
სუეიზიმ პროფესიონალური კარიერა დაიწყო როგორც მოცეკვავემ უოლტ დისნეის კომპანიაში. კინოში მისი დებიუტი შედგა ფილმში „სკეიტაუნი“ (1979). კინემატოგრაფში გარღვევა მოახდინა 1987 წელს როდესაც ითამაშა ფილმში „ბინძური ცეკვები“, სადაც სუეიზისთან ერთად მთავარი როლი შეასრულა ჯენიფერ გრეიმ. მცირე ბიუჯეტიანი ფილმი გარკვეული დროის შემდეგ გადაიქცა ჰიტად. 2009 წლისათვის ფილმმა მთელი მსოფლიოს მასშტაბით მოაგროვა 214 მლნ. აშშ დოლარი. 1990 წელს სუეიზიმ, დემი მურთან და ვუპი გოლდბერგთან ერთად ითამაშა ფილმში „მოჩვენება“. ერთი წლის შემდეგ როლი მიიღო ფილმში „ტალღის ქიმზე“. ბოლო წლების კინოროლებიდან აღსანიშნავია: „უკანასკნელი ცეკვა, „გაღვიძება რინოში“, „11:14“ „ნახტომი“, „მილიონი შობისთვის“, „მჟავა“ და სხვ.
პატრიკ სუეიზი დაქორწინდა 1975 წელს; მისი რჩეული გახდა მსახიობი ლიზა ნიემი, რომელთანაც გარდაცვალებამდე ცროვრობდა. წყვილმა ერთმანეთი 1970 წელს გაიცნო, მაშინ პატრიკი 18 წლისა იყო. შვილები არ ჰყავდათ. 1982 წელს სუეიზის მამა გარდაეცვალა, რის გამოც სმა დაიწყო. 2008 წლის ბოლოს სუეიზის დიაგნოზი დაუსვეს, პანკრეასის სიმსივნე. 2009 წლის 9 იანვარს ფილტვების ანთების დიაგნოზით ჰოსპიტალში გადაიყვანეს. 2009 წლის 16 იანვარს საავადმყოფოდან გამოწერეს. იმავე წლის 19 აპრილს ექიმებმა განაცხადეს, რომ მას აქვს მეტასტაზები.
2009 წლის 14 სექტემბერს პატრიკ სუეიზი გარდაიცვალა.
პატრიკ სუეიზის გარდაცვალებასთან დაკავშირებით მწუხარება გამოთქვა ჰოლივუდის მსახიობმა დემი მურმა:
|
„პატრიკ თქვენი შუქი სამუდამოდ იკაშკაშებს ჩვენს ცხოვრებაში...“
|
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1979 | ფ | სკეიტაუნი | Skatetown, U.S.A. | ეის ჯონსონი |
| 1981 | ს | სამხედრო ჰოსპიტალი | M*A*S*H | გერი სტარჯესი |
| 1983 | ფ | იშვიათი გმირობა | Uncommon Valor | კევინ სკოტი |
| 1983 | ფ | გარიყულები | The Outsiders | დერელ კერტისი |
| 1984 | ფ | წითელი განთიადი | Red Dawn | ჯედ ეკერტი |
| 1984 | ფ | დიდი ხედვა, აშშ | Grandview, U.S.A. | ერნი ვებსტერი |
| 1985 | ს | ჩრდილოეთი და სამხრეთი | North and South | ორი მეინი |
| 1986 | ს | ჩრდილოეთი და სამხრეთი, წიგნი II | North and South, Book II | ორი მეინი |
| 1987 | ფ | ბინძური ცეკვები | Dirty Dancing | ჯონი კასტლი |
| 1987 | ფ | ფოლადის განთიადი | Steel Dawn | მომთაბარე |
| 1988 | ფ | უორსოუ ზედმეტსახელად ვეფხვი | Tiger Warsaw | ჩაკ უორსოუ |
| 1989 | ფ | ახლო ნათესავი | Next of Kin | ტრუმენ გეიტსი |
| 1989 | ფ | სახლი გზასთან | Road House | ჯეიმზ დალტონი |
| 1990 | ფ | მოჩვენება | Ghost | სემ უიტი |
| 1991 | ფ | ტალღის ქიმზე | Point Break | ბოდი |
| 1992 | ფ | სიამოვნების ქალაქი | City of Joy | მაქს ლოუ |
| 1993 | ფ | სასოწარკვეთილი მამა | Father Hood | ჯეკ ჩარლზი |
| 1994 | ს | ჩრდილოეთი და სამხრეთი, წიგნი III | Heaven & Hell: North and South, Book III | ორი მეინი |
| 1995 | ფ | დიდი ნაამბობი | Tall Tale: The Unbelievable Adventures of Pecos Bill | პეკოს ბილი |
