ნაქერალის ქედი
ქედი საქართველოში, კახეთის მხარეში
ნაქერალის ქედი — ქედი საქართველოში, კახეთის მხარის ახმეტისა და თელავის მუნიციპალიტეტების ადმინისტრაციულ საზღვარზე. კახეთის კავკასიონის სამხრეთი განშტოება, მდინარეების სტორისა (ალაზნის მარცხენა შენაკადი) და ალაზნის წყალგამყოფი. აგებულია ქვედა და შუაიურული ასპიდური ფიქლებითა და თიხაფიქლებით, ქვიშაქვებითა და არკოზული ქვიშების ლინზებით. ჩრდილოეთი მონაკვეთის დასავლეთი კალთა ინტენსიური გამოფიტვა-გადარეცხვის ობიექტია. დასერილია მრავალრიცხოვანი მდინარეების ვიწრო ხევებით. ჩრდილოეთ კალთაზე მყინვარული ფორმები — ცირკებია. თხემური ზოლი და ჩრდილოეთი მონაკვეთის კალთები შემოსილია სუბალპური და ალპური ბალახეულით, დანარჩენი კალთები — ფოთლოვანი ტყით, სადაც ჭარბობს წიფელი.
| ნაქერალის ქედი | |
|---|---|
 ნაქერალის ქედი (ხედი ჩრდილოეთიდან) | |
| კოორდინატები: 42°15′58″ ჩ. გ. 45°25′40″ ა. გ. / 42.266250° ჩ. გ. 45.427917° ა. გ. | |
| ქვეყანა |  საქართველო
|
| ტერიტორიული ერთეული | ახმეტის მუნიციპალიტეტი თელავის მუნიციპალიტეტი |
| უმაღლესი წერტილი | დიდგვერდი |
| სიმაღლე | 3334 მ |
| ამგებელი ქანები | ასპიდური ფიქალი და თიხაფიქალი, ქვიშაქვა და არკოზული ქვიშა |
  | |
 | |
 სურათები ვიკისაწყობში
| |
ლიტერატურა
რედაქტირება- ქართული საბჭოთა ენციკლოპედია, ტ. 7, თბ., 1984. — გვ. 334.