ოშორა (მთა)

ოშორა, ჩიტისკიბე — მთა საქართველოში, სამცხე-ჯავახეთის მხარეში, ასპინძისა და ბორჯომის მუნიციპალიტეტების ადმინისტრაციულ საზღვარზე. მდებარეობს თრიალეთის ქედის დასავლეთ განშტოების საბადურის თხემზე, მდინარე თისელისღელის (მტკვრის მარჯვენა შენაკადი) სათავეში. სიმაღლე ზღვის დონიდან 2607 მ. აგებულია შუაეოცენური ლავურგანფენებიანი ანდეზიტური ტუფ-ბრექჩიებითა და ტუფ-ქვიშაქვებით. კალთები დასერილია თისელისღელის და ოშორის მარჯვენა შენაკადთა ხევ-ხეობებით. ჩრდილო-დასავლეთ კალთაზე შერეული ტყეებია, დანარჩენი შემოსილია სუბალპური და ალპური მდელოებით.

ოშორა
ოშორა (ცენტრში), ხედი სოფ. იდუმალიდან
კოორდინატები: 41°41′04″ ჩ. გ. 43°15′03″ ა. გ.
ქვეყანა	საქართველო
ტერიტორიული ერთეული	ასპინძის მუნიციპალიტეტი ბორჯომის მუნიციპალიტეტი
სიმაღლე	2607 მ
ქედი	თრიალეთის ქედი
ამგებელი ქანები	ლავურგანფენებიანი ანდეზიტური ტუფ-ბრექჩია და ტუფ-ქვიშაქვა
სურათები ვიკისაწყობში

ლიტერატურა

• ჯაყელი ქ., ქართული საბჭოთა ენციკლოპედია, ტ. 7, თბ., 1984. — გვ. 620.