ნიენჩენ-ტანგლა
ნიენჩენ-ტანგლა — ქედი სამხრეთ-დასავლეთ ჩინეთში, ტიბეტის მთიანეთის სამხრეთ ნაწილში. განდისიშანის აღმოსავლეთი ნაწილი. წარმოადგენს სამხრეთით მდინარე ცანგპოსა და ჩრდილოეთით მდინარე ნაგ-ჩუსა და ნამცოს ტბის წყალგამყოფს. სიგრძე დაახლოებით 600 კმ. მაქსიმალური სიმაღლე 7162 მ (მთა ნიენჩენ-ტანგლა).
| ნიენჩენ-ტანგლა | |
|---|---|
 ნიენჩენ-ტანგლა | |
| კოორდინატები: 30°19′00″ ჩ. გ. 90°07′50″ ა. გ. / 30.31667° ჩ. გ. 90.13056° ა. გ. | |
| ქვეყანა |  ჩინეთი
|
| ტერიტორიული ერთეული | ტიბეტი |
| უმაღლესი წერტილი | ნიენჩენ-ტანგლა |
| სიმაღლე | 7162 მ |
| სიგრძე | 600 კმ |
  | |
დასავლეთ ნაწილში ნიენჩენ-ტანგლა მოიცავს ჩრდილოეთის ქედს — ნგანგლონგს და სამხრეთის ქედს — კაილასს, რომელიც უფრო მეტადაა უსწორმასწორო და მყინვარული. აგებულია პალეოზოური და მეზოზოური ასაკის ქვიშაქვებით, ფიქლებით, კირქვებით, ცარცული ასაკის ვულკანური ქანებითა და ახალგაზრდა გრანიტებით. ნიენჩენ-ტანგლა თოვლით შესელილი მთების თითქმის უწყვეტი ჯაჭვია შედარებით მოსწორებული თხემით.
უღელტეხილების სიმაღლე 5000 მ-ზე მეტია. კალთები კლდოვანია, დაფარულია ნაყარით. სამხრეთი კალთების ქვედა ნაწილში განვითარებულია მაღალმთიანი სტეპი და ნახევარუდაბნო, ხოლო ჩრდილოეთ კალთებზე ჭარბობს ცივი უდაბნოების ლანდშაფტი. ნიენჩენ-ტანგლა მოხსენიებულია ჰენრიხ ჰარერის წიგნში „შვიდი წელი ტიბეტში“.
რესურსები ინტერნეტში
რედაქტირება- ნიენჩენ-ტანგლა — სტატია დიდი რუსული ენციკლოპედიიდან (რუსული)
- ნიენჩენ-ტანგლა — სტატია ენციკლოპედია ბრიტანიკიდან (ინგლისური)