ნინო წილოსანი
ნინო წილოსანი (დ. 19 თებერვალი, 1982, თბილისი)[1] — ქართველი პოლიტიკოსი. საქართველოს ორი მოწვევის (2016, 2020) პარლამენტის წევრი, „ქართული ოცნების“ ქალთა ორგანიზაციის გამგეობის თავმჯდომარე (2022-), გენდერული თანასწორობის მუდმივმოქმედი საპარლამენტო საბჭოს თავმჯდომარე.
| ნინო წილოსანი | |
|---|---|
 | |
| დაბადების თარიღი | 19 თებერვალი, 1982 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 საქართველო |
| განათლება | ივანე ჯავახიშვილის სახელობის თბილისის სახელმწიფო უნივერსიტეტი |
| ეროვნება | ქართველი |
| პარტია | ქართული ოცნება |
| შვილ(ებ)ი | 3 |
| parliament.ge/ge/mp/5694 | |
ბიოგრაფია რედაქტირება
განათლება რედაქტირება
2002 წელს დაამთავრა თბილისის სახელმწიფო უნივერსიტეტი, საერთაშორისო ეკონომიკურ ურთიერთობათა ფაკულტეტი, მაგისტრის ხარისხი. 2007 წელს გაიარა აუდიტის სასწავლო კურსი (Association of Chartered Certified Accountants); 2015 წელს ოქსფორდის უნივერსიტეტში შეისწავლა პოლიტიკის საწყისები.
სამუშაო გამოცდილება რედაქტირება
2003-2007 წლებში იყო სს ელექტროვაგონშემკეთებელი ქარხნის საფინანსო ეკონომიკური განყოფილების უფროსი. 2008-2011 წლებში ვაგონმშენებელი კომპანიის საფინანსო-ეკონომიკური დეპარტამენტის უფროსი. 2008-2016 წლებში - შპს „ვაგონშემკეთებელი კომპანიის“ სამეთვალყურეო საბჭოს თავმჯდომარე. ამავე კომპანიაში ეკავა საფინანსო-ეკონომიკური სამსახურის უფროსის თანამდებობა. ასევე, იყო „წილოსანის ფონდის“ დამფუძნებელი და პრეზიდენტი; საქართველოს დამსაქმებელთა ასოციაციის ვიცე-პრეზიდენტი. 2021 წელს გახდა WPL (Women Political Leaders) ქვეყნის ელჩი. [2]
2016 წელს წილოსანი „ქართულმა ოცნებამ“ ლანჩხუთისა და ჩოხატაურის მაჟორიტარობის კანდიდატად წარადგინა. პირველ ტურში მიიღო 47,04% (14 963 ხმა). [3] მეორე ტურში მიიღო 74,76% (19 227 ხმა) და არჩევნებში გამარჯვება მოახერხა. [4] 2016-2020 წლებში იყო საქართველოს მე-9 მოწვევის პარლამენტის წევრი (ლანჩხუთისა და ჩოხატაურის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. ფრაქცია „ქართული ოცნების“ მდივანი.
2020 წლის საპარლამენტო არჩევნებისთვის ნინო წილოსანი „ქართული ოცნების“ პროპორციული სიის 24-ე ნომრად დასახელდა.[5] 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[6] 2020 წლიდან საქართველოს პარლამენტის აგრარულ საკითხთა კომიტეტის თავმჯდომარე.
2022 წლის 14 მაისს დაფუძნდა „ქართული ოცნების“ ქალთა ორგანიზაცია. [7] ქალთა ორგანიზაციის გამგეობის თავმჯდომარედ არჩეული იქნა ნინო წილოსანი. [8]
რესურსები ინტერნეტში რედაქტირება
- ნინო წილოსანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
- ნინო წილოსანი — საქართველოს ბიოგრაფიული ლექსიკონი
სქოლიო რედაქტირება
- ↑ ნინო წილოსანის ქონებრივი დეკლარაცია. declaration.gov.ge (2020-01-31). ციტირების თარიღი: 19 დეკემბერი, 2020.
- ↑ WPL Country Ambassadors
- ↑ არჩევნები 2016
- ↑ არჩევნები 2016 – მეორე ტური
- ↑ საპარლამენტო არჩევნების პარტიული სია
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.
- ↑ „ქართულმა ოცნებამ“ ქალთა ორგანიზაცია დააფუძნა
- ↑ „ქართული ოცნების“ ქალთა ორგანიზაციამ ერთწლიანი მუშაობა შეაჯამა