| 1995 | ფ | სამი სურვილი | Three Wishes | ჯეიმზ მაკლაუდი |
| 1995 | ფ | ყველაფრისთვის მადლობელი ჯული ნიუმარი | To Wong Foo, Thanks for Everything! Julie Newmar | ვიდა ბოჰემა |
| 1998 | ფ | წერილები მკვლელს | Letters from a Killer | რეის დარნელი |
| 1998 | ფ | შავი ძაღლი | Black Dog | ჯეკ კრეუსი |
| 2001 | ფ | დონი დარკო | Donnie Darko | ჯონ კანინგემი |
| 2001 | ფ | მწვანე დრაკონი | Green Dragon | ჯიმ ლანსი |
| 2002 | ფ | გაღვიძება რინოში | Waking Up in Reno | როი კირკენდალი |
| 2003 | ფ | უკანასკნელი ცეკვა | One Last Dance | ტრევის მაკფერსონი |
| 2003 | ფ | 11:14 | 11:14 | ფრენკი |
| 2004 | ფ | ბინძური ცეკვები 2: ჰავანური ღამეები | Dirty Dancing: Havana Nights | ცეკვის მასწავლებელი |
| 2004 | ფ | ჯორჯი და დრაკონი | George and the Dragon | გერთი |
| 2004 | ფ | სოლომონ მეფის საბადოები | King Solomon's Mines | ალან ქუოტერმეინი |
| 2005 | ფ | დაიცავი სიჩუმე | Keeping Mum | ლენსი |
| 2005 | ფ | ხატი | Icon | ჯეისონ მონკი |
| 2006 | ანფ | მელაკუდა და მონადირე ძაღლი 2 | The Fox and the Hound 2 | კეში |
| 1997 | ფ | ნახტომი! | Jump! | რიჩარდ პრესბურგერი |
| 2007 | ფ | მილიონი შობისთვის | Christmas in Wonderland | უეინ სანდერსი |
| 2009 | ფ | მჟავა | Powder Blue | ლარი |
| 2009 | ს | მხეცი | The Beast | ჩარლზ ბარკერი |
რესურსები ინტერნეტში
რედაქტირება
- პატრიკ სუეიზი კინოფილმების ინტერნეტ-მონაცემთა ბაზაში
- პატრიკ სუეიზი დაარქივებული 2009-09-23 საიტზე Wayback Machine. (ინგლისური)
- პატრიკ სუეიზი — Find a Grave-ზე
სქოლიო
რედაქტირება- ↑ „Actor Patrick Swayze Dies at 57“. CBS. September 14, 2009. დაარქივებულია ორიგინალიდან — მაისი 29, 2012. ციტირების თარიღი: September 14, 2009.
- ↑ 2.0 2.1 Biography at Don Swayze's Official Site დაარქივებული 2009-02-20 საიტზე Wayback Machine. .
- ↑ Patrick Swayze Biography. Film Reference.
- ↑ Ancestry of Patrick Swayze. Genealogy.com. დაარქივებულია ორიგინალიდან — 2012-02-18. ციტირების თარიღი: 2012-02-27.
- ↑ „Hollywood rallies around Patrick Swayze as he vows to continue work during his cancer battle“. London: Daily Mail. March 7, 2008. ციტირების თარიღი: July 31, 2010.:("Swayze was raised Roman Catholic.")
- ↑ Bernstein, Adam. (September 15, 2009) Patrick Swayze, 57. Washington Post. ციტირების თარიღი: May 17, 2011.
- ↑ „Patrick Swayze“. The Daily Telegraph. September 15, 2009. ციტირების თარიღი: September 11, 2010.
- ↑ 8.0 8.1 8.2 Distinguished Houston Independent School District Alumni დაარქივებული 2012-05-15 საიტზე Wayback Machine. . Retrieved on April 20, 2009.
- ↑ "F.M. Black Middle School, Houston, Texas - General Information. დაარქივებული 2009-07-09 საიტზე Wayback Machine. Retrieved on April 20, 2009.
- ↑ ვარსკვლავების რეაქცია სუეიზის გარდაცვალებასთან დაკავშირებით. დაარქივებულია ორიგინალიდან — 2012-07-16. ციტირების თარიღი: 2012-02-28.